Aha do Parsiajaran na Tadapot sian Akka Borua na Disurat di Bibel?

Alus ni Bibel

Godang do kisah taringot akka borua na disurat di Bibel, jala boi do tadapot parsiajaran na arga sian i. (Rom 15:4; 2 Timoteus 3:16, 17) Di artikel on, dipaboa do saotik taringot piga-piga borua na disurat di Bibel. Godang do na gabe teladan tu hita, alai adong piga-piga na gabe sipasingot tu hita.—1 Korint 10:11; Heber 6:12.

Boru Sulam

Ise do boru Sulam? Anak boru na bagak do ibana, jala gabe tokoh utama di bukku Ende ni si Salomo na adong di Bibel. Dang dipaboa ise goarna di Bibel.

Aha do na diulahon ibana? Jatuh cinta do boru Sulam tu sahalak parmahan, jala setia do ibana tu bawa i. (Akka Ende sian si Salomo 2:16) Bagak hian do ibana. Alani bagakna, berupaya do Raja Salomo na mora mambahen asa cinta boru Sulam i tu ibana. (Akka Ende sian si Salomo 7:6) Nang pe sai dijujui akka halak asa dipillit boru Sulam i si Salomo, alai tetap do dang olo ibana. Holan parmahan na sederhana i do na dicintai ibana, jala setia do ibana tu bawa i.—Akka Ende sian si Salomo 3:5; 7:10; 8:6.

Aha do parsiajaranna? Nang pe bagak jala godang na marlomo ni roha tu ibana, dang gabe ginjang roha ni boru Sulam i. Godang do tekanan sian akka donganna, jala boi do nian gabe halak na mamora ibana jala terpandang. Alai dang muba holongna tu parmahan i. Boi do dikendalihon ibana perasaanna, jala toktong ias pangalahona.

Istri ni si Lot

Ise do istri ni si Lot? Dang dipaboa ise goarna di Bibel. Alai dipaboa do na adong dua boruna jala tinggal di Sodom do ibana dohot keluargana.—1 Musa 19:1, 15.

Aha do na diulahon ibana? Dang dioloi ibana paretta ni Debata. Nungnga dibahen Debata keputusan, naeng hancurhononna do Kota Sodom dohot akka kota di sekitarna ala jahat pangalaho ni nasida. Alai holong do roha ni Debata tu si Lot dohot tu keluargana. Alani i, disuru Debata do dua suru-suruan lao mamboan nasida tu inganan na aman.—1 Musa 18:20; 19:1, 12, 13.

Dipaboa akka suru-suruan i do tu keluarga ni si Lot asa lari nasida sian kota i jala unang mangida tu pudi asa unang mate nasida. (1 Musa 19:17) Alai, “diida istri ni si Lot i ma tu pudi, gabe batu sira ma ibana”.—1 Musa 19:26.

Aha do parsiajaranna? Kisah on patuduhon molo umholong rohatta tu arta, boi do i mambahen hita gabe dang mangoloi Debata. Dibahen Jesus do istri ni si Lot gabe contoh na so denggan. Didok ibana, “Ingot ma istri ni si Lot.”—Lukas 17:32.

Si Abigail

Ise do si Abigail? Istri ni si Nabal do ibana, i ma sahalak bawa na mora alai kasar. Halak na serep marroha jala marbisuk do si Abigail. Bagak do rupana jala holong do rohana tu Jahowa.—1 Samuel 25:3.

Aha do na diulahon ibana? Marbisuk do si Abigail ala dilindungi ibana keluargana dohot sude parkarejona sian bahaya. Tikki i gabe buronan do si Daud, i ma calon raja ni Israel, jala martabuni do ibana jonok tu inganan ni si Nabal. Dilindungi si Daud dohot akka tentarana do sude biru-biru ni si Nabal sian pangarampok. Alai tikki disuru si Daud piga-piga halak lao mangido saotik sipanganon sian si Nabal, dang olo si Nabal mangalehon jala kasar do hatana tu nasida. Gabe muruk hian ma si Daud! Lao ma si Daud dohot akka tentarana naeng mambunu si Nabal dohot sude bawa na adong di jabuna.—1 Samuel 25:10-12, 22.

Tikki dibege si Abigail aha naung diulahon suamina, pittor bertindak ma ibana. Disuru ibana do akka parkarejona mamboan sipanganon tu si Daud dohot akka tentarana. Dung i lao do ibana manjuppangi si Daud, jala mangido asa marasi ni roha si Daud tu nasida. (1 Samuel 25:14-19, 24-31) Diida si Daud do akka hadiah na dilehon si Abigail dohot serep ni rohana. Jala dibege ibana do muse nasehatna na marbisuk. Gabe disadari si Daud ma na dipakke Jahowa do si Abigail lao mangabbati ibana asa unang mambunu si Nabal dohot akka bawa na di jabuna. (1 Samuel 25:32, 33) Dang leleng dukkon i, mate ma si Nabal jala gabe istri ni si Daud ma si Abigail.—1 Samuel 25:37-41.

Aha do parsiajaranna? Nang pe bagak rupana jala mamora, alai dang ginjang roha ni si Abigail. Asa toktong mardame, olo do ibana minta maaf, nang pe dang ibana na sala. Tikki maol pe situasina, boi do ibana tetap tenang, barani, marbisuk, jala patuduhon serep ni roha.

▸ Lao mamboto gumodang hatorangan taringot si Abigail, jaha ma artikel “Marbisuk do Ibana”.

Si Debora

Ise do si Debora? Sahalak nabiah (panurirang borua) do ibana, na dipakke Jahowa lao paboahon lomo ni rohana tu halak Israel. Dipakke Jahowa do muse si Debora lao mangurupi halak Israel tikki adong parsoalan ni nasida.—Panguhum 4:4,5.

Aha do na diulahon ibana? Barani do Nabiah Debora mendukung akka naposo ni Jahowa. Marhite panogu-noguon ni Jahowa, dipangido si Debora ma si Barak asa mamimpin pasukan ni Israel mangalo halak Kanaan na menindas nasida. (Panguhum 4:6,7) Tikki dipangido si Barak tu si Debora asa dohot mandongani ibana, olo do si Debora lao jala dang mabiar.—Panguhum 4:8,9.

Dung dibahen Jahowa halak Israel monang, dibahen si Debora do ende hamonangan, jala rap marende do ibana dohot si Barak. Di ende i, dipaboa ibana do goar ni si Jael, sahalak borua na barani na dohot manaluhon halak Kanaan.—Panguhum, bindu 5.

Aha do parsiajaranna? Halak na rela berkorban jala barani do si Debora. Disemangati ibana do halak na asing asa mangulahon na sittong di adopan ni Jahowa. Jala tikki diulahon nasida i, las do rohana mamuji nasida.

▸ Lao mamboto gumodang hatorangan taringot si Debora, jaha ma artikel “Aku Bangkit Sebagai Ibu di Israel”.

Si Delila

Ise do si Delila? Ibana do borua na dicintai si Simson, sahalak hakim di Israel.—Panguhum 16:4,5.

Aha do na diulahon ibana? Tikki i, si Simson do na dipakke Jahowa lao paluahon halak Israel sian halak Palistim. Dang boi ditaluhon halak Palistim si Simson, ala massai gogo do ibana dibahen Jahowa. (Panguhum 13:5) Jadi dipangido akka pejabat ni Palistim ma bantuan ni si Delila. Olo do si Delila, dijalo ibana do hepeng sian nasida asa menghianati si Simson.

Dilehon halak Palistim ma hepeng tu si Delila lao mangalului aha na mambahen si Simson massai gogo. Dijalo si Delila do hepeng i, jala dung piga-piga hali dicoba ibana, marhasil do si Delila mamboto rahasia ni si Simson. (Panguhum 16:15-17) Dipaboa ibana ma i tu halak Palistim, dung i ditakkup nasida ma si Simson jala dipenjarahon.—Panguhum 16:18-21.

Aha do parsiajaranna? Gabe sipasingot ma si Delila tu hita. Halak na serakah jala egois do ibana. Ditipu jala dihianati ibana do naposo ni Jahowa.

Si Ester

Ise do si Ester? Halak Jahudi do ibana na dipillit Raja Ahasweros sian Persia lao gabe ratuna.

Aha do na diulahon ibana? Dipakke Ratu Ester do jabatanna lao melindungi bangsona asa unang dipamate. Dibege si Ester do adong keputusan resmi na paboahon, ikkon dipamate do sude halak Jahudi di harajaon ni Persia, jala nungnga ditottuhon arina. Si Haman, perdana menteri ni Persia do na mambahen rencana na jahat on. (Ester 3:13-15; 4:1,5) Diurupi sepupuna na margoar si Mordahai do si Ester lao paboahon rencana ni si Haman i tu Raja Ahasweros. Hape boi do gabe dipamate si Ester ala mangulahon i. (Ester 4:10-16; 7:1-10) Hasilna, gabe diloas Raja Ahasweros do si Ester dohot si Mordahai mambahen keputusan na baru, i ma paloasson halak Jahudi mambela diri ni nasida tikki diserang. Ujungna, ditaluhon halak Jahudi ma sude musu ni nasida.—Ester 8:5-11; 9:16, 17.

Aha do parsiajaranna? Gabe teladan do Ratu Ester tu hita ala serep rohana jala barani. (Psalmen 31:24; Pilippi 2:3) Nang pe bagak rupana jala timbo jabatanna, olo do ibana mangido nasehat dohot bantuan. Tikki makkatai tu suamina, sopan do ibana jala marbisuk, alai barani. Nang pe terancam do ngolu ni sude halak Jahudi di tikki i, alai dang mabiar si Ester paboahon na halak Jahudi ibana.

▸ Lao mamboto gumodang hatorangan taringot si Ester, jaha ma artikel “Diurupi do Naposo ni Debata Asa Malua” dohot “Marbisuk, Barani, jala Ndang Diharingkothon Dirina Sandiri”.

Si Hanna

Ise do si Hanna? Istri ni si Elkana jala omak ni si Samuel sahalak nabi na terkenal di Israel.—1 Samuel 1:1, 2, 4-7.

Aha do na diulahon ibana? Tikki dang adong dope gelleng ni si Hanna, martangiang do ibana asa diapuli Jahowa rohana. Asing ni si Hanna, adong muse istri ni si Elkana, goarna si Pininna. Adong do gelleng ni si Pininna, alai molo si Hanna dang adong gellengna, nang pe naung leleng ibana menikah. Sai direhei si Pininna do si Hanna asa jut rohana, alai martangiang do si Hanna tu Debata asa tarapul rohana. Marjanji do si Hanna molo dilehon Debata tu ibana sada anak, lehononna ma dakdanak i lao melayani di tabernakel, i ma kemah na boi dipapinda jala dipakke halak Israel lao beribadat tu Jahowa.—1 Samuel 1:11.

Dialusi Debata do tangiang ni si Hanna, jala tubu ma anakna na margoar si Samuel. Ditepati ibana do janjina i. Diboan ibana ma si Samuel tu tabernakel lao melayani disi, nang pe dakdanak dope si Samuel di tikki i. (1 Samuel 1:27, 28) Ganup taon, dibahen si Hanna do rompi na ganjang tu si Samuel. Di pudian ni ari, dipasu-pasu Debata do si Hanna. Dilehon do muse lima nai anak tu si Hanna, tolu bawa jala dua borua.—1 Samuel 2:18-21.

Aha do parsiajaranna? Ala martangiang si Hanna sian nasa rohana, gabe boi ma ibana margogo mangadopi sitaononna. Di tangiangna na disurat di 1 Samuel 2:1-10, mandok mauliate do ibana tu Debata. Sian hatana i tarida do na porsea situtu ibana tu Debata.

▸ Lao mamboto gumodang hatorangan taringot si Hanna, jaha ma artikel “Dipasahat do Sude na di Rohana tu Debata”.
▸ Lao mamboto boasa hea dipaloas Debata naposona mangulahon poligami, jaha ma artikel “Apakah Allah Menyetujui Poligami?”

Si Hawa

Ise do si Hawa? Ibana do borua na parjolo ditoppa Jahowa, jala ibana do borua na parjolo sahali dipaboa di Bibel.

Aha do na diulahon ibana? Dang dioloi ibana paretta na jelas na dilehon Jahowa. Songon si Adam, sempurna do si Hawa ditoppa Jahowa. Dilehon Jahowa do tu ibana kebebasan lao mamillit, jala boi maniru akka sifat ni Jahowa songon holong dohot bisuk. (1 Musa 1: 27) Nungnga dipaboa Jahowa tu si Adam, molo diallang nasida parbue ni hau na di tonga-tonga ni Taman Eden, mate ma nasida. Diboto si Hawa do i. Alai didok Sibolis do tu si Hawa dang na lao mate nasida, gariada gabe lam denggan do ngoluna molo dang dioloi Debata. Porsea do si Hawa tu gabus i. Diallang ibana ma parbue i jala dijujui ibana do suamina asa dohot mangallang i.—1 Musa 3:1-6; 1 Timoteus 2:14.

Aha do parsiajaranna? Marsiajar do hita aha bahayana molo torus tapikkirhon keinginan na sala. Takkas do diboto si Hawa paretta ni Jahowa, alai dang dioloi ibana i. Gariada, sengaja do ibana mangulahon keinginan na sala na adong di rohana.—1 Musa 3:6; 1 Johannes 2:16.

Si Izebel

Ise do si Izebel? Istri ni si Ahab raja ni Israel. Dang halak Israel si Izebel jala dang sisomba Jahowa. Alai Baal do na disomba ibana, i ma dewa ni halak Kanaan.

Aha do na diulahon ibana? Ratu na kasar jala kejam do si Izebel. Dipaksa ibana do na asing mangihutton lomo ni rohana. Dijujui ibana do akka halak asa manomba Baal, dohot mangulahon seks na so patut na gabe bagian sian ibadat tu Baal. Asing ni i, berupaya do ibana asa unang adong be na manomba Jahowa, Debata na sittong.—1 Raja-Raja 18:4, 13; 19:1-3.

Olo do ibana margabus dohot mambunu asal ma saut na dihalomohon rohana. (1 Raja-Raja 21:8-16) Songon naung dipaboa Debata, ujungna mate do si Izebel. Ngeri do parmatena, jala dang dikuburhon ibana.—1 Raja-Raja 21:23; 2 Raja-Raja 9:10, 32-37.

Aha do parsiajaranna? Contoh na so denggan do si Izebel. Dang hasea pangalahona, jala diulahon ibana do sude cara asa saut lomo ni rohana. Alani jahatna, gabe dipakke do goarna lao manggombarhon borua na so ubboto ila, na jahat, jala dang olo diatur.

Si Jael

Ise do si Jael? Istri ni si Heber do ibana. Dang halak Israel suamina i, alai barani do si Jael mambela naposo ni Debata.

Aha do na diulahon ibana? Tikki ro Sisera panglima ni tentara Kanaan tu kemah ni si Jael, dang ragu ibana lao bertindak. Tikki i, talu do Sisera di parporangan mangalo halak Israel, jala dilului ibana do inganan martabuni. Ditogihon si Jael ma asa masuk Sisera tu kemahna lao istirahat. Tikki modom Sisera, dipamate si Jael ma ibana.—Panguhum 4:17-21.

Tindakan ni si Jael i sesuai do tu nubuat na dipaboa si Debora na mandok, “Tu sahalak borua do dipasahat Jahowa Panglima Sisera.” (Panguhum 4:9) Dipuji ma si Jael alani tindakanna i. Didok, “Unggodang do pasu-pasu jaloonna sian akka borua.”—Panguhum 5:24.

Aha do parsiajaranna? Barani do si Jael bertindak lao mangurupi naposo ni Debata. Pengalaman ni si Jael patuduhon boi do diulahon Jahowa manang aha pe asa saut sakkapna.

Si Lea

Ise do si Lea? Ibana do istri pertama ni si Jakkob, ompu ni bangso Israel. Adekna si Rahel pe gabe istri ni si Jakkob do.—1 Musa 29:20-29.

Aha do na diulahon ibana? Ditubuhon ibana do onom anak di si Jakkob. (Rut 4:11) Sasittongna, naeng tu si Rahel do si Jakkob menikah, dang tu si Lea. Alai diatur bapak ni si Lea, i ma si Laban, asa si Lea na manggattihon si Rahel menikah tu si Jakkob. Tikki diboto si Jakkob naung ditipu si Laban ibana, muruk ma ibana tu si Laban. Didok si Laban, dang somal di inganan ni nasida parjolo muli sianggian sian siakkangan. Saminggu dukkon i, menikah ma si Jakkob tu si Rahel.—1 Musa 29:26-28.

Umholong do roha ni si Jakkob tu si Rahel sian tu si Lea. (1 Musa 29:30) Gabe cemburu ma si Lea, gabe bersaing do ibana dohot adekna asa boi dicintai si Jakkob. Alai diattusi Debata do perasaan ni si Lea, jala dipasu-pasu do ibana. Dilehon do pitu anak tu si Lea, onom bawa jala sada borua.—1 Musa 29:31.

Aha do parsiajaranna? Torus do si Lea mangandalhon Jahowa marhite tangiang. Jala nang pe adong masalah di keluargana, diboto si Lea do na sai diurupi Debata ibana. (1 Musa 29:32-35; 30:20) Sian kisah ni si Lea taboto ma, gabe susa do anggota keluarga alani poligami. Memang di tikki i dipaloas Debata do naposona mangulahon poligami. Alai sasittongna nungnga dipaboa Debata hian, ikkon sada do istri ni sahalak bawa jala songon i ma sebalikna.—Mateus 19:4-6.

▸ Lao mamboto gumodang hatorangan taringot si Lea, jaha ma artikel “Kakak-Beradik yang Merana yang ‘Membangun Keturunan Israel’”
▸ Lao mamboto boasa hea dipaloas Debata naposona mangulahon poligami, jaha ma artikel “Apakah Allah Menyetujui Poligami?”

Si Maria (adek ni si Marta dohot ito ni si Lasarus)

Si Maria (adek ni si Marta jala ito ni si Lasarus)

Ise do si Maria? Ito ni si Lasarus do ibana, jala adek ni si Marta. Sahabat ni Jesus do nasida.

Aha do na diulahon ibana? Jotjot do didok si Maria molo Jesus i Anak ni Debata. Porsea do ibana na boi do Jesus pahehehon itona si Lasarus. Jala diida ibana do tikki dipahehe Jesus si Lasarus. Hea do dipasingot si Marta ibana, ala unlomo rohana manangihon Jesus sian mangurupi kakakna mangulahon akka karejo di jabu. Alai dipuji Jesus do si Maria, ala dibahen ibana parale-aleonna tu Debata gabe na uppetting di ngoluna.—Lukas 10:38-42.

Di sada tikki, dipatudu si Maria do kemurahan hati na luar biasa tu Jesus. Diusehon ibana do “miak na angur jala na arga situtu” tu ulu dohot tu pat ni Jesus. (Mateus 26: 6, 7) Didok akka halak, na pahabis-habisson hepeng do si Maria. Alai dibela Jesus do ibana. Didok Jesus ma, “Manang didia pe barita na uli [taringot Harajaon ni Debata] dibaritahon di liat portibi on, dibaritahon do tong na binahen ni borua on lao gabe parningotan di ibana.”—Mateus 24:14; 26:8-13.

Aha do parsiajaranna? Torus do si Maria patoguhon haporseaonna. Dibahen ibana do parale-aleonna tu Debata gabe na uppetting di ngoluna. Ala serep rohana, rela do ibana habis hepengna lao patuduhon na massai diargai ibana do Jesus.

Si Maria (omak ni Jesus)

Ise do si Maria? Sahalak borua Jahudi do ibana. Marhite mukjizat, ditubuhon ibana ma Jesus, i ma Anak ni Debata. Hape di tikki i dang hea dope ibana mangulahon seks dohot bawa.

Aha do na diulahon ibana? Serep do roha ni si Maria mangulahon lomo ni roha ni Debata. Sada tikki, ro ma sada suru-suruan manjuppangi ibana. Didok suru-suruan i, na lao hamil ma si Maria jala manubuhon Messias naung leleng dipaima akka halak. Di tikki i, nungnga martunangan si Maria dohot si Josep. (Lukas 1:26-33) Alai olo do ibana manjalo tugas i. Dung tubu Jesus, ditubuhon si Maria do muse opat bawa dohot dua boru sian si Josep. Jadi, dang torus si Maria gabe sahalak perawan. (Mateus 13:55, 56) Nang pe mandapot tugas na luar biasa ibana, dang hea ibana mangido asa dipuji manang dipasangap. Tarida do i saleleng pelayanan ni Jesus manang tikki gabe anggota ni huria Kristen si Maria.

Aha do parsiajaranna? Togu do haporseaon ni si Maria, jala olo do ibana mangulahon tanggung jawab na balga. Asing ni i, sian hatana na disurat di Lukas 1:46-55, boi do dikutip ibana hira-hira 20 ayat. Tarida ma, godang do na diboto ibana taringot Surat na Badia.

▸ Lao mamboto gumodang hatorangan taringot si Maria, jaha ma artikel “Hal-Hal yang Dapat Dipelajari dari Teladan Maria”.

Si Maria Magdalena

Ise do si Maria Magdalena? Sahalak sisean ni Jesus na setia do ibana.

Aha do na diulahon ibana? Si Maria Magdalena do sada sian akka borua na rap marbarita dohot Jesus dohot akka siseanna. Murah hati do ibana, olo do ibana mamakke hepengna lao paradehon akka na porlu tu nasida. (Lukas 8:1-3) Toktong do diihutton si Maria Jesus sahat tu ujung ni pelayananna. Jala tikki dipakkuhon Jesus di hau, toktong do si Maria disi. Dung dipahehe Jesus, dapot ni si Maria ma hasangapon gabe sada sian akka halak na parjolo sahali pajuppang dohot Jesus.—Johannes 20:11-18.

Aha do parsiajaranna? Murah hati do si Maria Magdalena. Didukung ibana do pelayanan ni Jesus jala toktong gabe siseanna na setia.

Si Marta

Ise do si Marta? Kakak ni si Lasarus dohot si Maria do ibana. Jala tinggal di Betania do nasida, i ma sada huta di jonok ni Jerusalem.

Aha do na diulahon ibana? Marale-ale do si Marta dohot Jesus. Bibel mandok, “Holong do roha ni Jesus tu si Marta, tu si Maria, dohot tu si Lasarus.” (Johannes 11:5) Las do roha ni si Marta mangundang akka halak tu jabuna. Sada tikki dikunjungi Jesus ma nasida. Unlomo do roha ni si Maria lao manangihon Jesus. Alai sibuk do si Marta paradehon sipanganon dohot akka na asing. Gabe marungut-ungut ma si Marta tu Jesus ala dang diurupi si Maria ibana. Alai lambok do cara ni Jesus pasingotton si Marta.—Lukas 10:38-42

Tikki marsahit si Lasarus, dipangido si Marta dohot si Maria do asa ro Jesus. Porsea do nasida na boi do Jesus pamaluppon itona i. (Johannes 11:3, 21) Alai mate do si Lasarus. Sian hata ni si Marta tu Jesus, tarida ma na pos situtu do rohana tu janji ni Debata taringot haheheon. Jala pos do rohana na boi do Jesus pahehehon itona i.—Johannes 11:20-27.

Aha do parsiajaranna? Halak na ringgas do si Marta, jala las do rohana mangundang akka halak tu jabuna. Olo do ibana manjalo nasehat. Jala terus terang do ibana paboahon perasaanna dohot haporseaonna.

▸ Lao mamboto gumodang hatorangan taringot si Marta, jaha ma artikel “Porsea do Ahu”.

Si Miryam

Ise do si Miryam? Kakak ni si Musa dohot si Aron do ibana. Ibana ma sahalak nabiah na parjolo sahali dipaboa di Bibel.

Aha do na diulahon ibana? Ala sahalak nabiah do si Miryam, ikkon dipaboa ibana do barita sian Debata tu akka halak. Halak na sangap do si Miryam di Israel. Jala dohot do ibana mangendehon ende hamonangan dung dipamate Jahowa tentara ni Mesir di Laut Merah.—2 Musa 15:1, 20, 21.

Di sada tikki, dikritik si Miryam dohot si Aron ma si Musa. Olo do ra dibahen nasida pe songon i ala ginjang rohana jala cemburu. Alai “dibege” Jahowa do hata ni nasida i, jala dipissang ma nasida na dua. (4 Musa 12:1-9) Ala si Miryam do ra na parjolo sahali mangkritik si Musa, dibahen Jahowa ma ibana hona kusta. Alai dipangido si Musa do tu Jahowa asa diampuni jala dipamalum si Miryam. Dioloi Jahowa do pangidoanna i. Dikarantina ma si Miryam saleleng pitu ari. Dung i, boi ma ibana mulak tu perkemahan ni Israel.—4 Musa 12:10-15.

Didok di Bibel, olo do si Miryam manjalo sipasingot. Marratus taon dukkon i, tikki paingotton halak Israel, dipaboa Debata do taringot tugas ni si Miryam. Didok Ibana, “Husuru do tu hamu si Musa, si Aron, dohot si Miryam.”—Mika 6:4.

Aha do parsiajaranna? Kisah ni si Miryam patuduhon, diparrohahon Jahowa do aha na dihatahon akka naposona taringot donganna. Marsiajar do muse hita, ikkon tapasiding do ginjang ni roha dohot cemburu asa boi mambahen las roha ni Jahowa. Alana molo songon i sifatta, olo do gabe tadokkon hata na mambahen hancur reputasi ni halak na asing.

Si Rahab

Ise do si Rahab? Sahalak pelacur do ibana jala tinggal di Jeriko, kota ni halak Kanaan. Di pudian ni ari, manomba Debata Jahowa do ibana.

Aha do na diulahon ibana? Ditabunihon si Rahab do dua halak Israel na gabe mata-mata tu Kanaan. Olo do ibana mangulahon i, ala nungnga dibege ibana songon dia Jahowa, Debata ni halak Israel paluahon naposona sian Mesir dohot sian serangan ni halak Amori.

Dipangido si Rahab do tu mata-mata i asa diselamatton ibana dohot keluargana tikki ro halak Israel manghancurhon Kota Jeriko. Setuju do mata-mata na dua i, alai adong syaratna: Dang boi dipaboa si Rahab tu manang ise pe taringot dua mata-mata i. Tikki ro halak Israel menyerang kota i, ikkon tetap do di jabu si Rahab dohot keluargana. Jala ikkon diikkat si Rahab do tali na merah tu jandela lao gabe tanda. Diulahon si Rahab do sudena i. Gabe selamat ma si Rahab dohot keluargana tikki ro halak Israel manaluhon Kota Jeriko.

Di pudian ni ari, menikah ma ibana dohot halak Israel, jala gabe ompu ni Raja Daud dohot Jesus Kristus ma ibana.—Josua 2:1-24; 6:25; Mateus 1:5, 6, 16.

Aha do parsiajaranna? Bibel patuduhon, togu do haporseaon ni si Rahab jala gabe sitiruon do ibana tu hita. (Heber 11:30, 31; Jakobus 2:25) Sian kisah ni si Rahab, boi ma taida na lomo do roha ni Jahowa mengampuni jala dang dibeda-bedahon ibana akka halak. Dipasu-pasu Ibana do manang ise pe na porsea tu Ibana, dang soal aha latar belakang ni nasida.

▸ Lao mamboto gumodang hatorangan taringot si Rahab, jaha ma artikel “Ia ‘Dinyatakan Adil-Benar Melalui Perbuatan’”.

Si Rahel

Ise do si Rahel? Boru ni si Laban do ibana, jala istri na dicintai si Jakkob, ompu ni halak Israel.

Aha do na diulahon ibana? Menikah ma si Rahel tu si Jakkob, jala ditubuhon ibana do dua anak, na di pudian ni ari termasuk sian 12 pamimpin ni marga ni Israel. Parjolo sahali si Rahel pajuppang dohot si Jakkob, i ma tikki ibana mangurus biru-biru ni bapakna. (1 Musa 29:9, 10) ‘Massai bagak’ do si Rahel molo dibandingkon tu kakakna, si Lea.—1 Musa 29:17.

Jatuh cinta do si Jakkob tu si Rahel, jala setuju do ibana karejo tu si Laban saleleng pitu taon asa boi menikah tu si Rahel. (1 Musa 29:18) Alai ala ditipu si Laban si Jakkob, gabe menikah ma ibana tu si Lea. Dung i pe asa dipaloas si Jakkob menikah tu si Rahel.—1 Musa 29:25-27.

Umholong do roha ni si Jakkob tu si Rahel dohot tu dua anak na ditubuhon si Rahel, dibandingkon tu si Lea dohot akka anakna. (1 Musa 37:3; 44:20, 27-29) Akibatna, gabe torus ma nasida bersaing.—1 Musa 29:30; 30:1, 15.

Aha do parsiajaranna? Nang pe maol situasi di keluargana, sabar do si Rahel jala toktong do pos rohana ditangihon Debata tangiangna. (1 Musa 30:22-24) Kisah ni si Rahel patuduhon, gabe susa do anggota keluarga alani poligami. Jala marsiajar do hita, massai denggan do pengaturan na dibahen Debata taringot perkawinan, i ma ikkon sada do istri ni sahalak bawa.—Mateus 19:4-6.

▸ Lao mamboto gumodang hatorangan taringot si Rahel, jaha ma artikel “Kakak-Beradik yang Merana yang ‘Membangun Keturunan Israel’”.
▸ Lao mamboto boasa hea dipaloas Debata naposona mangulahon poligami, jaha ma artikel “Apakah Allah Menyetujui Poligami?”

Si Rebekka

Ise do si Rebekka? Istri ni si Isak do ibana, jala adong dua anak kembarna, i ma si Jakkob dohot si Esau.

Aha do na diulahon ibana? Diulahon si Rebekka do lomo ni roha ni Jahowa, nang pe dang mura mangulahon i. Tikki manimba aek si Rebekka di sumur, adong ma sahalak bawa na mangido aek lao inumonna. Pittor dilehon si Rebekka ma aek i tu bawa i, jala didok si Rebekka do muse asa ditimba ibana aek lao inumon ni akka unta ni bawa i. (1 Musa 24:15-20) Pelayan ni si Abraham do bawa i, jala sian inganan na dao do ibana ro lao mangalului istri tu si Isak, anak ni si Abraham. (1 Musa 24:2-4) Sebelumna, martangiang do pelayan ni si Abraham i tu Debata asa diurupi. Tikki diida ibana halak na ringgas jala na murah hati si Rebekka, gabe disadari ibana ma nungnga dialusi Debata tangiangna. Si Rebekka do na dipillit Debata lao gabe istri ni si Isak.—1 Musa 24:10-14, 21, 27.

Tikki diboto si Rebekka tujuan ni bawa i ro, olo do ibana lao dohot bawa i jala gabe istri ni si Isak. (1 Musa 24:57-59) Dung i, ditubuhon ibana ma dua anak kembar. Dipaboa Debata do tu si Rebekka, na lao gabe hatoban ni si Jakkob do si Esau. Hape si Esau do siakkangan. (1 Musa 25:23) Tikki naeng dilehon si Isak pasu-pasu tu si Esau, pittor bertindak do si Rebekka asa si Jakkob na mandapot pasu-pasu i. Alana diboto si Rebekka, i do na dihalomohon Jahowa.—1 Musa 27:1-17.

Aha do parsiajaranna? Halak na serep roha do si Rebekka, ringgas do ibana jala murah hati. Akka sifat on ma na mambahen ibana gabe istri dohot omak na burju, jala gabe naposo ni Debata na setia.

▸ Lao mamboto gumodang hatorangan taringot si Rebekka, jaha ma artikel “Laho pe Ahu”.

Si Rut

Ise do si Rut? Halak Moab do ibana. Olo do ibana manadikkon debatana dohot hutana asa boi manomba Jahowa di Israel.

Aha do na diulahon ibana? Massai holong do roha ni si Rut tu simatuana, i ma si Naomi. Najolo, pinda do si Naomi raphon suamina dohot dua anakna tu Moab ala terjadi kelaparan di Israel. Di pudian ni ari, menikah ma dua anakna i tu halak Moab, i ma si Rut dohot si Orpa. Alai ujungna, mate do suami dohot dua anak ni si Naomi i. Gabe janda ma si Naomi, si Rut, dohot si Orpa.

Ala dang masa be kelaparan di Israel, gabe naeng mulak ma si Naomi tusi. Lomo do roha ni si Rut dohot si Orpa mandongani simatuana i. Alai disuru si Naomi do nasida mulak tu keluargana. Gabe mulak ma si Orpa. (Rut 1:1-6, 15) Alai setia do molo si Rut. Toktong do didongani ibana simatuana i. Holong do rohana tu si Naomi, jala lomo rohana manomba Jahowa, Debata na disomba si Naomi.—Rut 1:16, 17; 2:11.

Sahat ma si Rut dohot si Naomi di Betlehem, huta ni si Naomi. Lam leleng, ditanda ma si Rut parumaen na burju jala na ringgas. Adong sahalak bawa na mora na margoar si Boas. Las do rohana mangida si Rut, jala dipatudu ibana do burju ni roha tu si Rut dohot tu si Naomi. Diparade ibana do sipanganon tu nasida. (Rut 2:5-7, 20) Di pudian ni ari, menikah ma si Rut tu si Boas, jala gabe ompu ni Raja Daud dohot Jesus Kristus do ibana.—Mateus 1:5, 6, 16.

Aha do parsiajaranna? Olo do si Rut maninggalhon huta dohot keluargana ala holong rohana tu si Naomi dohot tu Jahowa. Ringgas jala setia do ibana tu si Naomi, nang pe borat sitaononna.

▸ Lao mamboto gumodang hatorangan taringot si Rut, jaha ma artikel “Tu dia pe Ho Laho, Tusi do Ahu Laho” dohot “Boruboru Parroha na Denggan”.

Si Sara

Ise do si Sara? Istri ni si Abraham jala omak ni si Isak do ibana.

Aha do na diulahon ibana? Tinggal di kota na makmur do si Sara, i ma di Kota Ur. Tabo do ngoluna disi. Sada tikki, disuru Debata do si Abraham pinda tu Kanaan. Ra, nga 60 taon lobi umur ni si Sara tikki i. Marjanji do Debata lao pasu-pasuonna si Abraham, jala bahenonna ma keturunan ni si Abraham gabe bangso na balga. (1 Musa 12:1-5) Ala porsea tu janji ni Debata, olo do si Sara maninggalhon Kota Ur. Mulai sian i, tinggal di kemah ma ibana dohot suamina jala marpinda-pinda sian sada inganan tu inganan na asing.

Ala marpinda-pinda nasida, godang do bahaya na ikkon dihadapi si Sara. Alai tung pe songon i, sai didukung ibana do si Abraham asa mangihutton petunjuk sian Debata. (1 Musa 12:10, 15) Saleleng martaon-taon, dang adong gelleng ni si Sara. Gabe lungun do rohana. Alai nungnga marjanji Debata lao pasu-pasuonna keturunan ni si Abraham. (1 Musa 12:7; 13:15; 15:18; 16:1, 2, 15) Di pudian ni ari marjanji do Debata, lao tubuhonon ni si Sara do anak di si Abraham. Hamil ma si Sara jala ditubuhon ma sada anak na margoar si Isak. Hape nungnga marumur 90 taon ibana, jala suamina marumur 100 taon. Sasittongna, dang mungkin boi be ibana manubuhon anak ala nungnga matua.—1 Musa 17:17; 21:2-5.

Aha do parsiajaranna? Sian teladan ni si Sara taboto ma, sai boi do tahaporseai janji ni Debata, tung pe hira na so mungkin i terjadi. (Heber 11:11) Teladan ni si Sara pe patuduhon na massai penting do direspek istri suamina.—1 Petrus 3:5, 6.