SUKKUN-SUKKUN NI AKKA NA POSO
Boasa Porlu Dibahen Peraturan di Jabu?
Maol do ho mangihutton peraturan na dibahen natua-tuam di jabu? Molo ido, jaha ma artikel on jala karejohon ma lembar kegiatanna asa boi dibahas ho taringot peraturan i dohot natua-tuam.
Cara marpikkir na denggan
Adong na mandok: Molo dang rap tinggal be ho dohot natua-tuam, bebas ma ho sian akka peraturan.
Na sasittongna: Nang pe dang rap tinggal be ho dohot natua-tuam, tetap do adong peraturan. Ikkon tetap dope ho unduk tu sasahalak. Contohna, tu bos di tempat karejo, ibu kos, manang pamaretta. Si Danielle na marumur 19 taon mandok, “Menuruttu, akka na poso na so olo mangihutton peraturan di jabu, pasti tarsonggot do tikki dang rap tinggal be dohot natua-tuana.”
Na didok Bibel: ‘Oloi jala unduk ma tu pamaretta dohot tu akka parhuaso.’ (Titus 3:1) Molo nga biasa ho mangoloi peraturan na dibahen natua-tuam, pasti ummura ma ho lao mangoloi akka peraturan na asing molo dung dewasa ho annon.
Na boi diulahon hamu: Coba ma pikkirhon aha do manfaat ni peraturan i tu hamu. Sahalak na poso na margoar si Jeremy mandok, “Ala dibahen natua-tuakku peraturan di jabu, gabe boi ma au mamillit dongan na burju jala boi mambahen jadwal na denggan. Asing ni i, gabe dang torus be au manonton TV dohot marvideo game. Gabe boi ma huulahon godang kegiatan na bermanfaat, jala lomo do rohakku tu ulaon i sahat tu saonari.”
Cara makkatai dohot natua-tuamuna
Alai boha do molo hira na so masuk akkal peraturan na dibahen natua-tuamuna i? Contohna, sahalak borua na poso na margoar si Tamara mandok, “Dipaloas do au lao mardalani tu luar negeri. Alai dung mulak au, dang dipaloas be au mamboan mobil tu luar kota, hape holan 20 menit do daona sian jabu!”
Molo hea dihilala hamu songon na dihilala si Tamara, sala do molo dihatai hamu i tu natua-tuamuna? Daong. Na penting, ikkon diboto hamu do andigan tikki na pas jala songon dia carana lao paboahon i tu natua-tuamuna.
Tikkina. Sahalak remaja na margoar si Amanda mandok, “Molo nungnga boi hamu dihaporseai jala bertanggung jawab, nga boi be hamu makkatai tu natua-tuamuna lao manguba peraturan i.”
Sahalak borua na margoar si Daria setuju do tu pandapot ni si Amanda i. Didok ibana, “Dung diida omakku na sai huihutton do peraturan na dibahen ibana, gabe olo do omakku menyesuaihon peraturan i.” Ingot ma, dang hamu na mangido asa porsea halak na asing tu hamu. Ikkon jolo dibuktihon hamu do na boi hamu dihaporseai.
Molo dang olo hamu mangihutton peraturan na dibahen natua-tuamuna, sarupa ma hamu songon pesawat na naeng mendarat di bandara, alai dang olo mangihutton peraturan lalu lintas udara
Na didok Bibel: “Ulahon ma paretta ni bapakmu, jala unang ma leas roham tu poda ni omakmu.” (Poda 6:20) Molo diihutton hamu nasehat ni Bibel on, gabe lam porsea ma natua-tuamuna tu hamu, jala gabe ummura ma hamu molo naeng makkatai tu nasida.
Carana. Sahalak bawa na poso na margoar si Steven mandok, “Molo sopan hamu, tenang, jala dang muruk-muruk tikki makkatai tu natua-tuamuna, pasti olo do nasida manangihon hamu.”
Si Daria, na dipaboa nakkin setuju do tu pandapot ni si Steven i. Didok si Daria, “Molo mangalo au tu omak, pasti dang olo omak manguba peraturan na dibahenna i. Justru olo do gabe ditambai omak muse peraturan na asing.”
Na didok Bibel: “Dang boi dirajai halak na oto dirina tikki muruk, alai anggo halak na marbisuk, hohom do jala boi dirajai dirina.” (Poda 29:11) Molo berupaya hamu asa toktong sabar, dang holan tikki di jabu hilalaonmuna manfaatna. Alai hilalaonmuna do tong manfaatna di sikkola, di tempat karejo, manang didia pe.
Na boi diulahon hamu: Jolo denggan ma pikkirhon sebelum didok hamu hatamuna. Holan sahali pe dang boi dikendalihon hamu murukmuna, boi do gabe dang porsea be halak tu hamu. Alani i ma didok di Bibel, “Marbisuk do halak na so hatop muruk.”—Poda 14:29.
Tips: Pakke ma lembar kegiatan “Kamu Mau Ubah Peraturan di Rumah?” lao mamikkirhon peraturan naung dibahen natua-tuamuna. Jala molo cocok situasina, togihon ma nasida lao mambahas i.