23 SI DAUD
Barani do Ibana Mangalo Sahalak Raksasa
ADONG ma sahalak bawa na jongjong di seberang ni Lembah Elah. Si Goliat do goar ni bawa i, hampir tolu meter ma timbona jala massai gogo do ibana. Haru tentara na mamboan perisai ni si Goliat pe, gelleng hian do idaon tikki jongjong di labbungna. Mabiar hian do akka halak mangida si Goliat. Alai molo si Daud, dang mabiar mangida si Goliat. Alana adong do na mambahen ibana barani.
Dang leleng sebelum terjadi parporangan on, nungnga dipillit Panurirang Samuel be si Daud lao gabe raja ni Israel na berikutna. Mulai sian i, diurupi tondi parbadia ni Jahowa ma ibana marhite cara na luar biasa. Ditanda akka halak do si Daud ‘sahalak tentara na gogo jala barani’, nang pe poso dope ibana. Di sada tikki dipangido bapakna, i ma si Isai, asa lao si Daud mangida keadaan ni akka abangna na dohot marporang. Dang adong dope 20 taon umur ni si Daud di tikki i.
Tikki sahat si Daud di Lembah Elah, pajuppang ma ibana dohot tentara ni Israel. Jala boi do diida ibana tentara ni Palistim di seberang ni lembah i. Dang barani tentara ni Israel mangalo si Goliat dohot menyerang tentara ni Palistim. Jadi saleleng piga-piga minggu, marpungu ma dua punguan ni tentara i lao paimahon ise sian nasida na parjolo menyerang. Dung i dibege si Daud ma soara ni si Goliat na mangarehei tentara ni Israel. Muruk situtu do si Daud mambege i, alana sasittongna Debata Jahowa do na direhei si Goliat. Jadi asa semangat akka tentara i mangalo si Goliat, disukkun si Daud ma tu nasida aha hadiah na lao dilehon Raja Saul tu halak na boi manaluhon si Goliat. Alai muruk do abangna si Eliab tu ibana. Didok si Eliab, holan naeng mangida parporangan i do umbahen na ro si Daud.
Adong ma na paboahon hata ni si Daud tu Raja Saul. Jadi dijou Raja Saul ma si Daud. Berupaya do si Daud paposson roha ni raja i. Didok ibana, “Unang pola adong na mabiar alani [si Goliat].” Didok si Daud, rade do ibana mangalo halak Palistim. Mulana, dang dipaloas si Saul ibana. Alana yakin do si Saul, pasti mate do annon si Daud disi. Alai didok si Daud do tu si Saul, nungnga diurupi Jahowa ibana pamatehon sada singa dohot beruang na menyerang biru-biru ni bapakna. Ujungna, dipaloas si Saul ma si Daud mangalo si Goliat, jala dilehon ma tu ibana podang dohot baju porangna. Alai, pabalgahu jala paborattu do i di si Daud. Jadi dibukka si Daud ma muse sude perlengkapan i. Holan tukkot na dipakke ibana marmahan dohot ambalangna do na diboan ibana.
Tikki lao si Daud tu lembah i, so ma ibana di sunge jala dibuat ibana ma lima batu na licin. Dung i, didapotton si Daud ma si Goliat. Tikki diida si Goliat na ro si Daud, diparekkeli ibana ma si Daud jala direhei. Alana dibereng si Goliat, “tukkot” do na diboan si Daud lao mangalo ibana. Ra, dang diboto si Goliat na adong diboan si Daud ambalang. Hape najolo, jotjot do ambalang dipakke gabe senjata. Dung i “diburai si Goliat ma si Daud di bagasan goar ni akka debatana”. Jala didok ibana, lao lehononna do si Daud allangon ni akka pidong dohot akka binatang buas.
Tikki poso dope si Daud, dialo ibana do raksasa lao mambela goar ni Jahowa
Dialusi si Daud ma, “Podang dohot dua tombak do dipakke ho lao mangalo au, alai anggo au, di bagasan goar ni Jahowa Pamimpin ni Akka Tentara do au mangalo ho. Ibana do Debata ni akka tentara ni Israel na nireheanmi.” On ma na mambahen ibana gabe barani. Nang pe dao umbalga si Goliat sian si Daud, alai dang i na sai dipikkiri si Daud. Alana dibayakkon ibana, dao do umbalga Jahowa sian si Goliat. Jadi, pos do roha ni si Daud na boi do pamateonna raksasa i. Jala pasti talu do bahenon ni halak Israel halak Palistim.
Pittor marlojong ma si Daud mandapotton si Goliat. Dibuat si Daud ma sada batu sian tasna. Dung i, dipamasuk ibana ma batu i tu ambalangna jala diayun. Ra di tikki i dope baru diida si Goliat ambalang i, alai dang boi be ibana menghindar. Diambalang si Daud ma batu i. Hona ma batu i tu dahi ni si Goliat jala masuk tu bagasan. ‘Gabe tukkap ma raksasa i tu tano’. Dung i, marlojong ma si Daud tu labbung ni si Goliat. Dibuat ibana ma podang ni si Goliat i jala diponggol ma uluna. Ujungna, gabe dang mabiar be akka tentara ni Israel. Marsurak ma nasida jala diserang nasida ma tentara ni Palistim. Di ari i, dibahen Jahowa do monang naposona. Teladan ni si Daud mangurupi halak Israel gabe barani. Jala sahat tu saonari pe, godang do halak na dipatogu ala mambege kisah ni si Daud on.
Jaha ma ceritana di:
Na lao dibahas:
Boha do cara ni si Daud patuduhon habaranion tikki poso dope ibana?
Bagas ma Parsiajari
1. Akka ise do oppung ni si Daud na gabe teladan taringot patuduhon habaranion? (Mat. 1:5, 6; Luk. 3:31-38; w12 1/10 24 ¶3-wcgr)
2. Aha do na patuduhon na tutu masa peristiwa i? (wp16.5 13) A
Collection the Israel Antiquities Authority. Photo © The Israel Museum, by Meidad Suchowolski
Gambar A: Potongan ni batu naung marumur hita-hira 2800 taon na adong tulisan “Keluarga ni Harajaon ni si Daud”
3. Songon dia do parngoluon ni si Daud tikki gabe parmahan? (w11 1/9 27 ¶1–28 ¶1-wcgr) B
Todd Bolen/BiblePlaces.com
Gambar B
4. Songon dia do pandangan ni piga-piga halak taringot si Daud? (w21.03 3 ¶6; it “Si Eliab” No. 4 ¶1-wcgr)
Pikkirhon ma Aha Parsiajaranna
Songon dia do teladan ni si Daud boi mangurupi hamu tikki . . .
khawatir manang mabiar? C
Gambar C
Songon dia do habaranion ni si Daud boi mangurupi hamu lao menolak keinginan na sala?
Molo barani hamu, aha ma pengaruhna tu na asing? (1 Sam. 17:50-53)
Songon dia do muse caramuna maniru habaranion na dipatudu si Daud di kisah on?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Daud taringot kisah on molo nungnga dipahehe ibana?
Ida ma Muse on
Sian ende tu akka dakdanak on, ida ma aha na mambahen si Daud gabe barani.
Aha do na boi ditiru akka donganta bawa sian si Daud asa boi diargai halak na asing?
“Aha do na Ikkon Diulahon Akka Bawa na Poso Asa Boi Dihaporseai?” (w21.03 2-5 ¶1-11)