Boi do Halak Kristen Manjalo Pengobatan Medis?

Na didok Bibel

Boi. Hea do dipaboa Jesus molo akka siseanna boi manjalo pengobatan medis. Didok ibana, “Dang porlu pangubati tu halak na sehat, tu na marsahit do.” (Mateus 9:12) Nang pe Bibel dang bukku panduan kesehatan, alai godang do prinsip di Bibel na boi mangurupi akka halak na naeng mambahen las roha ni Debata.

Akka na porlu dipikkirhon

1. Huattusi do songon dia perawatan na dianjurhon i? Bibel paingotton hita asa unang porsea tu “sude hata”, alai talului ma hatorangan na boi dihaporseai.—Poda 14:15.

2. Porlu do au manukkun pandapot ni akka dokter na asing? Denggan do hasilna “molo godang na mamodai”, tarlumobi molo serius kondisi kesehatanmuna.—Poda 15:22.

3. Adong do langkah di perawatan i na maralo tu na didok Bibel asa ‘padaohon diri sian mudar’?—Ulaon ni Apostel 15:20.

4. Adong do hubungan ni pemeriksaan manang perawatan i tu spiritisme? Alana didok di Bibel, sogo do roha ni Debata tu sude ulaon “mardatu”. (Galatia 5:19-21) Asa diboto hamu alusna, pikkirhon ma sukkun-sukkun on:

• Mamakke spiritisme do ahli kesehatan i?

• Porsea do ahli kesehatan i molo sahitton masa ala adong tondi na muruk, manang ala adong musu na mamakke ilmu sihir tu au?

• Songon dia obatna dibahen? Mamakke sesajen do, jampi, ritual, manang akka benda na sarupa tusi?

5. Seimbang dope cara pandanghu taringot kesehatan, manang palobihu? Bibel mandok, “Patuduhon ma tu saluhut halak na masuk akkal hamu.” (Pilippi 4:5) Molo masuk akkal hamu, gabe berfokus ma hamu tu akka “na urrikkot”, songon hubunganmuna tu Debata.—Pilippi 1:10; Mateus 5:3.