2 SI NOAK
Dipatudu Ibana na Patut do Portibi on Dihukum
DUNG mate si Henok, adong ma piga-piga suru-suruan na mangalo tu Debata. Sai diida nasida ma akka borua na adong di tano on. Gabe tubu ma di roha ni nasida naeng mangulahon seks dohot akka borua i. Menjelma ma nasida gabe jolma, jala dibahen ma akka borua i gabe istri ni nasida. Tubu ma ianakkon ni nasida na jahat jala kejam, na digoari Nepilim. Aha ma akibatna? Gabe lam jahat ma akka jolma. Tikki diida Jahowa i, lungun ma rohana. Alana dang songon i tujuan ni Jahowa sian mulana. Alai adong do sada bawa sian pinoppar ni si Henok na berbeda sian akka halak di tikki i, i ma si Noak.
Songon si Henok, diulahon si Noak do na sittong jala setia do ibana tu Jahowa. Didok di Bibel, “Toktong do diihutton ibana dalan ni Debata na sittong.” Dung menikah si Noak, adong ma tolu anakna. Bekerja sama do ibana dohot istrina lao mangajari akka anakna i asa mangoloi Jahowa. On ma na mambahen berbeda keluarga ni nasida sian akka halak di tikki i.
Di sada tikki, dipaboa Jahowa ma rencanana tu si Noak. Naeng dipamate Jahowa ma sude jolma na jahat na adong di portibi on marhite Aek na Sumar manang Air Bah. Alai disuru Jahowa do si Noak lao mambahen sada parau na balga, asa boi selamat akka jolma na mangulahon na sittong. Nang pe dang hea dope diida si Noak masa banjir na balga jala dang hea dope dibangun ibana sada parau na balga, alai dang ditolak si Noak tugas i. Diulahon do paretta ni Jahowa i ala pos situtu do rohana tu Jahowa.
Sogo do roha ni akka parjahat tu keluarga ni si Noak ala dibangun nasida parau huhut pasahatton barita panguhuman
Ikkon barani do si Noak dohot keluargana lao mangulahon karejo on. Alana, godang do halak di tikki i na berupaya pasohon ulaon i jala diparekkeli do nasida. Akka suru-suruan na jahat naung menjelma gabe jolma, dohot akka Nepilim pe gabe musu ni nasida do. Alai dang menyerah si Noak, istrina, tolu anakna i, dohot akka parumaenna. Hira-hira 50 taon ma lelengna dibangun nasida parau i. Ganup ari do nasida karejo lao pasaehon i.
Aha dope na diulahon si Noak? Di Bibel, didok do ibana “sahalak parbarita na paboahon dalan ni Debata na sittong”. Dipaboa ibana do tu akka halak taringot bencana na lao masa satokkin nai. Asing ni i, denggan do diulahon ibana tugasna gabe kepala keluarga. Diurupi do keluargana asa dohot pasahatton barita i. Alai dang adong nanggo sada pe na olo manangihon si Noak, termasuk ma i akka tondongna. Torus do nasida mangulahon na jahat. Jadi, berbeda hian do si Noak sian akka halak di tikki i. Alani i do didok di Bibel, “Marhite haporseaonna, dipatuduhon ibana ma na patut do portibi on dihukum.”
Ujungna, sae ma dibangun nasida parau i. Alai adong dope na ikkon diulahon nasida. Ikkon dipapungu nasida do kebutuhan lao di nasida dohot di akka binatang saleleng di parau i, songon sipanganon, aek, dohot na asing. Dung i terjadi ma peristiwa na luar biasa. Marroan ma sude jenis ni binatang tu parau i, “dua-dua ma akka binatang i masuk, jantan dohot boru-boru”.
Pitu ari sebelum ro udan, disuru Jahowa ma si Noak dohot keluargana masuk tu parau i. Pasti sibuk hian do nasida di tikki i. Ikkon dipastihon nasida do nungnga pungu be sude kebutuhan ni nasida. Dung i, denggan ma i diatur di bagasan parau i. Tikki diida akka halak na masa i, olo do ra gabe lam jotjot si Noak dohot keluargana direhei. Dung masuk si Noak dohot keluargana tu parau i, ditutup Jahowa ma pintuna. Mangida i, dang tardok ni akka halak na jahat i be manang aha. Dukkon i, turun ma udan na massai doras saleleng 40 ari. Lam gok ma aek di tano on sappe manutupi pussu ni dolok. Ujungna, mate ma sude halak na jahat na adong di tano on dibahen Jahowa.
Lobi sian sataon ma si Noak dohot keluargana di bagasan parau i, jala aman do nasida disi. Lam leleng, lam surut ma aek i. Ujungna, so ma parau i di Dolok Ararat. Disuru Jahowa ma asa kaluar nasida sian parau i, ai nungnga koring be aek i. Dilehon nasida ma pelean tu Jahowa lao mandok mauliate ala nungnga diselamatton nasida. Marjanji ma Jahowa dang na lao bahenonna be banjir sisongon i, jala dibahen Jahowa ma pelangi gabe tanda ni parjanjian i.
Pinoppar ni si Noak do sude jolma na adong di tano on saonari. Pasti mandok mauliate do hita tu si Noak dohot tu keluargana, ala barani nasida berbeda sian akka halak di tikki i!
Jaha ma ceritana di:
Na lao dibahas:
Boha do cara ni si Noak patuduhon habaranion?
Bagas ma Parsiajari
1. Songon dia do situasi di portibi on sebelum ro Air Bah? (w02 1/3 5 ¶3–6 ¶4-wcgr)
2. Nandigan do disuru Jahowa si Noak mambangun parau i? Jala nandigan do dipaboa Jahowa ro nama Air Bah? (w12 15/4 23 ¶5-8-wcgr)
3. Aha do na mambahen pos rohatta na tutu do terjadi Air Bah? (ijwbq artikel 156 ¶2-5, kotak) A
Historic Collection/Alamy Stock Photo
Gambar A: Menurut sada legenda sian India, adong ma sahalak bawa na mambahen parau asa boi selamat sian banjir na balga. Dung koring aek i, dilehon ibana ma pelean jala ibana ma na gabe ama ni sude jolma
4. Peristiwa aha do na terjadi marratus taon dukkon Air Bah? Jala aha do hira-hira pengaruh ni i tu si Noak naung matua di tikki i? (it “Si Noak” ¶13-wcgr) B
Gambar B
Pikkirhon ma Aha Parsiajaranna
Aha do persamaan ni jaman ni si Noak tu jamanta saonari? (Mat. 24:36-39)
Aha do na boi taparsiajari sian si Noak taringot penting ni . . .
mambahen rencana na denggan? C
Gambar C
kerja keras? D
Gambar D
sifat sabar? E
Gambar E
Songon dia do caramuna maniru habaranion ni si Noak?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Noak molo nungnga dipahehe ibana?
Ida ma Muse on
Ida ma songon dia sahalak kepala keluarga berupaya maniru teladan ni si Noak.
Tiru ma Akka na Marhaporseaon, Dang na So Marhaporseaon—Si Noak, Dang Akka Tetanggana (2:57)
Urupi ma gellengmuna marsiajar sian si Noak.