Gẹnẹsis

3 Ẹyẹn kegha re nọ ghi ru ero sẹ vbe uwu aranmwẹ ne Osanobua ne Jehova yi hia. Ẹre ọ na ghi nọ okhuo nii wẹẹ, “Tẹ Osanobua gele wẹẹ ne uwa ghẹ rri ọmọ erhan rhọkpa ni rre uwu ogba na ra?” 2 Okhuo nii keghi wanniẹn wẹẹ, “Ma sẹtin rri ọmọ erhan ke ọmọ erhan vbe uwu ogba na. 3 Sokpan, ọmọ erhan nọ rre adesẹneva ẹre, Osanobua wẹẹ ne ima ghẹ rri ọre, ra ne ima ya obọ kan rẹn, ọ wẹẹ ma gha ru vberriọ, ma gha wulo.” 4 Ẹyẹn keghi wanniẹn wẹẹ, “Ọni i re ẹmwata; wa i wulo. 5 Te Osanobua tae vberriọ, rhunmwuda, ọ rẹnrẹn wẹẹ, wa gha rri ọre, wa ghi do yevbe irẹn, wa ghi do rẹn emwi nọ maan, ke nẹi maan zẹvbe ne irẹn ye.” 6 Okhuo nii keghi miẹn vbene erhan nii mose hẹ, kevbe vbene ọmọ rẹn vbe rhie aro re hẹ. Ẹre ọ na rhie vbe ọmọ erhan nii, ọ na rri ọre. Ọdọ ẹre ghi rre, ọ na vbe rhie nẹẹn vbọ, irẹn na vbe rri ọre. 14 Osanobua ne Jehova keghi tama ẹyẹn nii wẹẹ, ”‏Rhunmwuda emwi ne u ru na, aranmwe na fi ẹre unu ẹre u ghi khin vbe uwu aranmwẹ hia. Ẹko, ẹre u khian ya gha hiọrọ, ekẹn ẹre u khian vbe gha re vbe ẹdẹ agbọn ruẹ hia. 15 I gha ru ẹre ne uwẹ vbe okhuo nii khian oghian egbe, eghian ẹre ovbuẹ kevbe ovbi ẹre khian gha khin. Irẹn gha lọkọ uhunmwu ruẹ, uwẹ ghi vbe sae vbe ighinghianwẹ. 22 Ere Jehova ne Osanobua na kha wẹẹ, “Banbanna nian, tẹ okpia na ghi yevbe ọkpa vbe uwu ima rhunmwuda, tẹ ọ ghi rẹn ẹmwi nọ maan ke nẹi maan. Ai kue nọ ya re vbe erhan arrọọ, nọ do gha rrọọ vbe ẹdẹdẹmwẹdẹ”