Barani do Ibana Mangulahon Lomo ni Roha ni Debata

BERBEDA do si Henok sian akka halak na sajaman dohot ibana. Alani i, olo do ra merasa kesepian ibana. Di tikki i, holan si Henok do na ‘toktong mangihutton dalan ni Debata na sittong’. Boasa didok toktong do si Henok mangihutton dalan ni Debata? Songon dia do si Henok patuduhon habaranion di tikki i? Jala, songon dia do hita boi maniru ibana?

Si Henok, i ma generasi na papituhon keturunan ni si Adam dohot si Hawa. Tikki tubu si Henok, mangolu dope si Adam, alai nungnga matua hian ibana. (Ida garis waktu “Sian Jaman ni si Henok Sahat tu Jaman ni Akka Panguhum”.) Dung mangalo si Adam dohot si Hawa tu Debata, hampir sude do pinopparna dohot mangalo Debata. Holan si Abel do na porsea tu Debata, alai dibunu abangna si Kain do ibana. Akka pinoppar ni si Kain pe jahat do, bahkan unjahat sian si Kain. (1 Mus. 4:​23, 24) Alai lam tamba do muse hajahaton ni akka halak di jaman ni si Henok. Nang pe songon i, dipatudu si Henok do habaranion jala diihutton ibana do dalan ni Debata. Adong dua na diulahon si Henok. Na parjolo, dang olo ibana mangulahon na jahat songon akka halak di sekitarna. Toktong do ibana gabe parroha na dame. Alani i, gabe las ma roha ni Debata mangida ibana.

Marratus taon sebelum tubu dope si Henok, ‘mulai ma dijou akka jolma goar ni Jahowa’. (1 Mus. 4:26) Alai dang sittong cara ni nasida mamakke goar ni Jahowa i. Dipakke nasida do goarna i tikki mangulahon ibadat na so sittong. Alai molo si Henok, dang olo mangihutton nasida. Dipasangap ibana do goar ni Jahowa na badia i. I do alana berbeda ibana sian akka halak di tikki i.

Na paduahon, diulahon si Henok do paretta ni Jahowa. Ditugasson Jahowa do ibana gabe panurirang. Lao mangulahon i, ikkon barani do si Henok. Alana disuru Jahowa do ibana pasahatton barita panguhuman tu akka halak na jahat di tikki i. Songon on ma isi ni barita i, “Ida ma! Nungnga ro Jahowa rap dohot marpulu ribu suru-suruanna na badia lao manguhumi sude jolma. Hukumonna ma akka jolma na so pasangappon Debata alani pambahenan ni nasida na jahat dohot hata ni nasida na mangaleai Debata.”

Parrohahon ma barita na dipasahat si Henok i. Sian hatana i, hira naung ro do Jahowa lao manghukum akka halak na jahat i. On patuduhon, pasti terjadi do panguhuman i. Jala sian hata ni si Henok i, tarida ma na muruk situtu do Jahowa tu nasida. Alana jahat do nasida, dang pasangappon Debata, jala mangaleai Debata. Pasti muruk situtu do nasida tikki mambege hata ni si Henok. Alai toktong do barani si Henok pasahatton hata ni Jahowa tu nasida.

Memang, dang takkas dipaboa di Bibel songon dia tanggapan ni akka halak tikki mambege barita panguhuman i. Alai dung dipaboa si Henok hatana i, gabe terancam ma ngoluna. Boasa tadok songon i? Bibel mandok, “Dang adong be halak na hea mangida ibana, ai nungnga dibuat Debata ibana.” Aha do na terjadi di tikki i? Olo do ra gabe sogo hian roha ni akka halak tu si Henok jala dianiaya do ibana. Jadi, ala holong roha ni Jahowa tu si Henok, dibahen ma ale-alena i tarpodom di bagasan hamatean. Alani i, dang adong be na boi mambahen na jahat tu si Henok. Sai diingot Jahowa do si Henok, jala pasti dipahehe do ibana haduan.

Alai, adong do pasu-pasu na luar biasa na dilehon Jahowa tu si Henok. Didok di Bibel, “Andorang so dipapinda dope [si Henok], dipatuduhon Debata do na lomo rohana tu ibana.” Olo do ra dilehon Jahowa parnidaan tu si Henok taringot songon dia hangoluan di Paradeiso haduan. Jadi sebelum mate si Henok, pos do rohana na holong roha ni Jahowa tu ibana, jala nungnga dibahen ibana las roha ni Debata. Alana, torus do dipatudu si Henok habaranion dohot haporseaon na togu!

Jaha ma ceritana di:

• 1 Musa 5:​21-24

• Heber 11:5

• Judas 14, 15

Na lao dibahas:

Boha do cara ni si Henok patuduhon habaranion?

Bagas ma Parsiajari

1. 1. Aha do maksudna “mulai tikki i dijou akka jolma ma goar ni Jahowa”? (1 Mus. 4:26; w01 15/9 29 ¶3-wcgr)

   Alusmuna

2. 2. Tugas aha do na dilehon tu si Henok? Aha do na mangurupi ibana boi mangulahon tugas i? (w01 15/9 31 ¶5-wcgr)

   Alusmuna

3. 3. Diboto si Henok do na lao diuji habaranionna, bahkan sebelum dilehon Jahowa tugas gabe panurirang tu ibana. Boasa boi tadok songon i? (w06 1/10 19 ¶13-14-wcgr) A

   Alusmuna

   

4. 4. Boasa boi pos rohamuna dang diboan tu surgo si Henok? (Joh. 3:13; Heb. 11:​5, 13)

   Alusmuna

Pikkirhon ma Aha Parsiajaranna

• Tikki sadihari do tahilala maol hian marbarita jala porlu habaranion? Sian contoh ni si Henok, aha ma na boi mangurupi hita mangatasi i? B

  Alusmuna

  

• Boha do perasaan ni Jahowa molo barani hita mangulahon lomo ni rohana? (Poda 27:11; Heb. 11:5)

  Alusmuna

• Songon dia do caramuna maniru habaranion ni si Henok?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Henok molo nungnga dipahehe ibana?

  Alusmuna

Ida ma Muse on

Molo ikkon berurusan hita tu akka halak na jahat, songon dia do contoh ni si Henok boi mangurupi hita?

Tiru ma Akka na Marhaporseaon, Dang na So Marhaporseaon—Si Henok, Dang si Lamek (2:53)

Pikkirhon ma aha na mangurupi si Henok patoguhon haporseaonna.

“Mangihutton Dalan ni Debata Nang pe Mangolu di Portibi na Jahat” (w05 1/9 13-17-wcgr)