Dilindungi Ibana do Raja na Dipillit Jahowa

SAHALAK sintua ni malim do si Jehoyada na marhobas di bagas joro na di Jerusalem. Nang pe nga matua si Jehoyada, alai godang do na diulahon ibana tu Jahowa jala semangat mangulahon na sittong. Ala sahalak sintua ni malim ibana, martanggung jawab do ibana mangurupi akka halak asa manomba Jahowa marhite cara na sittong. Alai dang ulaon na mura on. Alana, godang do halak di tikki i na manomba debata na so sittong jala mangulahon na jahat.

Boasa lam jahat akka halak di tikki i? Sada alasanna, i ma alani pengaruh ni sahalak borua na jahat, goarna si Atalia. Boru ni Raja Ahab dohot Ratu Izebel do ibana. Hea do nasida mamaretta di Israel. Ala massai jahat nasida, didok Jahowa ma na lao pamateonna do sude pinoppar ni nasida. Nang pe menikah si Atalia dohot raja ni Juda, alai sogo do rohana tu ibadat na sittong. Dung mate suami ni si Atalia, gabe raja ma anak ni nasida. Alai di pudian ni ari, dipamate Jahowa do anakna i. Dung i dibahen si Atalia ma dirina gabe ratu di Juda. Dang lomo roha ni Jahowa mangida i, alana holan akka bawa na sian pinoppar ni si Daud do na dipillit Jahowa gabe raja lao mamaretta tu akka naposona. Jadi asa boi mamaretta di Israel, naeng dipamate si Atalia do sude akka bawa na marhak gabe raja, termasuk ma akka pahoppuna.

Menikah do si Jehoyada tu sahalak boru ni raja na sian Juda, goarna si Jehoseba, manang didok do tong ibana si Jehosabeat. Dang diloas si Jehoyada dohot si Jehoseba pamateon ni si Atalia sude bawa pinoppar ni si Daud. Alana diboto nasida do, nungnga marjanji Jahowa na lao adong pinoppar ni si Daud gabe raja saleleng ni lelengna. (2 Sam. 7:​12, 13) Diboto si Jehoseba do adong sahalak poso-poso na marhak gabe raja, goarna si Jehoas. Dang adong dope sataon umurna di tikki i. Barani do si Jehoseba mamboan poso-poso i kaluar sian istana. Sip-sip do diboan ibana poso-poso i dohot parorotna tu si Jehoyada. Dung i, ditabunihon nasida ma poso-poso i di sada kamar na adong di bagas joro.

Saleleng onom taon ma si Jehoyada manabunihon si Jehoas di jabu ni Jahowa. Jala dilindungi ibana do si Jehoas sian bahaya. Dang mura mangulahon i. Alana molo diboto si Atalia tindakan ni nasida i, pasti dipamate do nasida. Dung onom taon si Jehoas ditabunihon, dibahen si Jehoyada do muse tindakan na barani. Dijou ibana do lima pamimpin ni akka pengawal ni raja na toktong setia tu Jahowa. Dipaboa ma tu nasida na adong sada dakdanak sian pinoppar ni si Daud na marhak gabe raja di Israel. Dung i, didok ibana ma tu nasida asa disuru 500 tentara lao manjaga di bagas joro dohot di akka inganan di jonok ni bagas joro i. Tikki dilantik si Jehoyada gabe raja si Jehoas, jongjong ma akka tentara i di jonok ni poso-poso i huhut maniop tombak dohot perisai. Marlas ni roha ma akka halak jala marsurak ma nasida mamuji raja i. Tikki dibege si Atalia soara ni akka na marsurak i, pittor lao ma ibana tu bagas joro.

Dung sahat si Atalia di halaman ni bagas joro, diboto ibana ma aha na masa. Berupaya do ibana mangabbati asa unang gabe raja si Jehoas. Marsurak ma ibana mandok, “Penghianat! Penghianat!” Dang maila ibana mandok songon i, hape ibana do sebenarna penghianat. Ra, berharap do si Atalia adong rakyatna na marpihak tu ibana. Alai dang songon i na terjadi. Barani do si Jehoyada. Disuru ibana do akka pamimpin ni tentara lao mamboan si Atalia tu luar. Ditakkup nasida ma si Atalia jala dipamate ma ibana. Nungnga didok Jahowa hian, “Ikkon mate do sude keluarga ni si Ahab”. (2 Raj. 9:8) Tikki dipamate si Atalia, saut ma na didok Jahowa i.

Dung dipamate si Atalia, adong do muse na diulahon si Jehoyada. Disuru ibana do asa marjanji raja i dohot akka rakyat i tu Jahowa na toktong do nasida gabe naposo ni Jahowa. Dung i, disuru ibana do akka rakyat i manghancurhon kuil Baal dohot pamatehon malim ni Baal. Asing ni i, marsitutu do si Jehoyada mangalatik si Jehoas asa gabe raja na burju jala setia tu Jahowa. Saleleng mangolu si Jehoyada, setia do si Jehoas tu Jahowa. Alai mate ma si Jehoyada tikki marumur 130 taon. Dikuburhon ma ibana di kuburan ni akka raja di Jerusalem. Sada hasangapon do on. Alana biasana, dang dikuburhon sintua ni malim rap dohot akka raja.

Alai dung mate si Jehoyada, dang setia be si Jehoas tu Jahowa. Ditiru ibana do akka pejabat ni Juda na manomba debata na so sittong. Jala dijujui ibana do muse akka rakyatna asa mangulahon na sarupa. Asing ni i, dang olo si Jehoas manangihon sipasingot na dipasahat akka panurirang ni Jahowa. Sada sian akka panurirang i, i ma si Sakaria anak ni si Jehoyada. Disukkun ibana ma tu bangso i, “Boasa ma dialo hamu paretta ni Jahowa?” Alai gabe muruk ma si Jehoas mambege i, jala disuru do asa dipamate si Sakaria. Nang pe songon i, toktong do barani si Sakaria sahat tu na mate ibana, sarupa songon bapakna si Jehoyada. Marratus taon dukkon i, didok Jesus do si Sakaria i halak na barani. Songon Jahowa, dang hea dilupahon Jesus habaranion na dipatudu akka bawa dohot borua na setia.

Jaha ma ceritana di:

• 2 Raja-Raja 11:​1-21; 12:​1, 2

• 2 Kronika 22:​10-12; 23:​1-21; 24:​1, 2, 7, 15-22

• Mateus 23:35

Na lao dibahas:

Boha do cara ni si Jehoyada patuduhon habaranion?

Bagas ma Parsiajari

1. 1. Ise do akka “pengawal ni raja” na mangurupi si Jehoyada pamatehon si Atalia? (2 Raj. 11:​4, 19; it “Halak Karia, Pengawal Pribadi”-wcgr)

   Alusmuna

2. 2. “Patik” na dia do na dimaksud di ayat on? Jala boasa dibahen si Jehoyada Patik i tu atas ni ulu ni si Jehoas? (2 Raj. 11:​12, surat na di toru; w91 1/2 31 ¶5-6-wcgr) A

   Alusmuna

   

3. 3. Boasa dibahen si Jehoas paretta asa dipadenggan jabu ni Jahowa? (2 Kron. 24:​4-7, 11-14; it “Si Jehoas” No. 1 ¶5-wcgr)

   Alusmuna

4. 4. Anak ni si Jehoyada do si Sakaria. Alai boasa didok Jesus ibana “anak ni si Berekia”? (keterangan tambahan tu “anak ni si Berekia” di Mateus 23:​35, nwtsty-wcgr)

   Alusmuna

Pikkirhon ma Aha Parsiajaranna

• Nungnga lobi 100 taon umur ni si Jehoyada tikki ditabunihon ibana si Jehoas. Songon dia do teladanna boi patoguhon akka donganta naung matua? (Ps. 92:​12, 14) B

  Alusmuna

  

• Tikki ditangihon si Jehoas hata ni si Jehoyada, dibahen ibana do keputusan na denggan. Aha do na boi diparsiajari akka na poso sian on?

  Alusmuna

• Songon dia do caramuna maniru habaranion ni si Jehoyada?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Jehoyada molo nungnga dipahehe ibana?

  Alusmuna

Ida ma Muse on

Aha do na boi diparsiajari akka dakdanak sian si Jehoas taringot mamillit dongan?

“Dang Setia be si Jehoas tu Jahowa ala Mardongan tu Akka Halak na Jahat” (w09 1/4 24-25-wcgr)

Aha do na boi tatiru sian si Jehoyada taringot mangalehon sumbangan lao mendukung ibadat na sittong?

“Sumbangan na Mambahen Las Roha ni Jahowa” (w05 1/11 26-27-wcgr)