Boha do molo Dang Adong na Olo Mardongan tu Au?

“Ikkon boi do ho diterima akka donganmu. Molo dang adong donganmu, gabe hira na so marguna do ngolum, jala dang adong masa depanmu. Ujungna, gabe dang adong na mangingot ho jala kesepian ma ho.”—Si Carl.

Ra, hira na palobihu do i didok roham. Alai adong do halak na olo mangulahon manang aha pe asa unang menghadapi situasi songon na didok si Carl. Boha do molo ho? Artikel on boi do mangurupi ho asa denggan pandanganmu taringot i.

• Boasa adong halak na mangulahon manang aha pe asa adong donganna?

• Na porlu diboto hamu

• Na didok akka donganmu

Boasa adong halak na mangulahon manang aha pe asa adong donganna?

• Ala mabiar dang ditogihon. “Huida poto ni akka donganku di media sosial, lao nasida mardalani jala marsonang-sonang, hape dang ditogihon au. Gabe didok rohakku ma, pasti ala adong do hahuranganku makana dang ditogihon au. Jala menuruttu dang lomo roha ni nasida mardongan dohot au.”—Si Natalie.

  PIKKIRHON MA ON: Hea do songon pakkilalaan ni si Natalie pakkilalaanmu? Aha do na diulahon ho asa unang didok roham dang adong na olo mardongan tu ho?

• Ala dang olo dianggap berbeda. “Dang dipaloas natua-taukku au mar-HP. Tikki dijalo akka donganku nomor HP-ku jala hudok dang adong HP-ku, tarsonggot do nasida. Didok ma tu au, ‘Aha nimmu? Ai nga sadia huroa umurmu?’ Tikki hudok 13 taon, gabe asi ma roha ni nasida mangida au.”—Si Mary.

  PIKKIRHON MA ON: Adong do peraturan na dibahen natua-tuam na mambahen ho merasa berbeda sian akka donganmu? Molo adong, aha ma tanggapanmu?

• Ala dang olo ho di-bully. “Dang lomo roha ni akka donganku di sikkola molo adong na berbeda pangalahona, carana makkatai, manang berbeda agamana. Molo adong sahalak na berbeda, sarupa ma ibana songon biru-biru di tonga-tonga ni serigala.”—Si Olivia.

  PIKKIRHON MA ON: Hea do dibahen na so denggan tu ho ala berbeda ho sian na asing? Songon dia do ho mangatasi i?

• Ala mabiar dang adong donganmu. “Berupaya do au menyesuaihon dirikku tu akka donganku. Hutiru do cara ni nasida makkatai. Dohot do au mekkel hape dang adong na lucu. Bahkan dohot do au mangarehei na asing, hape huboto do pasti lungun do roha ni na direhei i.”—Si Rachel.

  PIKKIRHON MA ON: Sadia penting do di ho asa lomo roha ni donganmu tu ho? Hea do gabe dipauba ho caram makkatai dohot tindakanmu asa adong na olo mardongan tu ho?

Na porlu diboto hamu

• Molo ditiru ho halak na asing, olo do gabe dang lomo rohana tu ho. Boasa? Alana boi do diida halak na pura-pura ho. Si Brian na marumur 20 taon mandok, “Asa olo akka donganku mardongan tu au, gabe hupauba do sikaphu. Alai gabe tamba dang lomo roha ni nasida mangida au. Jadi tumagon do hita gabe diritta sandiri. Alana boi do diida halak na pura-pura hita manang na dang.”

  CARA NA DUMENGGAN: Pikkirhon ma muse aha na uppetting di ho. Didok di Bibel, ‘Ikkon diboto hamu do dia na urrikkot’. (Pilippi 1:10) Jadi sukkun ma dirim, ‘Dia do na uppetting? Lomo roha ni halak tu au, manang tetap gabe dirikku sandiri?’

  “Dang adong gunana molo pura-pura ho gabe songon halak na asing. Dang gabe lomo roha ni halak tu ho, jala dang gabe lam denggan sifatmu.”—Si James.

• Molo ditiru ho halak na asing, gabe nasida ma na mengendalihon ho. Molo sai berupaya do ho asa olo na asing mardongan tu ho, gabe mangihutton halak na asing do ho. Si Jeremy na marumur 22 taon mandok, “Najolo, olo do au mangulahon manang aha pe asal ma olo akka donganku mardongan tu au nang pe gabe sega reputasikku alani i. Hira gabe boneka ni nasida do au.”

  CARA NA DUMENGGAN: Bahen hian ma tekad di roham asa toktong mangulahon na sittong songon na dihaporseai ho. Unang ma songon bunglon ho na manguba warnana asa sarupa tu na di sakalilingna. Alana didok do di Bibel, ‘Unang ma ihutton godangan halak.’—2 Musa 23:2.

  “Berupaya do au asa lomo rohakku tu musik, permainan, penampilan, dohot acara di TV songon na dihalomohon akka donganku. Naeng hutiru do nasida. Alai sude do halak mamboto na pura-pura au. Husadari do i. Alani i gabe hampa do huhilala jala kesepian. Au sandiri pe dang hutanda ise dirikku. Gabe huboto ma, dang mungkin boi hita cocok tu sude halak, bahkan adong do na so lomo rohana tu hita. Alai unang ma menyerah. Memang porlu do tikki asa boi dapotta dongan na cocok jala asa boi tatanda diritta sandiri. Alani i sabar ma ho.”—Si Melinda.

• Molo ditiru ho halak na asing, gabe muba ma pangalahom. Si Chris na marumur 25 taon mangida songon dia sepupuna gabe muba. Didok ibana, “Asa olo akka halak mardongan tu ibana, gabe diulahon sepupukku do akka ulaon na so suman, songon marnarkoba. Gabe kecanduan do ibana jala susa ma ngoluna.”

  CARA NA DUMENGGAN: Unang ma mardongan hamu tu halak na so suman pangalahona. Didok di Bibel, “Gabe marbisuk do manang ise na mardongan tu halak na marbisuk, alai gabe marjea do manang ise pe na mardongan tu halak na oto.”—Poda 13:20.

  “Memang sipata, ikkon berupaya do hita asa olo halak mardongan tu hita. Alai unang ma gabe sappe diulahon ho na sala. Molo dongan na burju, pasti olo do mardongan tu hita dang soal songon dia situasitta.”—Si Melanie.

  Tips: Tikki mangalului dongan, unang ma lului holan na sarupa hobi dohot selerana dohot ho. Lului ma dongan na sarupa haporseaon dohot tekadna dohot ho.