Mambahen Acara Pernikahan na Pasangappon Goar ni Jahowa

1-2. Aha do na diharappon Jahowa sian acara pernikahan?

NA LAGI mempersiappon acara pernikahanmuna do hamu? Molo i na diulahon hamu pasti las do rohamuna, alai pasti sibuk do tong hamu. Jahowa pe lomo do rohana asa marlas ni roha hamu di ari pernikahanmunaa jala asa marlas ni roha hamu dohot pasanganmuna di ari na naeng ro.—Poda 5:18; Ende 3:11.

² Alai ingot ma porlu do dipasangap hamu goar ni Jahowa di acara pernikahanmuna. Boasa songon i? Jala boha ma carana mangulahon i? Memang tu akka halak na naeng menikah do dipersiappon artikel on. Alai boi do akka prinsip na dibahas di artikel on mangurupi hita sude, asa boi pasangappon goar ni Jahowa tikki ro tu acara pernikahan. Jala boi do i mangurupi hita tikki adong halak na mangido saran taringot acara pernikahan.

BOASA IKKON PASANGAPPON GOAR NI JAHOWA?

3. Aha do na ikkon dipikkirhon halak na naeng menikah tikki mempersiappon acara pernikahan ni nasida? Boasa songon i?

³ Ikkon diihutton halak na naeng menikah do prinsip ni Jahowa na adong di Bibel tikki naeng mempersiappon acara pernikahan ni nasida. Boasa? Alana Jahowa do na mambahen adong pernikahan. Ibana do na mambahen si Adam dohot si Hawa gabe suami dohot istri. (1Mus. 1:28; 2:24) Jadi ikkon dipikkirhon halak na naeng menikah do boha carana asa pasangappon goar ni Jahowa acara pernikahan ni nasida.

4. Boasa ikkon pasangappon goar ni Jahowa acara pernikahanta?

⁴ Adong alasan na asing boasa ikkon tapikkirhon perasaan ni Jahowa tikki mempersiappon acara pernikahan: Bapakta jala Sahabatta do Jahowa. (Heb. 12:9) Lomo do rohatta asa torus marale-ale dohot Ibana. Alani i dang olo hita mambahen haccit rohana, termasuk alani acara pernikahanta. (Ps. 25:14) Molo taingot sude naung diulahon Jahowa tu hita dohot na lao diulahon Ibana di ari na naeng ro, pasti gabe taronjar do rohatta lao mambahen acara pernikahan na parohon sangap tu goarna.—Ps. 116:12.

ASA BOI HAMU PASANGAPPON GOAR NI JAHOWA

5. Aha do manfaatna molo olo hita mangihutton prinsip ni Bibel tikki naeng mambahen acara pernikahan?

⁵ Dang adong dipaboa di Bibel ikkon songon dia acara pernikahan ni sasahalak. Jadi boi do nasida mambahen acara pernikahan sesuai tu keadaan, hasomalan, dohot lomo ni roha ni nasida. Jala ikkon diihutton nasida do aturan ni pamaretta taringot perkawinan. (Mat. 22:21) Alai molo olo nasida mangihutton akka prinsip na adong di Bibel tikki naeng mambahen acara pernikahan, pasti parohon sangap do i tu goar ni Jahowa jala mambahen las rohana. Akka prinsip ni Bibel na dia ma i?

6. Menurut Rom 13:​1, 2, boasa ikkon diihutton halak na naeng menikah aturan ni pamaretta taringot perkawinan?

⁶ Ihutton ma aturan ni pamaretta. (Rom 13:​1, 2) Di godangan negara, adong do dibahen pamaretta aturan na ikkon diihutton halak na naeng menikah. Jadi ikkon diboto halak na naeng menikah do aturan na marlakku di negara ni nasida. Molo dang diboto nasida boha carana mangihutton aturan i, boi do disukkun nasida i tu akka sintua.b

7. Ikkon songon dia do acara pernikahan i jala boha ma carana asa boi songon i acara pernikahanmuna?

⁷ Sangap ma bahen acaramuna. (1 Kor. 10:​31, 32) Berupaya ma hamu asa boi acaramuna i patuduhon parbue ni tondi parbadia ni Debata, dang pangalaho ni akka halak na di portibi on. (Gal. 5:​19-26) Mangihutton prinsip ni Bibel taringot kekepalaan, ikkon pengantin bawa do na martanggung jawab mamastihon asa boi sangap acara ni nasida jala parohon las ni roha. Boha ma carana mangulahon i? Molo boi do parjamita lambok, patuduhon holong, jala sopan tikki pasahatton jamitana di acara pernikahan, boi ma sude halak na manangihon mangattusi silehon-lehon na sian Jahowa do perkawinan i. Jala boi ma nasida mangargai acara i. Alani i ma godangan pasangan mamillit asa di Bale Harajaon dipasahat jamitana. Molo i do lomo ni rohamuna, hatop ma bahen surat tu akka sintua lao mangido ijin mamakke Bale Harajaon.

8. Molo naeng dibahen hamu resepsi pernikahanmuna, boha ma carana asa tetap i pasangappon goar ni Jahowa? (Rom 13:13)

⁸ Jaha Rom 13:13. Molo naeng dibahen hamu resepsi pernikahanmuna, boha ma carana asa dang patuduhon pangalaho ni akka halak na di portibi on acara i? Bahasa Junani “marpestai sahat tu na mabuk” patuduhon, minum-minum do halak na marpesta i sahat tu na mabuk jala diputar do musik sahat tu tonga borngin. Alani i molo naeng diparade hamu minuman beralkohol di acara resepsimuna, pikkirhon ma boha carana asa unang sappe adong na pagodangku manginum i.c Molo naeng dibahen hamu pe musik, unang ma pagogohu soarana asa boi akka tamu tabo makkata-hatai. Jala porlu do manat hamu mamillit jenis ni musik dohot lirik ni lagu na lao diputar asa unang sappe adong na tartuktuk.

9. Aha do na porlu diingot hamu molo naeng dibahen hamu acara hiburan di resepsimuna manang diloas hamu halak mangalehon kata sambutan?

⁹ Adong do foto manang video na lao dipatudu hamu? Manang adong do kata sambutan dohot hiburan? Memang tamba do las ni roha molo adong acara sisongon i di resepsi pernikahan. Alai berupaya ma hamu mamastihon asa boi i patoguhon halak na asing. (Plp. 4:8) Pikkirhon ma: ‘Boi do annon acara i patuduhon na huargai halak na asing jala na huargai do perkawinan?’ Jala na paling penting: ‘Boi do annon i parohon sangap tu goar ni Jahowa?’ Molo tung pe adong na naeng marlawak tikki mambahen kata sambutan, pastihon ma dang adong hata na so suman na dipasahat ibana na mambahen halak gabe mamikkirhon akka na rorang. (Eps. 5:3) Jala molo adong keluarga manang dongan na naeng mangalehon kata sambutan, pastihon ma nga diattusi nasida akka hata na songon dia do na so boi dokkonon ni nasida.

10. Boasa ikkon sederhana dibahen hamu acara pernikahanmuna? (1 Joh 2:​15-17)

¹⁰ Sederhana ma bahen. (Jaha 1 Johannes 2:​15-17.) Las do roha ni Jahowa molo berupaya naposona pasangappon goarna, dang holan pasangappon diri ni nasida sandiri. Jadi dang porlu halak Kristen pahabisson godang hepeng lao mambahen acara pernikahan jala “patudu-tuduhon na adong” di nasida. Aha ma manfaatna molo sederhana dibahen hamu acara pernikahanmuna? Taida ma pengalaman ni si Mike, sahalak donganta na tinggal di Norwegia. Didok ibana, “Sederhana do acara pernikahannami, alai tetap parohon las ni roha. Alani i dang porlu hami marutang jala boi ma hami tetap merintis.” Songon i ma muse na dihilala si Tabitha, sahalak donganta na sian India. Didok ibana, “Ala sederhana hubahen hami pesta pernikahannami, dang godang na porlu diulahon hami dohot na dipikkirhon hami. Jala dang godang masalah.”

11. Boha ma carana asa tetap sederhana pakkean dohot penampilanmuna di acara pernikahan? (Ida gambar.)

¹¹ Pakkean na songon dia do na lao dipakke hamu? Sude do halak pasti lomo rohana asa bagak di ari pernikahanna. Songon i do tong na diulahon pengantin bawa dohot borua na disurat di Bibel. (Jes. 61:10) Memang pasti ubbagak do pakkeanmuna di ari pernikahan dibandingkon pakkean na somal dipakke hamu. Alai ikkon tetap do sopan pakkeanmuna. (1 Tim. 2:9) Jala unang ma gabe holan pakkean dohot penampilan na urrikkot di pesta pernikahanmuna.—1 Ptr. 3:​3, 4.

12. Boasa ikkon manat hamu sebelum pamasukkon sada hasomalan tu acara pernikahanmuna?

¹² Unang ma adong hasomalan na maralo tu hata ni Debata. (Pgk. 18:4) Saonari on godang do halak di portibi on na pamasukkon hasomalan ni agama na so sittong, ulaon spiritisme, dohot hasomalan ni sipelebegu tu acara pernikahan ni nasida. Alai takkas do dipaingot Jahowa asa tapadao hasomalan sisongon i. (2 Kor. 6:​14-17) Molo dang pos rohamuna tu sada hasomalan, bahen hamu ma riset. Lului ma hatorangan taringot asal usul ni hasomalan i dohot akka prinsip ni Bibelna, asa boi diputusson hamu naeng dipamasuk do hasomalan i tu acara pernikahanmuna manang na daong.

13. Boha do cara ni halak na naeng menikah maniru cara marpikkir ni Jahowa taringot manjalo hadiah?

¹³ Somal do halak di daerahmuna mangalehon hadiah tu halak na menikah? Memang dijujui Bibel do hita asa las rohatta mangalehon na adong di hita. Jala las do rohatta mangulahon i. (Poda 11:25; Ul. 20:35) Ala dang sarupa keadaan ekonomi ni akka tamu, dang sai sarupa arga ni hadiah na tolap dilehon nasida. Jadi unang ma tabahen gabe hira na terpaksa donganta ikkon mangalehon hadiah tu hita. Jala unang ma tabahen gabe metmet roha ni nasida ala dang boi mangalehon hadiah na arga tu hita. Tatiru ma Jahowa, alana lomo do roha ni Jahowa asa sian ias ni roha naposona mangalehon jala sian na tolap ni nasida.—2 Kor. 9:7.

MANGATASI AKKA TANTANGAN

14. Aha do piga-piga tantangan na dihilala halak na naeng menikah?

¹⁴ Adong do ra piga-piga tantangan asa boi hamu mambahen acara pernikahan na pasangappon goar ni Jahowa. Misalna, maol do ra dihilala hamu naeng mambahen pernikahan na sederhana. Songon i ma na dihilala si Charlie, na tinggal di Kepulauan Solomon. Didok ibana, “Maol do mamillit ise na lao diundang tu acara resepsinami. Alana godang do dongannami. Jala somalna di daerahnami, sude do berharap naeng diundang!” Si Tabitha na dipaboa di paragraf sebelumna mandok, “Di daerahnami, somal do mambahen pesta na balga. Jadi tikki didok hami holan 100 halak na naeng diundang hami, porlu do tikki di natua-tuanami lao manjalo keputusannami i.” Songon i ma muse na dihilala si Sarah na sian India. Didok ibana, “Penting hian do hamoraon dohot hasangapon di piga-piga halak. Jadi tikki menikah piga-piga keluarganami, balga do pestana dibahen. Gabe dijujui keluargakku ma au asa mambahen pesta na umbalga.” Molo masa tantangan sisongon i tu hamu dohot tantangan na asing, boha ma caramuna lao mangatasi i?

15. Boasa penting martangiang tikki naeng mambahas acara pernikahanmuna?

¹⁵ Jotjot ma tangiakkon taringot acara pernikahanmuna. Boi do ditangiakkon hamu tu Jahowa taringot tantangan manang taringot perasaanmuna. (Plp. 4:​6, 7) Boi do dipangido hamu tu Ibana asa diurupi hamu mambahen keputusan na denggan, asa tetap tenang, jala asa barani tikki mambahen keputusan na mungkin dang songon na diharappon halak na asing. (1 Ptr. 5:7) Tikki dihilala hamu na dialusi Jahowa do tangiangmuna, pasti lam tamba do pos ni rohamuna tu Ibana. Si Tabitha na dipaboa nakkin mandok, “Mabiar do au dohot tunanganku, so tung gabe marbada hami na dua manang gabe marbada dohot keluarganami tikki mambahas taringot acara pernikahannami. Jadi sai martangiang do hami tikki naeng mambahas taringot acara i. Boi do huhilala hami na diurupi Jahowa do hami. Alana boi do hami denggan makkatai tikki mambahas acara i.”

16-17. Aha do manfaatna molo takkas jala sopan caramuna makkatai tikki mambahas acara pernikahanmuna?

¹⁶ Takkas jala sopan ma caramuna tikki makkatai. (Poda 15:22) Pasti godang do keputusan na ikkon dibahen hamu na dua taringot acara pernikahanmuna. Termasuk ma i taringot tanggal pernikahanmuna, sadia godang biaya na lao dipakke, akka ise na lao diundang, dohot akka keputusan na asing. Sebelum dibahen hamu keputusan, paboa ma pendapatmuna masing-masing jala bahas ma akka prinsip ni Bibel dohot akka saran na dilehon akka dongan na togu haporseaonna. Tikki naeng paboahon pendapatmuna, berupaya ma asa lambok, masuk akkal, jala rade ma hamu mambahen penyesuaian. Molo adong pangidoan ni anggota keluargamuna, misalna pangidoan ni natua-tuamuna, jala masuk akkal do pangidoanna i, berupaya ma hamu mangihutton i. Alana acara na istimewa do tong on di nasida. Molo dang boi diihutton hamu pangidoan ni nasida, paboa ma alasanna. Jala sopan ma caramuna tikki paboahon i. (Kol. 4:6) Takkas ma paboa tu nasida, pasangappon goar ni Jahowa do na uppetting di hamu.

¹⁷ Maol do ra naeng paboahon keputusanmuna tu natua-tuamuna, tarlumobi molo dang Saksi Jahowa nasida. Alai pasti boi do hamu mangulahon i. Songon i ma na dihilala si Santhosh, sahalak donganta bawa na sian India. Didok ibana, “Dipangido keluarganami do asa dipamasuk piga-piga hasomalan ni agama Hindu tu acara pernikahannami. Maol do asa setuju nasida tu keputusannami. Alai rade do hami mambahen piga-piga penyesuaian molo dang maralo pangidoan ni nasida tu lomo ni roha ni Jahowa. Misalna, olo do hami manggatti menu ni sipanganon di acara resepsinami asa sesuai tu lomo ni roha ni nasida. Jala dang dibahen hami acara marende dohot menari, alana dang somal i di keluarganami.”

18. Aha do na boi diulahon hamu asa lancar acara pernikahanmuna? (1 Korint 14:40) (Ida gambar.)

¹⁸ Denggan ma persiappon. Asa unang godang na dipikkiri hamu di acara pernikahanmuna, denggan ma persiappon. (Jaha 1 Korint 14:40.) Songon i ma na dibahen sahalak donganta bawa na sian Taiwan. Didok ibana, “Piga-piga ari sebelum acara pernikahannami, dibahen hami do pertemuan dohot akka dongan na mangurupi hami di acara i. Dibahas hami ma akka tugas ni nasida jala dibahen hami do latihan asa boi annon lancar acara pernikahannami.” Asing ni i berupaya ma hamu asa tepat waktu. Alana i patuduhon na diargai hamu do akka tamumuna.

19. Aha do na boi diulahon hamu asa boi resepsi pernikahanmuna sesuai tu rencanamuna?

¹⁹ Boi do dihindari hamu akka masalah di acara pernikahanmuna molo nga dipikkiri hamu hian akka masalah i jala boha carana lao mangatasi i. (Poda 22:3) Misalna molo somal do halak di daerahmuna ro tu acara pesta nang pe dang diundang, pikkirhon ma boha carana asa unang masa sisongon i di acaramuna. Urupi ma keluargamuna na so saksi asa mangattusi taringot acara pernikahan na tabahen, jala boasa dang tapamasuk piga-piga hasomalan. Boi do dilehon hamu tu nasida artikel “Songon dia do Perkawinan ni Saksi Jahowa?” sian situs jw.org. Boi do muse dipillit hamu sahalak donganta bawa na togu haporseaonna lao gabe “ketua” ni pesta. (Joh. 2:8) Takkas ma paboa tu ibana taringot rencanamuna, asa boi dipastihon ibana acara pernikahanmuna i tetap sangap jala sesuai tu rencanamuna.

20. Aha do na ikkon diingot hamu taringot acara pernikahanmuna?

²⁰ Olo do ra gabe marsak hian hamu ala godang na ikkon dipikkiri taringot acara pernikahanmuna. Alai ingot ma holan sadari do i. Alana i dope mulana hamu manomba Jahowa rap dohot pasanganmuna. Jadi berupaya ma hamu mambahen pesta na sederhana jala na sangap. Andalhon ma Jahowa. Molo diihutton hamu petunjukna, boi ma hamu mambahen acara pernikahan na parohon las ni roha jala dang adong na lao disolsoli hamu di ari na naeng ro.—Ps. 37:​3, 4.