Manggombarhon Aha do Binatang Buas na Pitu Uluna na Dipaboa di Pangungkapon Bindu 13?
Na didok Bibel
Binatang buas na pitu uluna na dipaboa di Pangungkapon 13:1, manggombarhon kuasa politik sedunia.
Adong do gogo, tahta, dohot huaso ni binatang i. Gabe boi ma tasimpulhon molo binatang i manggombarhon organisasi politik.—Pangungkapon 13:2.
Marhuaso do binatang i tu sude “marga, suku, bahasa, dohot bangso”. Jadi dang holan tu sada negara ibana marhuaso.—Pangungkapon 13:7.
Adong do di binatang on ciri-ciri ni opat binatang buas na dipaboa di Daniel 7:2-8. Rupa ni binatang i songon rupa ni macan tutul, patna songon pat ni beruang, babana songon baba ni singa, jala adong sappulu tandukna. Akka binatang buas na dipaboa di bukku Daniel manggombarhon akka raja, manang akka harajaon na mamaretta secara berurutan. (Daniel 7:17, 23) Jadi, binatang buas na dipaboa di Pangungkapon bindu 13 i manggombarhon gabungan ni akka organisasi politik.
Binatang i ‘kaluar sian laut’. Laut manggombarhon keadaan ni jolma naung sursar, jala ujungna dibahen nasida ma pamarettaon.—Pangungkapon 13:1; Jesaya 17:12, 13.
Didok di Bibel, nomor manang goar ni binatang i, i ma “bilangan ni jolma”, goarna 666. (Pangungkapon 13:17, 18) On patuduhon molo binatang na dipaboa di Pangungkapon 13 i manggombarhon organisasi ni jolma, dang manggombarhon organisasi ni suru-suruan.
Nang pe dang marsada akka pamarettaon on, alai sada do tujuan ni nasida, i ma mampartahatton huaso ni nasida jala dang olo unduk tu Harajaon ni Debata. (Psalmen 2:2) Di porang Armagedon, marsada ma nasida lao mangalo pasukan ni Debata na dipimpin Jesus Kristus. Alai di ujung ni porang i, dihancurhon ma nasida sude.—Pangungkapon 16:14, 16; 19:19, 20.
“Pitu uluna jala sappulu tandukna”
Di Bibel, dipakke do “angka” gabe lambang manang gombaran. Contohna, angka sappulu dohot pitu manggombarhon kelengkapan. Asa boi taattusi manggombarhon aha do binatang na “pitu uluna jala sappulu tandukna” na dipaboa di Pangungkapon 13 i, ikkon taboto do adong sada nai binatang na dipaboa di bukku Pangungkapon. Binatang buas i, i ma “patung” ni binatang buas na parjolo i. Na merah do warna ni binatang buas on, adong pitu uluna jala sappulu tandukna. (Pangungkapon 13:1, 14, 15; 17:3) Bibel mandok, pitu ulu ni binatang buas na warna merah i manggombarhon “pitu raja” manang pamarettaon.—Pangungkapon 17:9, 10.
Dos songon i ma, pitu ulu ni binatang buas na dipaboa di Pangungkapon 13:1 manggombarhon pitu pamarettaon, i ma Mesir, Asiria, Babel, Media-Persia, Junani, Rom, dohot Inggris-Amerika. On ma akka kuasa politik na umbalga na hea mamaretta di portibi on jala na menganiaya naposo ni Debata. Molo sappulu tanduk i manggombarhon sude pamarettaon di portibi on, berarti mahkota na adong di ganup tanduk ni binatang i patuduhon, molo ganup pamarettaon i rap mamaretta dohot kuasa dunia di tikki i.