Aha do na Didok Bibel Taringot Minuman Beralkohol? Mardosa do Au Molo Huinum i?
Na didok Bibel
Molo taboto do batasna, dang mardosa hita molo tainum minuman na beralkohol. Didok di Bibel, silehon-lehon sian Debata do minuman anggur i jala boi mambahen las rohatta. (Psalmen 104:14, 15; Parjamita 3:13; 9:7) Didok do muse di Bibel molo minuman anggur i bermanfaat tu kesehatan.—1 Timoteus 5:23.
Tikki di tano on dope Jesus, diinum ibana do anggur. (Mateus 26:29; Lukas 7:34) Bahkan hea do dibahen Jesus aek gabe anggur. Dibahen ibana do i gabe hadiah di sada pesta pernikahan. On ma sada sian akka mukjizat na terkenal na dibahen Jesus.—Johannes 2:1-10.
Aha do bahayana molo pagodangku minum?
Memang, didok do di Bibel molo minuman anggur i bermanfaat. Alai dipaboa do muse di Bibel, dang lomo roha ni Debata mangida halak na pagodangku minum minuman na beralkohol dohot na minum sappe mabuk. Jadi molo adong halak Kristen na naeng minum minuman na beralkohol, ikkon secukupna do i diinum ibana. (1 Timoteus 3:8; Titus 2:2, 3) Dipaboa do di Bibel piga-piga bahaya molo pagodangku sasahalak minum.
Boi do i mambahen gabe dang denggan marpikkir, jala dang boi mambahen keputusan na denggan. (Poda 23:29-35) Halak na mabuk pasti dang boi mangulahon paretta ni Debata na mandok, “Pelehon hamu ma dirimuna gabe pelean na mangolu, na badia, jala na palasson roha ni Debata. Marhobas ma hamu tu Ibana sian nasa pikkiranmuna.”—Rom 12:1.
Halak na pagodangku minum dang boi mengendalihon diri jala dang boi “mangulahon na sittong”.—Hosea 4:11; Epesus 5:18.
Boi mambahen gabe marpogos jala marsahit.—Poda 23:21, 31, 32.
Halak na pagodangku minum jala na mabuk, dang boi mambahen las roha ni Debata.—Poda 23:20; Galatia 5:19-21.
Aha do artina pagodangku minum?
Molo nungnga gabe terancam ngolu ni sasahalak manang ngolu ni halak na asing, on patuduhon nungnga pagodangku ibana minum. Didok di Bibel dang ikkon pingsan halak na mabuk. Alai didok do ibana mabuk molo gabe maol marpikkir, dang boi denggan mardalan, sai naeng marbada, jala asal dipandok hatana. (Job 12:25; Psalmen 107:27; Poda 23:29, 30, 33) Alai nang pe dang sappe mabuk sasahalak, boi do ibana didok “dirajai . . . siinumon na marlobi-lobi” jala manaon akibatna.—Lukas 21:34, 35.
Di situasi na songon dia do hita dang boi minum?
Dipaboa do tong di Bibel di akka situasi na songon dia do halak Kristen dang boi minum minuman beralkohol:
Molo adong na gabe tartuktuk alani i.—Rom 14:21.
Molo adong peraturan na mangorai minuman beralkohol.—Rom 13:1.
Molo dang boi dikendalihon ibana dirina tikki minum. Molo halak na lomo rohana mabuk manang kecanduan minum minuman beralkohol, ikkon adong do keinginan na kuat sian dirina asa boi muba.—Mateus 5:29, 30.