SUKKUN-SUKKUN NI AKKA NA POSO
Songon dia do Carana asa Unang Torus Lungun Roham Dukkon Putus Cinta?
Didok si Steven, “Dung putus au sian hallettu, hancur hian do perasaanku. Dang hea dope songon on lungun ni rohakku.”
Hea do dihilala ho songon i? Molo hea, cocok hian ma artikel on tu ho.
Perasaanmu tikki putus cinta
Molo putus ho sian halletmu, pasti lungun do rohamuna na dua.
Molo ho do na mangido putus, ra sarupa ma perasaanmu songon si Jasmine na mandok, “Huboto do nungnga haccit hubahen roha ni halak na hea huhaholongi. Gabe beban do i di au. Dang olo au masa muse sisongon on.”
Godang halak mandok, tikki diputusson halletta hita, hira na mate ma halak na tahaholongi. Sahalak anak boru na margoar si Janet mandok, “Songon perasaan ni halak na berduka do na huhilala. Di mulana, dang boi huterima i. Muruk hian do au, berupaya do au asa boi denggan muse hubungannami, jala lungun do rohakku. Dukkon sataon pe asa boi huterima i.”
Intina: Tikki putus cinta, olo do gabe lungun roham manang putus asa. Sahalak panurat ni Bibel mandok, “Moru do gogo molo marsak roha.”—Poda 17:22.
Na boi diulahon ho
Paboa ma tu halak naung dewasa na boi dihaporseai ho. Didok di Bibel, “Sai dipatudu ale-ale do holong ni roha jala songon haha anggi do i tikki masa sitaonon.” (Poda 17:17) Molo diceritahon ho i tu natua-tuam manang tu halak naung dewasa na boi dihaporseai ho, boi ma dilehon nasida tu ho saran asa boi denggan diattusi ho masalahmi.
“Saleleng marbulan-bulan, dang olo au bergaul jala dang olo au paboahon taringot situasikku tu manang ise pe. Hape sebenarna, boi do akka dongan mangurupi asa unang sai torus lungun roha. Dung huceritahon tu nasida, gabe lubbang ma pakkilalaanku.”—Si Janet.
Marsiajar ma sian aha na terjadi. Didok di Bibel, “Marsitutu ma ho asa marbisuk jala asa manat ho marpikkir.” (Poda 4:5) Molo hea adong situasi na mambahen hita kecewa, boi do i mangurupi hita asa lam tatanda diritta jala gabe taboto ma songon dia carana mangatasi molo adong muse na mambahen hita kecewa.
“Dung putus au sian hallettu, disukkun donganku ma tu au, ‘Aha ma na boi diparsiajari ho sian hubunganmu sebelumna, na boi mangurupi ho molo adong muse haduan halletmu?’ ”—Si Steven.
Martangiang ma. Didok di Bibel, “Pasahat ma holso ni roham tu Jahowa, sai urupanna do ho.” (Psalmen 55:22) Tangiang boi do mangurupi ho asa unang sai lungun be roham dukkon putus jala mangurupi asa lam denggan cara pandangmu.
“Toktong ma ho martangiang. Ubbotoan do Jahowa tu lungun ni roha dohot situasitta, sian apala hita sandiri.”—Si Marcia.
Urupi ma na asing. Didok di Bibel, “Unang ma holan mamparrohahon na porlu di hamu, alai parrohahon ma na porlu di na asing.” (Pilippi 2:4) Lam jotjot ho mangurupi na asing, lam hatop do tarapul roham jala boi ma lam denggan cara pandangmu.
“Tikki putus cinta hita haccit hian do pakkilalaatta, umhaccit do i sian tikki marsahit hita. Alai lam leleng boi do lam denggan pakkilalaatta. Memang butuh waktu do asa boi denggan muse perasaanta.”—Si Evelyn.