Boha do Carana asa Moru Berat Badanku?

• Memang ikkon huorui do berat badanku?

• Cara na dumenggan lao mangorui berat badan

• Rencanakku

• Na didok akka donganmu

Memang ikkon huorui do berat badanku?

Lomo do roha ni piga-piga remaja naeng mangorui berat badan ni nasida. Alai  . . .

• Godang do na mangulahon i holan asa menarik diida halak, dang ala naeng sehat. Misalna, sengaja do nasida dang mangan manang manginum obat pelangsing. Tujuanna asa hatop moru berat badan ni nasida. Alai biasana percuma do dibahen songon i, bahkan boi do parohon bahaya.

  “Adong do na sengaja dang mangan asa hatop kurus. Alai gabe marsahit do nasida alani i. Porlu do godang tikki asa sehat muse nasida.”—Si Hailey.

• Godang do na sebenarna dang porlu mangorui berat badan ni nasida. Sebenarna dang na pamokmokku nasida. Alai molo didok roha ni nasida mokmok do i. Olo do ra ala dibandingkon nasida dirina tu donganna, manang tu akka halak na berat badanna “ideal” na dipatudu di media.

  “Kurus-kurus do akka donganku hira sapu lidi. Tikki marumur 13 taon au, lomo do rohakku naeng songon nasida. Didok rohakku pasti olo do nasida mardongan dohot au molo kurus au.”—Si Paola.

Alai adong do akka na poso na memang porlu mangorui berat badan ni nasida. On ma laporan sian Organisasi Kesehatan Dunia:

• Di liat portibi on, adong do hira-hira 340 juta dakdanak na marumur 5 sahat tu 19 taon na pamokmokku.

• Di taon 1975, holan opat porsen do sian jumlah ni dakdanak na marumur 5 sahat tu 19 taon na pamokmokku. Alai di taon 2016, naik do jumlahna gabe 18 porsen.

• Di godangan negara, unggodang do halak na pamokmokku sian na pakurushu.

• Di akka negara na otik penghasilanna, godang do halak na pamokmokku. Bahkan adong do halak na pamokmokku, nang pe piga-piga anggota keluargana hurang gizi.

Cara na dumenggan lao mangorui berat badan

Cara na dia do na lao dipillit hamu?

1. Sengaja dang mangan.

2. Olahraga jala marbisuk mamillit sipanganon na lao diallang.

3. Manginum obat pelangsing.

Cara na denggan: Na paduahon: Olahraga jala marbisuk mamillit sipanganon na lao diallang.

Molo sengaja ho dang mangan manang dang olo ho mangallang piga-piga jenis ni sipanganon, boi do ra hatop moru berat badanmu. Alai dang gabe sehat dagingmu molo diulahon ho songon i. Gariada molo dang diulahon be i, olo do ra naik muse berat badanmi.

Sebalikna, molo diorui ho berat badanmu ala naeng sehat, gabe puas do dihilala ho jala lam denggan ma penampilanmu. Dr. Michael Bradley mandok, “Asa aman, sehat, jala tetap stabil berat badanmu, . . . atur ma gaya hidup sehat na boi diihutton ho saleleng ni ngolum.”a Aha do maksudna? Molo memang ikkon diorui ho berat badanmu, uba ma gaya hidupmu, unang holan diet.

Rencanakku

Di Bibel, dijujui do hita asa ‘boi mangarajai diri’. (1 Timoteus 3:11) Termasuk ma i mangarajai diri tikki mangan. Dijujui do muse hita asa unang pagodangku mangan. (Poda 23:20; Lukas 21:34) Ingot ma akka prinsip i, jala ulahon ma akka tips on asa lam sehat ho:

• 

  Parsiajari ma taringot kebiasaan makan na denggan.

  Unang ma sappe dang diallang ho be piga-piga jenis ni sipanganon. Molo holan saotik pe na diboto ho taringot gizi, gabe lam marbisuk do ho mamillit sipanganon. Jala i ma cara na dumenggan asa tetap ideal berat badanmu.

• 

  Taratur ma olahraga.

  Pikkirhon ma akka ulaon na boi mambahen ho tetap aktif. Misalna, boi do ho naik tangga sian apala naik lift. Manang, boi do diorui ho waktum main game lao olahraga.

• 

  Allang ma sipanganon na bergizi.

  Sahalak remaja na margoar si Sophia mandok, “Huparade do akka buah dohot sayur gabe cemilan. Jadi dang targoda be au mangallang sipanganon na so sehat.”

• 

  Unang ma buru-buru tikki mangan

  Adong do halak na hatop hian mangan. Gabe dang disadari nasida, sebenarna nga butong nasida. Alani i, unang ma buru-buru. Molo naeng tamba ho, paima ma satokkin. Alana olo do ra, dang na male hian ho.

• 

  Etong ma jumlah kalori ni siallangonmuna.

  Jaha ma informasi nilai gizi di kemasan makanan asa diboto ho jumlah kalorina. Ingot ma: Minuman ringan, makanan cepat saji, dohot makanan na manis timbo do kalorina. Boi do i mambahen hatop naik berat badanmu.

• 

  Seimbang ma.

  Si Sara na marumur 16 taon mandok, “Najolo molo mangida siallangon, holan jumlah kalorina do na sai hupikkiri.” Unang ma gabe terlalu fokus ho tu jumlah kalorina. Boi do sasahali diallang ho siallangon na tabo na timbo kalorina.

Tips: Pangido ma saran sian dokter. Boi do dilehon ibana saran taringot gaya hidup sehat na sesuai tu ho.