SUKKUN-SUKKUN NI AKKA NA POSO
Boha do Molo Adong na Mambully Au di Internet?
Na porlu botoonmuna
Internet boi do mambahen halak mura di bully. Di bukku CyberSafe didok, “Di internet boi do halak na burju gabe kejam, alana dang tarida bohi ni nasida.”
Adong do piga-piga tipe ni halak na jotjot dibully. Termasuk ma halak na tertutup, na dianggap berbeda, jala dang percaya diri.
Serius do dampak ni dibully di media sosial. Boi do on mambahen sasahalak gabe stres jala kesepian. Bahkan adong do na sappe bunu diri.
Na boi diulahon hamu
Na parjolo, coba ma sukkun tu dirim, ‘Na dibully do au?’ Sipata adong do piga-piga halak na so sengaja mandok hata na mambahen haccit roha. Tikki masa sisongon i, ihutton ma aha na didok Bibel:
“Unang ma mura-mura haccit roham. Ai halak na oto do molo mura-mura haccit rohana.”—Parjamita 7:9.
Molo adong sasahalak na mandok hata na kasar, menghina, jala mangancam halak na asing di internet, na mambully do ibana disi.
Molo dibully hamu di internet, ingot ma: Reaksi na dipatudu ho, boi do mambahen situasina lam denggan manang lam parah. Coba ma ulahon akka saran na di toru on.
Unang ma tanggapi na mambully i. Didok di Bibel, “Manat do halak na malo mandok hatana, jala hohom do halak na marbisuk.”—Poda 17:27.
Denggan do saran on. Didok si Nancy Willard di bukkuna na marjudul Cyberbullying and Cyberthreats, “Lomo do roha ni halak na mambully i asa muruk halak na dibully i. Molo muruk ibana, berarti na berhasil do na mambully i.”
Intina: Unang ma tanggapi na mambully i.
Unang ma balos. Didok di Bibel, “Unang ma balos hamu na jahat dohot na jahat manang issak-issak dohot issak-issak.”—1 Petrus 3:9.
Denggan do saran on. Bukku Cyber-Safe Kids, Cyber-Savvy Teens mandok, “Molo muruk ho tikki dibully, berarti halak na lemah do ho. Jala tamba dibully do ho annon.” Alai molo di balas ho, na mambully do ho disi.
Intina: Unang siram bensin tu api.
Bahen ma tindakan. Didok di Bibel, “Unang ma olo ho ditaluhon na jahat.” (Rom 12:21) Adong do na boi diulahon ho asa unang dibully be ho, jala asa unang tamba parah situasina.
Contohna:
Blokir ma nomor ni halak na mambully hamu. Bukku Mean Behind the Screen mandok, “Molo dang dijaha ho i, gabe dang haccit roham.”
Nang pe dang dijaha ho i, alai sippan ma akka buktina, termasuk ma i pesan singkat, e-mail, artikel manang poto di media sosial, pesan soara na marisi akka hata na kasar, manang akka na asing.
Dokkon ma tu na mambully i asa unang diulahon be songon i. Boi do dikirim hamu pesan na tegas, alai unang hira na muruk hamu. Contohna:
“Unang be dikirimi ho pesan tu au.”
“Hapus sude akka postinganmi.”
“Molo torus dibahen ho songon i, hulaporhon ho annon.”
Ikkon percaya diri do hamu. Fokus ma hamu tu akka na denggan na adong di hamu, unang tu kelemahanmuna. (2 Korint 11:6) Sarupa songon halak na mambully secara langsung, akka na mambully di media sosial pe sai dilului do akka halak na lemah.
Ceritahon ma i tu halak naung dewasa. Parjolo, ceritahon ma i tu natua-tuamuna. Boi do tong dilaporhon hamu na mambully i tu situs web manang media sosial na dipakke lao mambully. Molo parah situasina, boi do hamu dohot natua-tuamuna melaporhon i tu guru di sikkola, polisi, manang, marhite jalur hukum.
Intina: Adong do piga-piga cara na boi diulahon hamu asa unang dibully, manang asa unang lam parah dampakna tu hamu.