Aha do Lapatan ni Angka 666?

Na didok Bibel

Songon na didok di bukku na parpudi na adong di Bibel, angka 666 i ma goar ni binatang buas na pitu uluna, sappulu tandukna na kaluar sian laut. (Pangungkapon 13:​1, 17, 18) Binatang buas on manggombarhon kuasa politik sedunia na mamaretta tu sude “marga, suku, bahasa, dohot bangso”. (Pangungkapon 13:7) Goar 666 on patuduhon, na gagal do kuasa politik dunia di jolo ni Debata. Boasa tadok songon i?

Sude goar na dibahen Debata pasti adong do artina. Contohna, digatti Debata do goar ni si Abram na artina “Ama na Dipasangap (Dipatimbo)” gabe si Abraham, na artina “Ama ni Godang Halak”. On masa tikki marjanji Debata tu si Abraham na lao bahenonna ibana gabe “ama ni godang bangso”. (1 Musa 17:5, surat na di toru) Jadi, dibahen Debata pe goar ni binatang i 666, alana cocok do i manggombarhon akka sifat ni binatang i.

Di Bibel, jotjot do dipakke angka gabe lambang manang gombaran. Angka pitu biasana manggombarhon kelengkapan manang keadaan na sempurna. Angka onom i, hurang sada angka sian angka pitu. Jadi angka onom manggombarhon keadaan na so lengkap manang na so sempurna di jolo ni Debata. Jala boi do on dihubukkon tu musu ni Debata.​—1 Kronika 20:6; Daniel 3:1.

Di Bibel, sipata adong do hata na didokkon sappe tolu hali lao patakkasson. (Pangungkapon 4:8; 8:​13) Jadi goar 666 patuduhon, naung gagal do kuasa politik ni portibi on di jolo ni Debata. Dang boi jolma mambahen portibi on gabe aman jala dame. Holan Harajaon ni Debata do na boi mambahen portibi on gabe aman jala dame.

Tanda ni binatang buas

Didok di Bibel, adong do halak na manjalo “tanda ni binatang buas”. Dijalo nasida do tanda i ala kagum nasida mangida binatang i, jala disomba nasida ma i. (Pangungkapon 13:​3, 4; 16:2) Songon dia carana? Dibangga-banggahon nasida do negara ni nasida, lambang negarana, manang kekuatan militerna. The Encyclopedia of Religion mandok, “Saonari, balga do pengaruh ni nasionalisme jala nga sarupa pengaruhna songon agama.”a

Aha do maksudna mambahen tanda ni binatang buas i di tangan kanan manang di dahi ni sasahalak? (Pangungkapon 13:16) Najolo hea do didok Debata tu halak Israel asa mangikkatton patik ni Debata gabe tanda di tangan dohot di dahi ni nasida. (5 Musa 11:18) On dang berarti, ikkon tutu dibahen halak Israel tanda di tangan dohot di dahi ni nasida. Alai maksudna, ikkon diloas nasida do Hata ni Debata membentuk cara marpikkir ni nasida, jala ikkon dipatudu nasida do i sian tindakan ni nasida. Dos songon i ma, halak na manjalo tanda ni binatang buas i dang berarti adong tato 666 di dagingna. Alai maksudna, dipasombu halak i do kuasa politik na mengendalihon ngoluna. Alani i, gabe musu ni Debata ma ibana.​— Pangungkapon 14:​9, 10; 19:19-​21.