Songon dia do Au Boi Menghadapi Masa Puber?

“Molo di borua, masa puber i mambahen haccitan, repot, jala mambahen bingung. Jadi boi ma didok dang tabo masa puber i!”—Si Oksana.

“Sian na las hian rohakku, boi do toppu gabe lungun rohakku. Dang huboto, normal do i manang na dang di sahalak bawa. Alai songon i ma na huhilala.”—Si Brian.

Masa puber i boi ma disarupahon songon naik permainan roller-coaster. Alana boi do i mambahen las roha, alai boi do i tong mambahen mabiar. Songon dia do hamu menghadapi perubahan i?

• Aha do masa puber i?

• Perubahan fisik

• Perubahan emosi

• Na boi diulahon hamu

Aha do masa puber i?

Tikki masa puber, masa ma perubahan di ho secara fisik dohot emosi na lao mempersiappon ho gabe halak na dewasa. Di masa puber, tubuh dohot hormonmu hatop berubah. On lao mempersiappon ho tu proses reproduksi jala melahirkan.

Alai dang berarti naung rade ho gabe orang tua. Masa puber i patuduhon, molo ho dang dakdanak be, alai naeng gabe halak na dewasa. On boi do mambahen las roham, alai boi do tong mambahen gabe lungun roham.

Kuis: Menurutmu, mulai nandigan do terjadi masa puber i?

• 8

• 9

• 10

• 11

• 12

• 13

• 14

• 15

• 16

Alusna: Sude umur na dipaboa nakkin dianggap normal do lao memulai masa puber.

Alani i, unang pola khawatir ho molo misalna nga marumur 14 taon ho hape dang masa puber dope. Manang dang gok dope umurmu 10 taon hape nungnga puber. Dang sarupa masa puber ni ganup halak, jala dang boi dikendalihon ho i.

Perubahan fisik

Tikki masa puber, perubahan fisik ma na paling takkas tarida. Alai dang sude bagian sian dagingmuna i berkembang di tikki na sarupa. Jadi unang tarsonggot hamu molo jotjot adong na ditabrak hamu manang madabu barang na ditiop hamu. Lam leleng, gabe seimbang do annon pertumbuhanmuna i.

Piga-piga perubahan fisik na terjadi tikki masa puber.

Masa puber ni bawa:

• Akka organ seksna tamba balga

• Tubu obuk di ketiak, di sekitar ni kemaluan, dohot di bohi

• Perubahan soara

• Ereksi na so disengaja jala mimpi basah

Masa puber ni borua:

• Tamba balga payudara

• Tubu obuk di ketiak dohot di sekitar ni kemaluan

• Mulai siklus haid

Masa puber ni bawa dohot borua:

• Bau badan ala marcampur keringat dohot bakteri.

  Tips: Asa unang bau badanmuna, jotjot ma hamu maridi jala mamakke deodoran.

• Jerawat terjadi alani bakteri na adong di kelenjar minyak.

  Tips: Jotjot ma manussi bohi mamakke sabun.

Perubahan emosi

Perubahan hormon dang holan mempengaruhi pertumbuhan fisikmuna, alai dohot do tong mempengaruhi emosimuna. Perasaanmuna boi do muba-uba.

“Sadari on hita tangis, marsogotna i nga las rohatta. Saonari hita muruk, alai samenit dukkon i nga stres hita jala dang olo kaluar sian kamar.”—Si Oksana.

Saleleng masa puber, godang do na poso na so percaya diri. Didok roha ni nasida, sude do halak mamparrohahon jala menilai nasida, apalagi molo berubah hian penampilan ni nasida!

“Tikki masa puber au, sengaja do au membungkuk jala mamakke baju na longgar. Huboto do na berubah badanku, alai dang nyaman huhilala jala maila do au. Hira na aneh do huhilala perubahan i.”—Si Janice.

Ra, perubahan emosi na paling berbeda hian dihilala ho saonari, i ma perasaanmu tu lawan jenis.

“Saleleng on, dang lomo rohakku tu bawa. Hape saonari gabe husadari ma, adong do hape na ganteng, jala lomo rohakku mangida. Tikki makkata-hatai dohot akka donganku, akka bawa ma na jotjot dibahas hami.”—Si Alexis.

Tikki masa puber, adong do piga-piga na poso na lomo rohana tu sesama jenis. Molo songon i na dihilala hamu, unang ma didok rohamuna na homoseksual hamu. Ra, lam leleng mago do perasaanmuna i.

“Ala torus hubanding-bandingkon dirikku tu akka bawa na asing, gabe lomo ma rohakku mangida nasida. Dung mulai dewasa au, baru pe lomo rohakku mangida borua. Saonari dang lomo be rohakku tu bawa.”—Si Alan.

Na boi diulahon hamu

• Coba ma marpikkiran positif. Sebenarna, porlu do terjadi perubahan fisik dohot emosi saleleng masa puber. Gabe percaya diri do ho molo diingot ho hata ni si Daud. Didok ibana, “Longang do rohakku ala denggan do au dibahen Ho.”—Psalmen 139:14.

• Unang ma banding-bandingkon dirim tu na asing jala unang terlalu khawatir ho tu penampilanmu. Didok di Bibel, “Ai rupa do na niida ni jolma, alai anggo Jahowa roha do na niidana.”—1 Samuel 16:7.

• Olahraga ma ho jala unang hurang modom. Molo dang hurang modom ho, gabe dang mura-mura ho muruk, stres, dohot tertekan.

• Unang ma pikkirhon akka na so denggan taringot dirim. Tutu do diida halak sude na adong di dirim? Jala molo adong pe na markomentar taringot perubahan na masa tu dirim, coba ma ihutton na didok Bibel on, “Unang ma tangihon sude hata ni halak.”—Parjamita 7:21.

• Kendalihon ma hasrat seksualmu asa unang terbawa nafsu ho. Didok di Bibel, “Padao hamu ma dirimuna sian ulaon seks na so patut! . . . Halak na mangulahon seks na so patut, mangulahon dosa tu dagingna sandiri do ibana.”—1 Korint 6:18.

• Ceritahon ma perasaanmu tu natua-tuam manang tu halak naung dewasa na boi dihaporseai ho. Ra, maila do ho lao cerita. Alai molo diulahon ho i, pasti godang do manfaatna.—Poda 17:17.

Intina: Memang dang mura menghadapi masa puber. Alai masa puber i mambahen ho bertumbuh secara fisik, mental, emosi, dohot rohani.—1 Samuel 2:26.