Aha do na Boi Huulahon Molo Kecanduan Pornografi Au?
Na boi diulahon hamu
Attusi ma lapatan ni pornografi. Pornografi, i ma ulaon na boi paleahon toppaan ni Debata na sangap. Molo taattusi pandangan ni Debata taringot pornografi, boi do i mangurupi hita asa ‘magigi tu na jahat’.—Psalmen 97:10.
Pikkirhon ma akibatna. Marlea do halak na dipatudu di pornografi. Jala pailahon dirina sandiri do halak na mangida i. Alani i ma didok Bibel, “Molo dibereng halak na marbisuk adong jea, martabuni do ibana.”—Poda 22:3.
Bahen ma komitmen. Si Job naposo ni Debata na setia mandok, “Nungnga hubahen parjanjian tu matakku, na so jadi hupanotnoti anak boru huhut marsakkap na so denggan.” (Job 31:1) On ma piga-piga ‘janji’ na boi dibahen hamu:
Na so jadi au mar-internet tikki sahalakku.
Pittor hututup do iklan manang situs aha pe na patuduhon gambar na rorang.
Molo kambuh muse kebiasaanku, pittor makkatai do au tu dongan na marbisuk.
Martamba-tamba do dampak ni pornografi, lapatanna lam jotjot hamu mangida i, lam maol ma hamu pasidikkon i
Martangiang ma. Martangiang do sahalak panurat psalmen tu Jahowa. Didok ibana, “Padao ma matakku asa unang huida akka na so marguna.” (Psalmen 119:37) Lomo do roha ni Debata asa marhasil hamu. Jadi molo martangiang hamu tu Ibana, lehononna ma gogo tu hamu asa boi mangulahon na sittong.—Pilippi 4:13.
Makkatai ma tu dongan. Rikkot do mamillit dongan curhat asa boi pasohon ulaon na sala.—Poda 17:17.
Ingot ma: Tikki boi hamu pasidikkon pornografi, gabe sada hamonangan na balga do i di hamu. Paboa ma tu Jahowa tikki marhasil hamu pasidikkon i, jala mandok mauliate ma ala dilehon Ibana gogo tu hamu. Pasti las do roha ni Debata molo marhasil hamu pasidikkon pornografi.—Poda 27:11.