Songon dia do Carana asa Boi Au Fokus?

• Boasa maol au fokus?

• Carana asa boi fokus

• Na didok akka donganmu

Boasa maol au fokus?

“Dang pola lomo be rohakku saonari manjaha bukku, dang songon najolo be. Dang holan manjaha bukku dang lomo rohakku, manjaha paragraf na ganjang pe dang lomo rohakku.”—Si Elaine.

“Molo huhilala lambat video na hutonton, pittor hubahen do asa hatop video i.”—Si Miranda.

“Tikki fokus au makkarejohon sada ulaon na penting, hape toppu makkuling HP-ku, pittor ro do tu rohakku, ‘Ise do nuaeng na makkirim pesan i ate?’”—Si Jane.

Tutu do teknologi mambahen hita dang fokus? Adong do memang na mandok songon i. Menurut sahalak penulis jala konsultan na margoar si Nicholas Carr, “lam jotjot hita mamakke internet, lam terbiasa do otakta hatop manjalo informasi, alai dang boi leleng fokus”.a

Parrohahon ma songon dia teknologi boi mambahen hamu dang konsentrasi di tolu situasi on.

• Tikki makkata-hatai. Sahalak borua na margoar si Maria mandok, “Tikki makkata-hatai, jotjot do akka halak dang mamparrohahon donganna makkatai. Jotjot do nasida makkata-hatai huhut makkirim pesan, margame, manang mangida-ida media sosial di HP ni nasida.”

• Di kelas. Bukku Digital Kids mandok, “Godang do murid na mandok, saleleng jam pelajaran mar-HP do nasida lao makkirim pesan, mangida-ida internet, manang manjaha dohot manonton akka na so adong hubunganna dohot pelajaran.”

• Tikki marsiajar. Si Chris na marumur 22 taon mandok, “Tikki makkuling HP-ku, pittor sai naeng huida do i.” Molo sai torus diida hamu HP-muna, PR na sebenarna boi dikarejohon holan sajom, olo do gabe sappe tolu jom asa sae.

Intina: Molo sai torus diida hamu perangkat elektronikmuna, gabe dang boi be hamu fokus.

Carana asa boi fokus

• Tikki makkata-hatai. Didok di Bibel, “Unang ma holan mamparrohahon na porlu di hamu, alai parrohahon ma na porlu di na asing.” (Pilippi 2:4) Patudu ma tu akka halak na diargai hamu do nasida. Alani i, tikki makkata-hatai denggan ma tangihon ibana, ida ma tu matana, jala unang sai mar-HP hamu.

  “Tikki makkata-hatai, unang ma targoda hamu lao mangida HP. Argai ma donganmu makkatai jala denggan ma tangihon ibana.”—Si Thomas.

  TIPS: Tikki makkata-hatai, sippan ma HP-muna. Menurut penelitian, gabe maol do hamu fokus molo disappingmu HP-muna, nang pe dang makkuling i.

• Tikki di kelas. Didok di Bibel, “Parrohahon ma songon dia hamu manangihon.” (Lukas 8:18) Molo dipaloas hamu mamakke internet di sikkola, unang ma ida pesan, margame, manang makkirim pesan saleleng marsiajar.

  “Berupaya ma asa boi konsetrasi tikki di kelas, jala bahen ma catatan. Molo boi, di jolo ma hamu hundul asa boi fokus.”—Si Karen.

  TIPS: Tumagon do hamu manurat pakke tangan sian apala mambahen catatan di komputer. Menurut penelitian, molo dibahen hamu songon i, gabe ummura ma hamu fokus jala gabe mura ma hamu mangingot aha naung diparsiajari hamu.

  

• Tikki marsiajar. Didok di Bibel, “Marsitutu ma ho asa marbisuk jala asa manat ho marpikkir.” (Poda 4:5) Alani i, ikkon marsitutu do hamu marsiajar, dang holan asa boi lulus tikki ujian.

  “Asa boi au fokus tikki marsiajar, hubahen do tablethu tu pengaturan mode pesawat. Molo adong pe pesan na masuk, dang huida i. Jala hubahen do catatan molo adong na porlu huingot.”—Si Chris.

  TIPS: Toktong ma ias jala rapi tempatmuna marsiajar.