SUKKUN-SUKKUN NI AKKA NA POSO
Songon dia do Carana asa Boi Hukendalihon Perasaanku?
“Sadari on boi do las rohakku, alai marsogot olo do lungun hian rohakku. Masalah na mura huatasi nattoari, boi do gabe maol huatasi sadari on.”—Si Carissa.
Jotjot do dang stabil perasaanmu songon dalan na so rata?a Molo ido, artikel on boi do mangurupi ho!
Boasa boi masa i
Tikki masa puber, wajar do molo dang stabil perasaan ni sasahalak. Nang pe denggan masa remajam, olo dope muba-uba perasaanmu. Jala i boi do mambahen ho gabe bingung.
Molo bingung ho ala jotjot muba-uba perasaanmu, ingot ma, alani perubahan hormon do umbahen na songon i dihilala ho. Olo do tong gabe khawatir ho jala dang tenang. Alai ikkon dialami ho do i asa boi gabe halak na dewasa. Nang pe songon i, boi do diattusi ho perasaanmi jala boi do i dikendalihon ho.
Na sasittongna: Massai penting do molo marsiajar ho mengendalihon perasaanmu mulai sian na poso dope ho. Alana, boi do i mangurupi ho lao menghadapi akka masalah molo dung dewasa ho.
Perasaan negatif sarupa ma i songon lubang na adong di dalan. Boi do dihindari ho lubang i molo diboto songon dia carana. Alani i gabe boi ma lancar pardalananmu
Tolu cara na boi diulahon ho
Cerita ma tu na asing. Didok di Bibel, “Sai dipatudu ale-ale do holong ni roha jala songon haha anggi do i tikki masa sitaonon.”—Poda 17:17.
“Adong sahalak donganta naung dianggap hami songon tantenami sandiri. Tikki cerita au tu ibana, denggan do ditangihon ibana au. Gabe boi ma huceritahon tu ibana sude na adong di rohakku. Molo sittong cara marpikkirhu, dipuji ibana do au. Alai molo sala au, berupaya do ibana denggan lao pasingotton au.”—Si Yolanda.
Tips: Unang ma holan tu dongan sebayam ho cerita, alana olo do ra sarupa ibana dohot ho, dang so stabil dope perasaanna. Dumenggan do molo cerita ho tu natua-tuam manang tu halak naung dewasa na boi dihaporseai ho.
Surat ma taringot perasaanmu. Dipaboa do di Bibel, si Job pe hea do marsak hian rohana. Didok si Job, “Morong-orong nama au. Paboaokku nama na ponjot di rohakku!” (Job 10:1) Asing ni cerita tu halak na asing, boi do tong disurat ho taringot perasaanmi.
“Manang tudia pe au lao, sai huboan do bukku catatan na gelleng. Molo adong na mambahen lungun rohakku, pittor husurat do i. Molo di au, sarupa songon terapi na denggan do manurat.”—Si Iliana.
Tips: Denggan do molo adong dibahen ho sada bukku khusus lao manurat taringot perasaanmu, aha na mambahen songon i perasaanmu, jala songon dia caram lao mangatasi i. Boi do dipakke ho lembar kegiatan na adong di artikel on.
Martangiang ma. Didok di Bibel, “Pasahat ma holso ni roham tu Jahowa, sai urupanna do ho. Dang pasombuonna madabu halak na tigor marroha.”—Psalmen 55:22.
“Tikki lungun hian rohakku, pittor martangiang do au tu Jahowa. Dung hupaboa sude na di rohakku tu Jahowa, gabe lubbang ma pakkilalaakku.”—Si Jasmine.
Tips: Tikki lungun roham, coba ma pikkirhon tolu na mambahen ho marlas ni roha. Tikki martangiang tu Jahowa, unang ma holan mangido bantuan, alai mandok mauliate ma ho tu sude pasu-pasu naung dilehon Jahowa tu ho.
a Artikel on mambahas taringot perasaan na jotjot dihilala akka na poso. Molo menderita gangguan bipolar ho manang jenis depresi na asing, ida ma artikel “Songon dia do Carana Mangatasi Depresi?”