Diingot Hamu do?
Nungnga taparsiajari be sude Joujou Paboahon terbitan 2025. Saonari, taalusi ma akka sukkun-sukkun on:
Boasa olo hita pasangappon Jahowa?
Ala hormat hita tu Jahowa jala holong rohatta tu Ibana. Asing ni i, ala lomo rohatta asa ditanda halak Ibana.—w25.01, hlm. 3.
Molo adong na mambahen haccit rohatta, boha do carana asa olo hita memaappon ibana?
Unang ma taabaihon perasaanta; alai unang ma torus hita muruk manang jut rohatta. Alana balga do pengaruh ni i tu caratta maradoppon halak na asing.—w25.02, hlm. 15-16.
Boasa si Markus gabe sitiruon na denggan tu akka na poso?
Rade do si Markus mangurupi akka dongan di huria. Nang pe hea haccit rohana jala kecewa, alai dang mandele ibana. Tetap do marale-ale ibana tu si Paulus dohot akka dongan naung marpengalaman.—w25.04, hlm. 27.
Aha do lapatan ni hata ni Jesus na mandok, “Nungnga hupaboa goarmu tu nasida”? (Joh. 17:26)
Diboto akka siseanna do goar ni Debata. Alai lomo do roha ni Jesus asa lam ditanda nasida ise Jahowa, sakkapna, akka ulaonna, dohot akka sifatna.—w25.05, hlm. 20-21.
Aha do na porlu tasadari?
Molo serep rohatta, gabe tasadari ma godang dope na so taboto. Misalna taringot andigan ro ari ni Jahowa, songon dia Jahowa mangurupi hita annon, songon dia ngolutta haduan, jala sadia takkas Jahowa mananda hita.—w25.06, hlm. 15-18.
Tikki tajaha sada artikel manang tabege jamita, aha do na porlu tapikkirhon asa tadapot manfaat sian i?
Tasukkun ma diritta: ‘Aha do bukti na dipaboa di parsiajaran on na boi hupakke lao paposson roha ni akka halak tu isi ni Bibel? Adong do ilustrasi na cocok na boi hupakke tikki mangajari? Ise do na lao berminat tu bahan on?’—w25.07, hlm. 19.
Aha do na taparsiajari sian cara ni Jahowa mengampuni si Daud?
Diulahon si Daud do dosa na massai balga. Alai ala bertobat ibana, diampuni Jahowa ma ibana. (1 Raj. 9:4, 5) Dung diampuni Jahowa dosatta, dang dipaingot-ingot Ibana be i. Lapatanna, dang dipakke Jahowa be i gabe alasan lao manghukum hita.—w25.08, hlm. 17.
Molo adong parsiajaran na maol diattusi parsiajar Bibelta, aha do na boi taulahon?
Molo adong parsiajaran na maol diattusi parsiajar Bibelta, unang ma palelengku topik i tabahas. Alai talanjutton ma tu parsiajaran na berikutna jala tabahas ma topik na maol i di tikki na asing.—w25.09, hlm. 24.
Didok di Bibel molo dang manat hita, boi do “dioto-otoi dosa” hita. (Heb. 3:13) Songon dia dosa boi ‘mangoto-otoi’ hita?
Dosa na diwarisson si Adam boi mambahen hita targoda lao mangulahon na sala. Jala boi do i mambahen hita ragu tu holong ni Jahowa.—w25.10, hlm. 16.
Boha do carana asa tangiangta mambahen hita lam jonok tu Jahowa?
(1) Tarimangi ma akka sifat ni Jahowa. (2) Pikkirhon ma masalah aha do na taadopi saonari. Misalna, adong do halak na so tamaappon dope? Tangiakkon ma i tu Jahowa. (3) Unang ma buru-buru tikki martangiang. Molo leleng hita martangiang, gabe boi ma tapaboa sude perasaanta tu Jahowa.—w25.10, hlm. 19-20.
Aha do na boi taulahon lao mangurupi akka naung matua?
Talehon ma tikkitta lao manjuppangi manang manelepon nasida. Tadongani ma nasida marubat. Jala rap marbarita ma hita dohot nasida.—w25.11, hlm. 6-7.
Akka aha do na porlu diulahon asa boi pasangappon goar ni Jahowa acara pernikahanta?
Ihutton ma aturan ni pamaretta. Berupaya ma hamu asa boi acaramuna i patuduhon parbue ni tondi parbadia ni Debata. Sederhana ma bahen pakkean dohot penampilanmuna. Unang ma adong hasomalan na maralo tu hata ni Debata. Tikki mambahas acara pernikahanmuna, takkas jala sopan ma hamu.—w25.12, hlm. 21-24.