8 SI JOSEP
Dang Olo Ibana Targoda
SIAN mulai dakdanak si Josep, massai holong do roha ni Jahowa dohot bapakna tu ibana. Alai dang berarti gabe dang hea si Josep menghadapi masalah. Justru, sogo hian do roha ni akka abangna tu ibana. Ala si Josep do anak hasian ni si Jakkob, gabe cemburu ma akka abangna i tu si Josep, jala jahat do nasida tu ibana. Sada tikki, dilehon Jahowa ma parnidaan tu si Josep marhite nipi. Di nipina i, diida ibana ma na lao marsomba do keluargana tu ibana. Tikki dipaboa si Josep nipina i, gabe lam sogo ma roha ni akka abangna i tu ibana.
Di sada tikki, disuru bapakna ma si Josep lao mandapotton akka abangna na marmahan di inganan na dao. Tikki i, nungnga marumur 17 taon si Josep. Asa boi sahat tu inganan i, ikkon mardalan do ibana saleleng piga-piga ari. Dung sahat ibana disi, pittor diserang akka abangna i ma ibana. Disappatton ma ibana tu sumur na koring. Dang asi roha ni nasida tu si Josep, nang pe nungnga tangis ibana minta tolong tu nasida. Naeng dibunu nasida hian do si Josep. Alai diida nasida ma adong akka partiga-tiga na lewat, gabe dijual ma si Josep tu akka partiga-tiga i. Dukkon i margabus ma akka abangna i tu si Jakkob, didok ma naung mate si Josep diallang binatang buas. Hape nga diboan akka partiga-tiga i si Josep tu Mesir jala dijual gabe hatoban ni si Potipar, sahalak pejabat istana ni si Firaun.
Nang pe susa hian ngolu ni si Josep tikki i, alai dang gabe mandele ibana. Torus do togu haporseaonna tu Jahowa, jala sai bekerja keras do ibana. Didok di Bibel, ‘Sai didongani Jahowa do si Josep.’ Sai dibahen Jahowa do marhasil manang aha pe na diulahon si Josep. Gabe pos situtu ma roha ni si Potipar tu ibana. Alani i, dipillit ma si Josep lao mengawasi jabuna dohot sude artana.
Alai adong do muse masalah na asing na dihadapi si Josep. “Lam magodang ma si Josep jala ganteng do ibana.” Lomo ma roha ni istri ni si Potipar tu si Josep jala sai dirayu do ibana. Didok ma tu si Josep, “Beta, modom ma ho rap dohot au.” Sebenarna molo dioloi si Josep pe hata ni borua i, dang adong na mamboto i. Alana dao do keluargana. Jala ala hatoban do ibana di jabu i, boi do lomo-lomo ni tuanna mambahen manang aha tu ibana. Molo ditolak ibana hata ni borua i, boi do dibahen gabe lam susa ngolu ni si Josep. Attong, gabe targoda do si Josep tu rayuan ni borua i, manang barani do ibana manolak i?
Boasa barani si Josep manolak rayuan ni istri ni si Potipar, nang pe diboto ibana boi do gabe susa ngoluna alani i?
Didok di Bibel, “ditolak si Josep” do pangidoan ni borua i. Didok si Josep do tung na so olo ibana manghianati suami ni borua i, ala pos situtu do roha ni tuanna i tu ibana. Alai, adong do alasan na uppetting boasa dang olo si Josep mangulahon i. Didok ibana, “Tung bahenokku ma na jahat asa mardosa au tu Debata? Ai ulaon na jahat do i.” Massai holong do roha ni si Josep tu Jahowa. Alani i do gabe barani ibana manolak rayuan ni istri ni si Potipar i. Nang pe songon i, dang menyerah borua i. “Ganup ari” sai dirayu ibana do si Josep. Di sada tikki ro ma si Josep naeng karejo tu jabu i, jala dang adong halak na asing di jabu i. Ditarik istri ni si Potipar i ma baju ni si Josep, didok ibana ma, “Beta, modom ma ho rap dohot au!” Alai pittor lari do si Josep jala ditadikkon ma bajuna disi. Dung mulak si Potipar, dipatudu istrina ma baju ni si Josep i tu ibana, jala didok ma tu suamina i na naeng diperkosa si Josep ibana. Gabe muruk hian ma si Potipar jala dipenjarahon ma si Josep.
Dipamasuk ma si Josep tu penjara na holom. Diikkat ma patna dohot rukkungna mamakke ratte na sian bosi. (Ps. 105:17, 18) Nang pe songon i, dang gabe mandele si Josep. Torus do marpos ni roha ibana tu Jahowa, jala dang hea ditadikkon Jahowa ibana. Sai dipasu-pasu Jahowa do ibana. Ala diida kepala penjara na pekerja keras do si Josep, gabe dilehon ma godang tanggung jawab tu ibana. Saleleng martaon-taon, sabar do ibana jala martahan manaon sude hasusaanna i.
Ala sai dipatudu si Josep do habaranion dohot haporseaon na togu, gabe torus ma dipakke Jahowa ibana lao mangulahon lomo ni rohana. Di sada tikki, dibahen Jahowa ma marnipi si Firaun jala dibahen Jahowa ma boi si Josep paboahon arti ni nipina i. Didok si Josep, saleleng pitu taon godang situtu ma sipanganon di Mesir, alai dukkon i lao masa ma kelaparan saleleng pitu taon. Ala diida si Firaun na didongani Debata do si Josep, gabe dipillit ma si Josep lao pasaehon masalah i. Dilehon ma tu ibana jabatan na massai penting di Mesir, i ma gabe penguasa nomor dua dukkon si Firaun. Hasilna dang holan halak Mesir na selamat sian kelaparan i, alai dohot do tong keluarga ni si Josep. Di pudian ni ari, ro ma akka abang ni si Josep tu Mesir lao manuhor sipanganon, jala marsomba ma nasida tu ibana. Alai dang diboto nasida na si Josep do i. Gabe tergenap ma nipi ni si Josep na hea dipaboa tu nasida. Di tikki i, nungnga muba akka abangna i. Jadi, nang pe sogo roha ni nasida tu si Josep najolo, alai ujungna si Josep do na menyelamatton sude keluarga ni nasida sian kelaparan i. Boi pe i terjadi, ala torus do dipatudu si Josep habaranion dohot haporseaon na togu.
Jaha ma ceritana di:
Na lao dibahas:
Boha do cara ni si Josep patuduhon habaranion?
Bagas ma Parsiajari
1. Aha do buktina na tutu do na didok Bibel taringot parngoluon ni si Josep di Mesir? (g 11/10 15 ¶2-wcgr)
2. Sian dia do diboto si Josep na sogo roha ni Debata tu ulaon seks na so patut? (1 Mus. 39:9; w22.08 26 ¶2)
3. Boasa dipaloas Jahowa si Josep gabe pejabat tinggi di Mesir? (w96 1/5 11 ¶4-wcgr) A
Gambar A
4. Tikki marumur 110 taon si Josep, aha do na diulahon ibana patuduhon na togu haporseaonna tu Jahowa? (1 Mus. 50:25, 26; w07 1/6 28 ¶10-11-wcgr) B
Gambar B
Pikkirhon ma Aha Parsiajaranna
Songon dia do hita boi maniru si Josep tikki adong dongan sahaporseaon mambahen na so denggan tu hita? (1 Mus. 45:4, 5; 50:19-21)
Nang pe dao si Josep sian keluargana, tetap do setia ibana tu Jahowa. Songon dia do hita boi maniru si Josep tikki . . .
di sikkola? C
Gambar C
mardalani? D
Gambar D
mamakke HP manang alat elektronik na asing? E
Gambar E
Songon dia do caramuna maniru habaranion ni si Josep?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Josep molo nungnga dipahehe ibana?
Ida ma Muse on
Memang dang disingkirhon Jahowa sude hasusaan na masa tu si Josep, alai diurupi Jahowa do ibana asa sabar jala martahan. Ida ma songon dia cara ni Jahowa mangurupi hamu.
Songon dia do akka dakdanak boi maniru si Josep tikki adong na mambahen na jahat tu nasida?