Boi do Bibel Mangurupi Hamu Molo Susa di Parhepengon jala Adong Utangmuna?

Na didok Bibel

Boi. Pikkirhon opat prinsip ni Bibel na boi mangurupi hamu:

1. Bahen ma rencana pengeluaran. “Sai na saut do sakkap ni halak na ringgas, alai na lao marpogos do halak na gumarapus.” (Poda 21:5) Unang ma pittor dituhor hamu sada barang holan alani diskon. Bahen ma anggaran, jala ihutton ma i.

2. Unang marutang molo dang porlu. “Gabe hatoban ni halak na mangalehon pinjaman do halak na marutang.” (Poda 22:7) Molo nungnga sanga hamu marutang jala dang boi dope digarar hamu i sesuai tu tanggalna, pangido ma tu halak na mangalehon pinjaman asa dilehon kelonggaran. Unang ma pittor menyerah. Ihutton ma nasehat ni Bibel on, ‘Patutoru ma dirim, jala mangelek-elek ma ho tu donganmi. Unang ma tarpodom ho, manang mondok-ondok matam.’ (Poda 6:1-5) Molo dang pittor dioloi pangidoanmuna asa dilehon kelonggaran, coba ma muse.

3. Unang serakah. “Halak na marlate ni roha, marsitutu do mangalului hamoraon, hape dang diboto ibana na lao marpogos do ibana.” (Poda 28:22) Molo iri manang late roha ni sasahalak jala serakah, gabe habis ma godang hepengna jala gabe sega ma hubunganna tu Debata.

4. Puas ma tu akka na adong di hamu. “Molo adong sipanganon dohot pakkeatta, las ma rohatta disi.” (1 Timoteus 6:8) Dang boi hepeng mambahen hita torus marlas ni roha jala puas. Piga-piga halak nungnga makkilala las ni roha na martahan leleng, nang pe dang godang hepengna. Las do roha ni nasida ala adong keluarga dohot dongan na makkaholongi nasida, jala jonok do hubungan ni nasida dohot Debata.—Poda 15:17; 1 Petrus 5:6, 7.