Lomo Rohakku tu Sesama Jenis—Na Homo do Au?
Daong!
Buktina: Di godangan kasus, biasana holan parsatokkinan do sasahalak marlomo ni roha tu sesama jenis.
Sahalak borua na margoar si Lisette na marumur 16 taon, hea do lomo rohana tu sesama borua. Ibana mandok, “Sian pelajaran biologi di sikkola, marsiajar do au, boi do naik turun secara drastis kadar hormon ni sasahalak tikki remaja. Jadi molo lomo roha ni sahalak na poso tu sesama jenis, holan parsatokkinan do i. Sian on gabe takkas ma huboto, molo lam diattusi akka na poso taringot dagingna sandiri, dang pola merasa ibana na homo do ibana.”
Ikkon dibahen akka na poso do keputusan: mangihutton pandangan na sala na adong di portibi on taringot seks manang mangihutton standar moral ni Bibel na timbo
Alai, boha do molo dang holan parsatokkinan i? Boi do tadok kejam Debata ala diparettahon Ibana halak na lomo rohana tu sesama jenis asa unang mangulahon homoseksual?
Molo setuju hamu tu sukkun-sukkun na parpudi i, i berarti na setuju do hamu tu pandapot na mandok, ikkon dioloi jolma do dorongan seksualna. Alai sebenarna, sala do pandapot sisongon i. Bibel mandok, dilehon Debata do kebebasan tu hita lao mamillit asa unang mangoloi dorongan seks na so patut.—Kolosse 3:5.
Masuk akkal do pandangan ni Bibel i. Dipaboa do di Bibel, akka halak na lomo rohana tu sesama jenis ikkon tong do mangulahon na sarupa dohot akka halak na lomo rohana tu lawan jenis, i ma ‘padaohon diri sian ulahon seks na so patut’. (1 Korint 6:18) Buktina, adong do marjuta halak na heteroseksual na lomo rohana pahombarhon diri tu standar ni Bibel. Gabe boi ma dirajai nasida dirina nang pe mangadopi godaan. Jadi halak na sai torus lomo rohana tu sesama jenis pe, boi do mangulahon na sarupa molo marsitutu ibana pasonakkon Debata.—5 Musa 30:19.