Bahen ma Tikki lao Mananda Debata

Pasti lam denggan do ngolutta molo olo hita mangalehon tikki lao mananda Debata. Jala molo taulahon i gabe boi ma hita marale-ale tu Ibana. Parrohahon ma na didok Jesus taringot on.

Na didok Jesus

“Marlas ni roha ma na mamboto rikkot ni marale-ale tu Debata.”—Mateus 5:3.

• Pasti sude do hita naeng mamboto alus ni akka sukkun-sukkun on: Aha do tujuan ni ngolutta on? Boasa ma godang sitaonon? Boha do sebenarna keadaan ni halak naung mate? Asa boi hita marlas ni roha, ikkon taboto do alus ni sukkun-sukkun i.

“Dang holan sian roti jolma boi mangolu, alai sian ganup hata na kaluar sian pamangan ni Jahowaa.”—Mateus 4:4.

• Asa boi hita toktong mangolu, ikkon mangan do hita. Dos songon i ma asa boi jonok hubungatta tu Debata, ikkon taboto do alus ni sukkun-sukkun na rikkot taringot hangoluan. Jala takkas do dipaboa Jesus porlu do hita diurupi Debata asa boi marale-ale tu Debata.

“Hatami do hasittongan.”—Johannes 17:17.

• Didok Jesus Bibel do na dipakke Debata lao mangurupi hita asa boi marale-ale tu Debata.

Asa boi dihilala hamu las ni roha na sasittongna, bahen ma tikkimuna lao mananda Debata jala marale-ale tu Ibana. On ma piga-piga cara na boi mangurupi hamu mangulahon i:

• Jaha ma Bibel gratis.

• Pangido ma marsiajar Bibel gratis dohot sahalak Saksi Jahowa.