‘Bawa na Marhaporseaon na Togu jala Digohi Tondi Parbadia’

TERANCAM do ngolu ni si Stepanus. Ditudu do ibana mangulahon na jahat. Jadi ikkon dibela ibana do haporseaonna di jolo ni Sanhedrin, i ma pengadilan tinggi agama Jahudi. Piga-piga bulan sebelumna, pengadilan on do tong na mamarettahon asa dipamate Jesus. Nang pe diboto si Stepanus boi do diparettahon nasida asa dipamate ibana, alai tetap do tenang ibana. Didok di Bibel, “Songon bohi ni suru-suruan do bohina.” Boasa boi tetap tenang si Stepanus? Ala barani do ibana.

Didok di Bibel, halak na ‘marhaporseaon na togu jala digohi tondi parbadia’ do si Stepanus. Dilehon akka apostel di Jerusalem do tugas na massai penting tu ibana, i ma lao mangurus kebutuhan ni akka dongan di huria. Di sada tikki, adong ma piga-piga halak Jahudi na muruk tu si Stepanus jala marsoal ma nasida dohot ibana. Alai dang taralusi ni nasida si Stepanus, alana massai denggan do cara ni si Stepanus patorakkon Surat na Badia lao mangalusi nasida. Alani i, gabe lam muruk ma nasida, ditakkup ma si Stepanus, dung i diboan tu jolo ni Sanhedrin. Sanhedrin on do na manottuhon ikkon dipamate do si Stepanus manang na dang.

Ra, diingot si Stepanus do janji ni Jesus na mandok, “Unang ma marsak hamu mamikkiri aha na lao dohononmuna. Alai hatahon hamu ma na dipaboa tondi parbadia tu hamu di tikki i. Ai dang sian pikkiranmuna sandiri hata na lao dohononmuna i, alai sian tondi parbadia ni Debata do.” (Mrk. 13:11) Janji ni Jesus on ma na mangurupi si Stepanus asa toktong barani. Ala diurupi tondi parbadia, gabe boi ma si Stepanus tetap tenang tikki jongjong di jolo ni Sanhedrin. Jala songon bohi ni suru-suruan do bohina diida nasida.

Adong 71 halak anggota ni Sanhedrin. Akka pamimpin ni agama Jahudi na dipasangap do nasida. Massai balga do ruangan Sanhedrin i. Hundul ma nasida tolu baris membentuk satonga lingkaran. Jala adong dua bawa na manurat sude na dihatai di persidangan i. Jongjong do si Stepanus di jolo ni nasida. Ditudu do ibana mangaleai Patik ni si Musa dohot bagas joro. Di tikki i, molo adong halak na mangulahon i boi do dihukum mate. Disukkun si Kayapas sintua ni malim i ma si Stepanus, tutu do manang na dang tuduhan i.

Makkatai ma si Stepanus. Dipaboa ibana ma taringot sejarah ni halak Israel, mulai sian si Abraham. Dipaboa ibana do muse taringot si Josep na dianiaya akka abangna. Di pudian ni ari, nasida do na gabe ompu ni halak Israel. Dipaboa si Stepanus do muse taringot si Musa dohot akka na denggan na diulahon ibana na so disurat di Akka Bukku Heber. Alai didok si Stepanus do, dang dioloi halak Israel si Musa.

Sude na didok si Stepanus i patuduhon, na diargai ibana do Patik ni si Musa, tabernakel, dohot bagas joro. Jala sian hatana i tarida do tong, na mulak-ulak do naposo ni Debata dang mangoloi akka halak na disuru Debata lao manogu-nogu nasida.

Ra, diboto si Stepanus do, dang na lao dibebasson akka anggota Sanhedrin i ibana. Alani i, dilehon Jahowa ma tondi parbadiana tu si Stepanus asa barani ibana pasahatton sipasingot sian Jahowa. Didok si Stepanus do molo nasida “akka sijogal rukkung” na sai ‘mangalo tondi parbadia songon akka ompu ni nasida’. Alai na upparah, dipamate nasida do halak na lao ro naung disurirakkon si Musa, i ma sahalak panurirang na ussangap sian si Musa. Jala didok si Stepanus do molo nasida halak na menghianati jala na pamatehon Jesus, i ma Messias “halak na mangulahon na sittong” i.

Gabe muruk ma akka anggota ni Sanhedrin i tu si Stepanus, jala “diharat nasida ma ngingi ni nasida”. Alai lao patoguhon si Stepanus, dibahen Jahowa ma parnidaan. Didok si Stepanus do, “Huida do bukka langit i jala jongjong do Anak ni jolma i di sabola kanan ni Debata.” Tikki mambege hata ni si Stepanus i, gabe lam muruk ma nasida. Diingot nasida do piga-piga bulan sebelumna tikki diadili Jesus di jolo ni nasida, didok Jesus do, “Idaonmuna ma Anak ni jolma i hundul di sabola kanan ni Debata na marhuaso i.” (Mat. 26:64) Hata ni si Stepanus i patuduhon, naung saut hata ni Jesus i. Nungnga hundul Jesus saonari di sabola kanan ni Debata!

Alani muruk ni nasida, disarat ma si Stepanus tu luar ni kota dung i didangguri mamakke batu. Tikki na didangguri i si Stepanus, ra diida ibana dope Jesus di parnidaan i. Didok ibana do, “Tuan Jesus, tu ho ma hupasahat hosakkon.” Didok si Stepanus do muse, “Unang ma hukum nasida alani dosa na diulahon nasida on.” Dung i mate ma si Stepanus. Ibana ma halak Kristen na parjolo dipamate alani haporseaonna. Di tikki i, adong do sahalak doli-doli na mangida sude na masa i, jala las do rohana dipamate si Stepanus. Alai dang lupa bawa i tu hata na parpudi na didok si Stepanus sebelum mate ibana. Lao tabahas ma annon taringot bawa i di pasal 50, 51, dohot 53.

Jaha ma ceritana di:

• Ulaon ni Apostel 6:5–8:2

Na lao dibahas:

Boha do cara ni si Stepanus patuduhon habaranion?

Bagas ma Parsiajari

1. 1. Boasa dipillit akka apostel si Stepanus dohot akka bawa na ‘marhaporseaon na togu jala na digohi tondi parbadia’ lao mangatur mambagi sipanganon tu akka na di huria? (Ul. 6:​3-5; bt 41-42 ¶17-18) A

   Alusmuna

   

2. 2. Hatorangan aha do na dipaboa si Stepanus taringot si Musa na so disurat di Akka Bukku Heber? (bt 48 ¶13, surat na di toru)

   Alusmuna

3. 3. Boasa boi tetap tenang si Stepanus nang pe dianiaya? (w18.10 32-wcgr)

   Alusmuna

4. 4. Di Ulaon ni Apostel 7:59 didok si Stepanus do di tangiangna, “Tuan Jesus, tu ho ma hupasahat hosakkon.” Na gabe martangiang tu Jesus do si Stepanus? (w05 1/1 31-wcgr)

   Alusmuna

Pikkirhon ma Aha Parsiajaranna

• Halak na ‘marhaporseaon na togu jala na digohi tondi parbadia’ do si Stepanus. Asing ni i, “gok do huaso dohot asi ni roha ni Debata di ibana”. Alai nang pe songon i, olo do ibana dohot mambagi-bagihon sipanganon. (Ul. 6:​2, 5, 8) Songon dia do akka donganta bawa na berbakat manang na adong tanggung jawabna di huria boi maniru si Stepanus? B

  Alusmuna

  

• Ditangiakkon si Stepanus do akka halak na menganiaya ibana. Songon dia do hita boi patuduhon holong tu akka halak na menentang dohot na menganiaya hita? (Mat. 5:​44-48)

  Alusmuna

• Songon dia do caramuna maniru habaranion ni si Stepanus?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Dipillit do si Stepanus lao mamaretta rap dohot Kristus di surgo. Boasa las rohamuna mamboto on?

  Alusmuna

Ida ma Muse on

Songon dia do asa boi hamu lambok jala barani tikki paboahon haporseaonmuna tu na asing songon na diulahon si Stepanus?

“Gok do Huaso Dohot Asi ni Roha ni Debata” di si Stepanus” (bt 47-50 ¶9-19)

Songon dia akka naposo ni Jahowa saonari boi gabe barani songon si Stepanus tikki dianiaya?

Tetap Barani Nang pe Adong Tantangan (6:27)