10 SI MUSA
Dibahen Ibana do Keputusan na Denggan
LAPATAN ni goar ni si Musa, i ma “Diselamatton sian Aek”. Boru ni si Firaun do na mambahen goar i, dang orang tua kandung ni si Musa. Dilehon ibana pe goar i tu si Musa ala memang sian aek do dibuat ibana si Musa tikki poso-poso. Harap do rohana molo dung magodang si Musa, boi gabe halak na sangap di Mesir. Didok di Bibel, “Diajarhon do tu si Musa sude ilmu ni halak Mesir.” Pasti las do roha ni boru ni si Firaun molo dapot ni si Musa pendidikan na terbaik di Mesir.
Dung magodang si Musa, gabe halak na sangap do ibana. Bibel mandok, “Gabe malo do ibana makkatai jala malo mula-ulaon.” Sasittongna boi do si Musa gabe halak na mora, terkenal, jala boi do dipakke ibana sude fasilitas na adong di Mesir. Alai diboto si Musa do, sudena i boi mambahen ibana gabe dao sian Jahowa. Jadi porlu do diputusson si Musa aha do na uppetting di ngoluna.
Dung marumur 40 taon si Musa, gabe takkas ma tarida aha do na uppetting di ibana. Didok di Bibel, “Alani haporseaon do umbahen na so olo si Musa dung magodang digoari anak ni boru ni si Firaun. Tumagon do didok rohana marsitaonon rap dohot bangso ni Debata sian apala makkilala hasonangan na satokkin di bagasan dosa.” Jadi dibahen si Musa do keputusan na denggan, na patuduhon togu do haporseaonna tu Jahowa jala barani do ibana. Alai adong do hasalaan na dibahen ibana di tikki i.
Lomo do roha ni si Musa naeng paluahon “akka haha anggina”, i ma halak Israel na gabe hatoban di Mesir. Di sada tikki, lao ma ibana mangida boha keadaan ni halak Israel. Dibereng ibana ma adong halak Mesir na mamukkuli halak Heber. Ra, sahalak mandor do halak Mesir i. Aha do na diulahon si Musa? Sanga do diorai ibana halak Mesir i asa unang dipukkuli be halak Heber i? Dang taboto. Alai Bibel mandok, ‘dung dibereng ibana tu sakalilingna’ lao mamastihon dang adong na mangida, “dipamate ibana ma halak Mesir i”. Memang na sengaja do si Musa pamatehon halak Mesir i alani emosina? Manang, na so sengaja do ibana pagogohu mamukkul bawa i? Dang adong dipaboa di Bibel taringot i. Alai dukkon i diboto si Musa ma, molo na diulahonna i parohon masalah tu ibana. Gabe ditanom ibana ma bakke ni halak Mesir i di bagasan pasir.
Marsogotna i lao ma muse si Musa naeng mangida keadaan ni akka dongan sabangsona. Diida ibana ma adong dua halak Heber na marbadai. Jadi diorai si Musa ma nasida asa unang marbadai. Alai adong ma sahalak sian nasida mandok tu si Musa, “Ai ise na mamillit ho gabe pamimpin dohot hakim di hami? Na lao pamateonmu do au songon halak Mesir na dibunumi?” Gabe disadari si Musa ma, adong do hape na mamboto na diulahonna i. Gabe mabiar ma ibana sotung dipamate annon.
Situasi na terjadi di tikki i dang songon na diharappon si Musa. Bibel mandok, “Dirippu si Musa do dohonon ni bangso i songon on, ‘Pasti paluaon ni Debata do hita marhite ibana,’ alai dang songon i dipikkirhon bangso i.” Berharap do si Musa dijalo halak Israel ibana gabe halak na dipillit Jahowa lao paluahon nasida. Alai dang diboto si Musa dang dapot dope tikkina dipakke Jahowa ibana. Jala dang dirippu si Musa songon i tanggapan ni halak Israel tu ibana. Dang porsea nasida na tutu olo si Musa naeng mangurupi nasida. Alana nang pe halak Heber si Musa, magodang di istana ni Mesir do ibana.
Dia do na dipillit si Musa? Gabe halak na mamora jala terkenal do, manang mangurupi naposo ni Jahowa?
Dirippu si Musa, nga boi be ibana paluahon halak Israel. Alai diboto Jahowa do, sebenarna dang siap dope si Musa paluahon nasida. Memang halak na barani do si Musa. Gogo do ibana jala malo makkatai. Alai ikkon marlatik dope si Musa lao patuduhon sada sifat na massai penting, i ma lambok ni roha. Alana dang boi dope dikendalihon ibana emosina. Tikki diida ibana halak Mesir mamukkuli halak Heber, dipamate ibana do halak Mesir i.
Dang leleng dukkon i, diboto si Firaun ma aha na diulahon si Musa. Naeng dipamate si Firaun ma si Musa, dang jolo dilehon kesempatan tu si Musa lao paboahon boasa diulahon ibana i. Jadi, melarikan diri ma si Musa sian Mesir, hape tabo do ngoluna disi. Ditinggalhon ibana do artana dohot hasangapon na dapotna di Mesir. Pasti ikkon barani do si Musa maninggalhon i sude jala lao tu inganan na dao, i ma tu Midian. Saleleng martaon-taon, ‘gabe pengungsi do ibana di luat ni halak’. Alai boha do annon parngoluon ni si Musa disi? Boi do ibana muba gabe halak na lambok roha? Boi do ibana gabe halak na serep roha songon na dipangido Jahowa? Taida ma annon di pelajaran na mangihut.
Jaha ma ceritana di:
Na lao dibahas:
Sian peristiwa on, boha do cara ni si Musa patuduhon habaranion?
Bagas ma Parsiajari
1. Aha do buktina na tutu do hea halak Israel gabe hatoban di Mesir, songon na didok di Bibel? (w20.03 30) A
Courtesy Brooklyn Museum, gift of Theodora Wilbour
Gambar A: Potongan sian sada daftar na marisi goar ni akka hatoban di Mesir. Di daftar i, adong lobi sian 40 goar ni halak Heber. On patuduhon na hea do halak Heber gabe hatoban di Mesir
2. Aha do na diparsiajari si Musa sian natua-tuana, jala aha do maksudna diparsiajari ibana “sude ilmu ni halak Mesir”? (Ul. 7:22; w02 15/6 10 ¶2-5-wcgr)
3. Songon dia do biasana dibahen halak Mesir tu halak naung mate? Tikki dibunu si Musa sahalak Mesir, ditabunihon ibana do bakkena di pasir. Songon dia do perasaan ni halak Mesir mamboto i? (it “Mesir, Halak Mesir” ¶28-wcgr) B
Gambar B: Sada mumi ni halak Mesir
4. Melarikan diri do si Musa tu Midian. Aha do persamaan ni halak Midian dohot halak Israel? (it “Midian” No.2 ¶1-2-wcgr)
Pikkirhon ma Aha Parsiajaranna
Sian kisah ni si Musa, aha do na boi taparsiajari taringot mengendalihon emosi?
Aha do na boi ditiru akka na poso sian Musa taringot mambahen cita-cita? C
Gambar C
Songon dia do caramuna maniru habaranion na dipatudu si Musa di kisah on?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Musa molo nungnga dipahehe ibana?
Ida ma Muse on
Ida ma songon dia caratta maniru teladan ni si Musa na rela berkorban.
Tiru ma Akka na Marhaporseaon, Dang na So Marhaporseaon—Si Musa, Dang si Firaun (2:27)
Olo do si Musa maninggalhon sude artana asa boi melayani Jahowa. Boi do tatiru ibana?