Barani do Ibana Menghadapi Dua Bawa na Muruk

SAHALAK borua na bagak jala na marbisuk do si Abigail. Sada tikki, ikkon dihadapi ibana do dua bawa na muruk. Sada, i ma suamina si Nabal. Halak na jahat jala kasar do si Nabal. Jala sada nai, i ma si Daud. Naposo ni Jahowa na burju do ibana, setia, jala calon raja ni Israel na berikutna. Alai nang pe burju si Daud, jahat do si Nabal tu ibana. Alani i, gabe muruk hian ma si Daud. Jala saonari, gabe terancam ma ngolu ni sude bawa na tinggal di jabu ni si Nabal dohot si Abigail. Songon dia do si Abigail patuduhon habaranion di situasi on?

Sebelumna, adong sahalak parkarejo ni si Nabal na paboahon tu si Abigail, songon dia pambahenan ni si Nabal tu si Daud. Didok parkarejona i muruk do si Daud. Jala saonari, nungnga di pardalanan ibana rap dohot 400 tentarana naeng pamatehon si Nabal dohot sude na tinggal di jabuna. Boasa boi masa i? Mulana, disuru si Daud ma akka tentarana manjuppangi si Nabal. Lambok do akka tentarana i mangido sipanganon tu si Nabal. Jala masuk akkal do pangidoanna i. Alana dijaga nasida do si Nabal, akka parmahanna, dohot akka biru-biruna. Tetap do dijaga si Daud halak Israel sian akka pangarampok, nang pe ikkon melarikan diri ibana sian Raja Saul. Alai boha do tanggapan ni si Nabal? Disonggaki si Nabal do akka tentara ni si Daud. Jala didok ibana holan sahalak parkarejo do si Daud na lari maninggalhon tuanna!

Diboto parkarejo ni si Nabal do, dang adong gunana paboahon masalah on tu si Nabal. Didok ibana do tu si Abigail, “Anggo tuan i, dang hasea i jala dang olo ibana manangihon manang ise pe.” Alai pos do roha ni parkarejo i na olo do si Abigail manangihon ibana jala pasti bahenonna do na sittong. Attong, aha do na diulahon si Abigail?

Tetap do tenang si Abigail. Alai diboto ibana do ikkon hatop ibana bertindak. Jadi diparade ibana ma godang sipanganon tu si Daud dohot akka tentarana. Dibahen ma i sude tu ginjang ni akka halode. Jala disuru ma asa parjolo lao akka parkarejona mandapotton si Daud. Dung i, mangihut ma si Abigail sian pudi mamakke halodena. Alai dang dipaboa si Abigail taringot on tu si Nabal. Diboto ibana do, olo do ra gabe diabbati suamina ibana annon mangulahon i.

Tikki marhalode si Abigail turun sian sada dolok, turun do si Daud dohot akka tentarana tu arah ni si Abigail. Alai dang diida nasida dope si Abigail alana di balik ni dolok dope ibana. Tikki pajuppang nasida, pittor turun ma si Abigail sian halodena jala sujud ma ibana di jolo ni si Daud. Dipangido si Abigail do asa olo si Daud manangihon ibana. Tikki diida si Daud na serep roha ni si Abigail, gabe olo ma ibana manangihon.

Minta maaf do si Abigail tu si Daud alani pambahenan ni suamina na oto i. Jala didok ibana, wajar do molo muruk si Daud tu si Nabal. Dung i dipaingot si Abigail ma sude naung dibahen Jahowa tu si Daud. Jala didok ibana, dang lomo roha ni Jahowa molo dipamate si Daud halak na so marsala. Alana boi do gabe disolsoli si Daud tindakanna i di pudian ni ari. Didok ibana do muse, bahenon ni Jahowa do toktong pinoppar ni si Daud gabe raja di Israel. Jala lao paluaon ni Jahowa do si Daud sian sude musuna. Takkas ma, diboto si Abigail do nungnga dipillit Jahowa si Daud gabe raja ni Israel na berikutna.

Ala lambok do cara ni si Abigail makkatai, gabe dang muruk be si Daud. Didok ibana, “Dipuji ma Jahowa Debata ni Israel na manuru ho manjuppangi au sadari on!” Dipuji si Daud do si Abigail ala marbisuk ibana. Jala serep do roha ni si Daud mangihutton saran ni si Abigail i. Didok ibana do tu si Abigail, “Nungnga hutangihon hatam.”

Dang diboto si Nabal sude na masa i. Marpesta do ibana jala mabuk sahat tu borngin. Alani i, dipaima si Abigail ma sahat tu manogot lao paboahon sude na masa i tikki dang mabuk be si Nabal. Sasittongna, nang pe dang mabuk si Nabal, tong do kasar ibana makkatai. Alai nang pe songon i, tetap do dipaboa si Abigail sude na masa i tu si Nabal. Ra dirippu si Abigail do, gabe dimuruki manang dipukkuli si Nabal ibana. Hape dang songon i na terjadi. Bibel mandok, “Gabe gale ma jantung ni si Nabal jala lumpu ma ibana peak songon batu.” Hira-hira sappulu ari dukkon i, “dibahen Jahowa ma mate si Nabal”. Dihukum Jahowa do si Nabal ala jahat ibana tu si Daud, halak na pinillitna. Alai na dibahen Jahowa tu si Nabal i, sasittongna gabe pasu-pasu do di si Abigail ala boi ibana malua sian suamina na jahat i.

Dilehon Jahowa do muse pasu-pasu tu si Abigail. Tikki diboto si Daud naung mate si Nabal, dialap ibana ma si Abigail asa gabe istrina. Jala dioloi si Abigail do i. Dung i gabe raja ma si Daud. Parjolo sahali mamaretta ma ibana di Juda, dung i di sude luat ni Israel. Jala ditubuhon si Abigail ma anak di si Daud. Sada tikki ro ma halak Amalek menculik si Abigail. Alai pittor ro do suamina na burju jala na barani lao menyelamatton ibana. Ujungna, boi ma dihilala si Abigail holong sian suami na burju jala na mangargai ibana.

Jaha ma ceritana di:

• 1 Samuel 25:​1-43; 30:​1-6, 16-20

Na lao dibahas:

Boha do cara ni si Abigail patuduhon habaranion?

1. 3. Sasittongna, boasa ikkon mandok mauliate si Nabal tu akka tentara ni si Daud? (ia 77-78 ¶9-10) B

   Your answer

   

   Hanan Isachar/Alamy Stock Photo

2. 4. Didok si Abigail do tu si Daud, “Jagaon ni Jahowa Debatam do ho songon halak na manjaga arta na arga na manippan i di bagasan sada tas.” Aha do maksudna? (1 Sam. 25:29; it “Hangoluan” ¶45-wcgr)

   Your answer

Pikkirhon ma Aha Parsiajaranna

• Aha do na boi diparsiajari akka suami sian si Daud na olo manangihon si Abigail? C

  Your answer

  

• Aha do na boi ditiru akka istri sian si Abigail nang pe dang manomba Jahowa suamina?

  Your answer

• Songon dia do caramuna maniru habaranion ni si Abigail?

  Your answer

Rimangi ma

• Sian kisah on, aha do na boi huparsiajari taringot Jahowa?

  Your answer

• Aha do hubungan ni kisah on tu janji ni Jahowa taringot Paradeiso?

  Your answer

• Aha do na lao husukkun annon tu si Abigail molo nungnga dipahehe ibana?

  Your answer

Ida ma Muse on

Aha do na boi diulahon halak Kristen asa lam togu perkawinanna, nang pe dang manomba Jahowa pasanganna?

Ndang Jadi Sirangon ni Jolma Parsaripeon (4:30)

Diurupi si Abigail do si Daud asa boi mengendalihon perasaanna. Tikki adong halak na mambahen jut rohamuna, songon dia do hamu boi mengendalihon perasaanmuna?

“Molo Marbisuk Halak, Dang Mura Ibana Muruk” (w14 1/12 12-13-wcgr)