9 SI SIPRA, SI PUA, SI AMRAM, SI JOKHEBED, DOHOT SI MIRYAM
Ala Marhaporseaon Ditabunihon Nasida do si Musa
NUNGNGA lobi 60 taon dung mate si Josep. Dang diingot halak Mesir be ibana. Hape ibana do na dipakke Jahowa najolo lao menyelamatton nasida sian kelaparan. Saonari, raja na baru nama na mamaretta di Mesir. Sogo hian do rohana tu halak Israel, na jotjot digoari halak Heber. Jala mabiar do ibana tu nasida, alana torus do martamba godang ni halak Heber. Kejam do halak Mesir tu halak Heber jala dibahen ma nasida gabe hatoban. Nang pe songon i, torus do martamba godang ni halak Heber ala dipasu-pasu Jahowa nasida.
Jadi dibahen si Firaun ma rencana na massai kejam. Diparettahon ibana ma dua bidan halak Heber ro menghadap tu ibana, i ma si Sipra dohot si Pua. Didok si Firaun ma tu nasida, molo melahirkan akka borua ni halak Heber jala molo bawa do na tubu, ikkon langsung do dipamate. Coba ma tabayakkon boha perasaan ni nasida mambege i. Alai ala “mabiar do bidan na dua i tu Debata na sittong”, dang diulahon nasida na nidok ni raja Mesir i. Jala diboto nasida do, dang adong manang ise pe na marhak manuru nasida mangalo paretta ni Jahowa. Alana Jahowa do Parhuaso Natumimbul. Alani i, sai berupaya do nasida menyelamatton akka bawa poso-poso na baru ditubuhon halak Heber. Gabe muruk hian ma si Firaun tikki mamboto i. Alai marbisuk do bidan na dua i. Dang dipaboa boha dibahen nasida menyelamatton akka poso-poso i. Diida Jahowa do habaranion ni nasida na dua. Alani i, ‘dipasu-pasu Jahowa ma nasida’. Dibahen Jahowa ma nasida marianakkon.
Aha ma na boi terjadi tu si Musa autsugari dang barani dua bidan i, natua-tuana, dohot kakakna?
Tikki diboto si Firaun dang marhasil rencanana i, dibahen ibana ma muse paretta na asing na ukkejam. Didok ibana ikkon dibolokkon do sude bawa na baru tubu tu Sunge Nil. Pasti borat hian do situasi na dihadapi halak Heber di tikki i. Adong ma sapasang suami istri halak Heber na margoar si Amram dohot si Jokhebed. Ikkon dibahen nasida do keputusan na maol. Tikki i, nungnga adong dua gelleng ni nasida, i ma si Aron dohot si Miryam. Jadi tikki hamil muse si Jokhebed, mabiar do nasida molo bawa na tubu. Alana diboto nasida do, pasti terancam do annon ngolu ni anakna i. Jala memang bawa do na tubu. Alai nang pe dang mura, berupaya do nasida manabunihon anakna i asa unang sappe tarboto. Hira-hira dung marumur tolu bulan anakna i, dibahen si Jokhebed ma sada karanjang jala dilappis ma i mamakke aspal dohot miak ter. Dibahen ma anakna i di bagasan karanjang i. Jala ditabunihon ma karanjang i di akka suan-suanan na adong di Sunge Nil. Dung i, sip-sip ma kakakna si Miryam mangida sian na dao lao mamastihon boha keadaan ni adekna i.
Di tikki i, lao ma boru ni si Firaun naeng maridi tu Sunge Nil. Diida ibana ma adong karanjang di sunge i. Gabe disuru ma pelayanna mambuat karanjang i. Tikki dibukka ibana karanjang i, diida ma adong sahalak poso-poso na massai uli rupana. Tangis do poso-poso i, gabe asi ma rohana mangida. Dibahen ma dakdanak i gabe anakna. Alai diboto ibana do, porlu do adong halak na mangarawat poso-poso i. Tikki dibege si Miryam hata ni nasida i, pittor didapotton si Miryam ma nasida. Jala didok boi do dijou ibana sahalak borua ni halak Heber lao manusui jala manjaga poso-poso i. Setuju do boru ni si Firaun i. Lao ma si Miryam jala dijou ma omakna asa gabe parorot ni dakdanak i. Coba ma bayakkon songon dia las ni roha ni si Jokhebed ala boi ibana mangarawat anakna sandiri, jala dang porlu mabiar tu ancaman ni halak Mesir. Dang holan i, digaji do ibana mangulahon i. Pasti diulahon ibana dohot si Amram do na terbaik lao mangarawat jala mangajari anakna i asa boi jonok tu Jahowa. Alai dung balga dakdanak i, ikkon dipaulak nasida do muse ibana tu boru ni si Firaun. Dibahen boru ni si Firaun ma goarna si Musa.
Songon dia do perasaan ni Jahowa mangida haporseaon dohot habaranion na dipatudu si Amram, si Jokhebed, dohot si Miryam? Las hian do roha ni Jahowa jala dipasu-pasu do nasida. Dibahen Jahowa do marhasil si Amram dohot Jokhebed mangajari si Miryam dohot si Aron gabe sisomba Jahowa. Jala diida nasida do songon dia Jahowa manjaga si Musa. Dung dewasa si Musa, dipakke Jahowa ma ibana lao mambahen akka mukjizat. Memang, dang adong dipaboa di Bibel atik na mangolu dope natua-tuana di tikki i. (2 Mus. 6:20) Alai diida si Miryam dohot si Aron do songon dia Jahowa mamakke si Musa lao mambahen mukjizat. Jala dipatudu nasida na tolu do habaranion dohot haporseaon na togu. Di parsiajaran na mangihut, taida ma aha na masa di ngolu ni si Musa dung dewasa ibana, jala boasa dibahen ibana keputusan lao manomba Jahowa.
Jaha ma ceritana di:
Na lao dibahas:
Boha do cara ni dua bidan ni halak Heber dohot keluarga ni si Musa patuduhon habaranion?
Bagas ma Parsiajari
1. Aha do na taboto sian akka penemuan arkeologi, na mambuktihon tutu do masa kisah di jaman ni si Musa i? (g04 8/4 4 ¶4–5 ¶1-wcgr)
2. Dipaboa do di Bibel taringot karanjang na sian papirus dohot paretta ni si Firaun lao mambunu poso-poso ni halak Heber. Aha do na didok akka peneliti na patuduhon tutu akka hatorangan i? (g04 8/4 6 ¶1-2-wcgr) A
Christine Osborne Pictures/Alamy Stock Photo
Gambar A: Sahat tu saonari pe, dipakke do papirus lao mambahen parau
3. Aha do na boi taboto sian dua bidan ni halak Heber, jala aha do pasu-pasu na dilehon Jahowa tu nasida? (w03 1/11 8 ¶3-4-wcgr; it “Bidan”-wcgr) B
Gambar B
4. Songon dia do si Miryam patuduhon haporseaon na togu sahat tu na matua? (ijwia artikel 7 ¶14-18-wcgr)
Pikkirhon ma Aha Parsiajaranna
Aha do na boi ditiru natua-tua sian si Amram dohot si Jokhebed?
Molo adong kakak manang adekmuna, songon dia do hamu boi maniru si Miryam? C
Gambar C
Songon dia do caramuna maniru habaranion ni si Sipra dohot si Pua?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Molo nungnga dipahehe annon si Sipra, si Pua, si Amram, si Miryam, dohot si Jokhebed, aha do na lao husukkun tu nasida?
Ida ma Muse on
Aha do na boi tatiru sian akka borua na so olo mangoloi paretta ni si Firaun?
“Akka Borua na Mambahen Las Roha ni Jahowa” (w03 1/11 8-9 ¶3-5-wcgr)
Molo urrikkot do di hita mangoloi paretta ni Jahowa, pos ma rohatta dang na lao tinggalhonon ni Jahowa hita. Ida ma buktina.