SUKKUN-SUKKUN NI AKKA NAPOSO
Denggan do Mangulahon Piga-Piga Ulaon Sekaligus Manang Multitasking?
Boha do pandapotmuna?
Diboto hamu do songon dia mangulahon piga-piga ulaon sekaligus, manang na biasa didok multitasking? Godang do halak na makkilala molo halak naung mamboto teknologi sian mulai gelleng, boi do mangulahon piga-piga ulaon sekaligus dibandingkon tu halak na dewasa na baru mamboto teknologi. Tutu do songon i?
SITTONG manang SALA
Molo boi taulahon piga-piga ulaon sekaligus, gabe boi ma hemat waktu.
Molo lam jotjot hamu mangulahon piga-piga ulaon sekaligus, lam godang ma na boi diulahon hamu.
Biasana, akka na poso do na boi mangulahon piga-piga ulaon sekaligus dibandingkon tu halak naung dewasa.
Menurutmu tutu do songon i? Molo songon i do didok rohamuna, ra adong dope na so diboto hamu.
Pandapot na sala taringot multitasking
Menurutmu, boi do hamu mangulahon piga-piga ulaon sekaligus? Ra boi do diulahon hamu piga-piga ulaon sekaligus molo adong sian ulaon i dang pola porlu konsentrasi. Contohna, boi do hamu paiasson kamarmuna huhut mambege musik. Jala boi do gabe ias kamarmuna i.
Alai molo adong dua ulaon na ikkon diulahon hamu sekaligus jala ikkon konsentrasi, ra dang denggan hasilna. Sahalak borua na margoar si Katherine mandok, “Molo naeng diulahon hamu do sude ulaon sekaligus, boi do gabe dang denggan hasilna”.
“Makkata-hatai ma au dohot donganku. Hape toppu ma adong pesan na masuk jala ikkon hubalas do i. Hubalas ma pesan i huhut makkatai. Akibatna, gabe dang takkas huboto aha do na didok donganki, jala gabe godang na sala ketik pesan na hukirim i.”—Si Caleb.
Sahalak ahli teknologi na margoar si Sherry Turkle mandok, “Didok rohatta boi do hita mangulahon piga-piga ulaon sekalgus. . . . Hape sebenarna, lam godang ulaon na taulahon sekaligus, gabe lam moru do konsentrasitta tu ganup ulaon i. Tikki taulahon piga-piga ulaon sekaligus, dibahen otakta do gabe semangat hita mangulahon i jala didok rohatta pasti berhasil do annon ulaonta i. Hape kenyataanna dang songon i na terjadi.”a
“Sipata didok rohakku, boi do au mambalas pesan huhut makkata-hatai. Hape sebenarna dang boi. Alana olo do hata na lao huketik di pesan i, gabe i do na hudok lao mangalusi donganku. Jala hata na seharusna hudok tu donganku gabe i do na huketik di pesan i!”—Si Tamara.
Sebenarna, gabe susa do dihilala sasahalak molo berupaya mangulahon piga-piga ulaon sekaligus. Contohna, tikki sasahalak makkarejohon PR huhut mangulahon ulaon na asing, boi do gabe leleng asa sae PR-na i. Manang, olo do ra ikkon gabe diulakkon ibana muse makkarejoi PR-na i ala dang denggan hasilna. Akibatna, gabe lam godang ma habis tikkina. Hape boi hian do dipakke tikkina i tu na asing.
Si Thomas Kersting, sahalak ahli terapi kejiwaan jala guru bimbingan konseling mandok, “Otak ni jolma boi do disarupahon songon lemari inganan ni dokumen na rapi disippan. Jadi molo diulahon sasahalak piga-piga ulaon sekaligus, sarupa songon lemari na berantakan ma otakna.”b
“Molo taulahon piga-piga ulaon sekaligus, biasana gabe dang teliti be hita mangulahon i. Ujungna, gabe ulleleng ma hita makkarejohon i, hape didok rohatta asa hemat waktu do.”—Si Teresa.
Sahalak bawa remaja mangulahon piga-piga ulaon sekaligus. Marvideo call ibana dohot donganna, manjaha bukku, jala mambukka internet di HP-na
Cara na dumenggan
Latik ma dirimuna asa unang makkarejohon sude ulaon sekaligus. Ra maol do on dihilala hamu molo jotjot hamu makkarejohon piga-piga ulaon sekaligus. Misalna, marsiajar huhut makkirim pesan. Alai didok di Bibel, “Ikkon diboto hamu [do] dia na urrikkot.” (Pilippi 1:10) Dang sarupa sude penting ni na taulahon. Jadi ikkon tapillit do dia parjolo na ikkon takarejohon. Dung i, karejohon ma i sahat tu na sae.
“Songon sahalak dakdanak na ikkon dioloi pangidoanna, otakta pe boi do mangido asa taulahon godang ulaon sekaligus. Jadi ikkon takendalihon do diritta. Unang ma taoloi sude na dipangido otakta i nang pe hira na mura do i ulahonon.”—Si Maria.
Padao ma akka na mambahen hamu dang fokus. Tikki marsiajar hamu, targoda do hamu lao mangida HP? Molo songon i na masa, peakkon ma HP-muna i di tempat na asing. Pamate ma TV, jala unang targoda hamu lao mangida media sosial. Didok di Bibel, “Denggan ma pakke tikkimuna.”—Kolosse 4:5.
“Molo fokus au mangulahon sada ulaon, huhilala do manfaatna. Dung sae i hukarejohon, las hian do rohakku. Dung i hulanjut ma muse makkarejohon na asing. Gabe puas do huhilala ala hupakke cara i.”—Si Onya.
Tikki makkata-hatai, ida ma tu donganmuna makkatai. Molo makkata-hatai hamu huhut mar-HP, dang boi hamu fokus mambege donganmuna makkatai, jala dang sopan songon i. Dipaingot Bibel do hita asa tabahen tu halak na asing songon na tahalomohon bahenonna tu hita.—Mateus 7:12.
“Sipata tikki makkata-hatai au dohot adekku, sibuk do ibana makkirim pesan manang torus mar-HP. Sogo do rohakku mangida ibana. Alai sebenarna, au pe olo do sipata songon i!”—Si David.