KESIMPULAN

“Toktong ma Barani”

Edisi Tercetak

1. Aha do muse na boi taparsiajari taringot habaranion?

Your answer

NUNGNGA taparsiajari godang tokoh na dipaboa di Bibel na patuduhon habaranion jala songon dia caratta maniru nasida. Alai godang nai dope na boi taparsiajari sian Bibel taringot habaranion. Na parjolo, taringot akka tokoh na asing na disurat di Bibel alai dang dibahas di bukku on. Na paduahon, asa boi barani, adong dope na ikkon taulahon. On ma na lao tabahas di bagian on.

2. Akka ise do muse tokoh na patuduhon habaranion na so dibahas di bukku on?

Your answer

² Coba ma pikkirhon, akka ise muse tokoh na dipaboa di Bibel na patuduhon habaranion na so dibahas di bukku on. Ra, diingot hamu do piga-piga panurirang na disurat di Akka Bukku Heber. Contohna si Jesaya, si Jeremia, si Hesekiel, si Jona, dohot si Maleaki. Nasida do ra akka halak na menghadapi akka hasusaan na dipaboa si Paulus di Heber bindu 11. Adong do sian nasida na “dileai, dilissingi, jala adong do na sappe diratte, dung i dipenjarahon”. Adong do muse na ‘hahurangan, marsitaonon, jala dibahen na haccit’. Bahkan adong do na sappe dipamate. (Heb. 11:36, 37) Nang pe songon i, toktong do barani nasida manomba Jahowa.

3-4. Songon dia do dua borua na so dipaboa goarna di Bibel mangurupi Raja Daud?

Your answer

³ Godang do akka halak na barani na dipaboa di Bibel na so pola dipaboa goarna. Contohna, dua borua di jaman ni si Daud. Sada tikki, naeng dibahen si Absalom do dirina gabe raja. Halak na sombong jala kejam do si Absalom. Asa boi gabe raja, naeng dipamate ibana ma bapakna si Daud. Alani i ikkon melarikan diri do si Daud sian Jerusalem. Alai, disuru si Daud ma asa mulak Malim Sadok tu Jerusalem lao mangalului informasi taringot rencana ni si Absalom. Dung diboto si Sadok rencana ni si Absalom, disuru ibana ma “sahalak parkarejo borua” paboahon i tu dua parkarejo ni si Daud. Dang taboto ise goar ni parkarejo borua i. Alai na taboto, sahalak na barani do ibana, alana boi do gabe dipamate ibana molo tarboto. Tikki lao dua parkarejo i manjuppangi si Daud, adong ma sahalak doli-doli na mangida nasida. Dipaboa ibana ma i tu si Absalom. Gabe martabuni ma dua parkarejo ni si Daud i tu bagasan sumur. Adong do borua na asing na so dipaboa goarna di Bibel, i ma istri ni nappuna sumur i. Pittor ditutup ibana do sumur i mamakke kain jala dibahen ibana ma gandum naung digiling tu ginjang ni kain i. Tikki ro akka parkarejo ni si Absalom mangalului dua parkarejo ni si Daud i, didok borua i ma naung lao nasida tu inganan na asing. Barani do dua borua on melindungi raja naung dipillit Jahowa!—2 Sam. 15:23-37; 17:8-22.

Akka gambar: Dua borua na so dipaboa goarna na barani melindungi Raja Daud. 1. Sahalak parkarejo borua makkatai tu dua parkarejo ni si Daud. 2. Sahalak borua manabunihon dua parkarejo ni si Daud di sumur ni suamina. Di pudina, adong dua bawa na mardalan maninggalhon jabu ni borua i. — Sahalak parkarejo borua dohot sahalak istri na barani mangurupi naposo ni Jahowa

⁴ Sasittongna, godang do contoh na dipaboa di Bibel taringot akka halak na barani. Adong do bawa dohot borua na dipaboa goarna, alai adong do na so dipaboa goarna. Adong do na mora dohot na pogos. Adong do muse na timbo jabatanna jala terkenal, alai adong do halak na so terkenal. Barani do nasida sude mangulahon lomo ni roha ni Jahowa. Teladan ni nasida boi do mangurupi hita saonari.

Rikkot do Martangiang

5-7. Aha do na mangurupi si Paulus gabe barani nang pe dianiaya?

Your answer

⁵ Songon dia do caratta boi maniru habaranion ni akka bawa dohot borua na dipaboa di Bibel? Taingot ma, dang diboan tubu habaranion ni nasida i. Jala dang alani gogo ni nasida sandiri umbahen na boi nasida tetap setia tu Jahowa. Adong do muse na dihaporluhon nasida asa boi barani. Aha ma i?

⁶ Tikki marbarita si Paulus dohot si Silas di Pilippi, diserang akka halak ma nasida. Diribakkon ma pakkean ni nasida, dipukkuli mamakke hau, dipamasuk tu penjara na holom, jala dipasung pat ni nasida. (Ul. 16:12, 19-24) Dung kaluar si Paulus sian penjara, gabe mabiar do ibana marbarita muse? Wajar do molo gabe mabiar si Paulus, alana jolma na so sempurna do ibana. Alai diboto do na lomo roha ni Jahowa asa toktong ibana marbarita. Ikkon lao do ibana marbarita tu Tessalonik. Attong aha do na mangurupi ibana asa gabe margogo jala barani muse?

⁷ Didok si Paulus do di suratna, “Diboto hamu do, nungnga marsitaonon hami jala nungnga dileai di Pilippi. Alai dilehon Debata do tu hami habaranion, asa boi hubaritahon hami tu hamu barita na uli taringot tu Debata nang pe godang hasusaan.” (1 Tes. 2:2) Diboto si Paulus do, porlu do habaranion lao mangulahon tugas na dilehon Debata. Aha do na mambahen ibana barani? Alani gogona sandiri do? Daong. Alai ala “dilehon Debata” do habaranion tu ibana. Alani i, serep do roha ni si Paulus mangido habaranion sian Jahowa marhite tangiang. Jala dialusi Jahowa do tangiangna i.

8. Songon si Paulus, aha do na ikkon taulahon asa boi gabe barani?

Your answer

⁸ Songon si Paulus, pangido ma habaranion sian Jahowa. Ra, didok rohamuna dang boi hamu barani ala dang luar biasa bakat manang kesanggupanmuna. Alai unang ma khawatir hamu. Martangiang ma tu Jahowa jala pangido ma habaranion sian Ibana. Pos ma rohamuna, pasti diurupi Jahowa do hamu asa boi barani dang soal songon dia pe situasina.—Ul. 4:29.

9. Boasa porlu tapangido tu Jahowa asa ditambai haporseaotta?

Your answer

⁹ Asing ni i, pangido ma tu Jahowa asa ditambai haporseaonmuna. Marhite tondi parbadia, boi do dibahen Jahowa lam togu haporseaonmuna. (Gal. 5:22, 23) Haporseaon i ma na lao mangurupi hamu mangalo sude serangan ni Sibolis jala toktong setia manomba Jahowa. (Eps. 6:16) Massai balga do pengaruh ni haporseaon tu diritta. Bibel mandok, “Haporseaotta i do na manaluhon portibi on.” (1 Joh. 5:4) Molo marhaporseaon hita tu Jahowa, boi do hita gabe barani. Molo pos rohatta pasti diurupi Jahowa hita, gabe barani ma hita menghadapi sitaonon manang aha pe na masa di ngolutta. Jadi tatiru ma akka apostel ni Jesus na mangido tu Jahowa, “Tambai ma haporseaonnami.”—Luk. 17:5.

“Unang ma Mabiar Hamu!”

10-11. Boasa dipasingot si Paulus halak Kristen di Jerusalem dohot na di sekitarna rikkot ni patuduhon habaranion?

Your answer

¹⁰ Nungnga disurirakkon Jesus hian, na lao dihancurhon nama Jerusalem. Piga-piga taon sebelum masa i, dibahen si Paulus do surat tu akka dongan na tinggal di Jerusalem dohot na di sekitarna asa rade nasida menghadapi akka sitaonon na lao masa. (Luk. 19:41-44; 21:20-24) Aha do na didok si Paulus lao mangurupi nasida asa barani? Dipaboa ibana do taringot janji ni Jahowa. Nungnga tabahas taringot janji i di pengantar ni bukku on. Didok Jahowa do, “Dang tadikkonokku ho jala dang pasombuokku ho.” Aha do pengaruhna tu nasida dung mambege janji i? Asa gabe pos roha ni nasida mandok, “Jahowa do na mangurupi au, dang mabiar au. Aha ma na boi bahenon ni jolma tu au?”—Heb. 13:5, 6.

¹¹ Memang dang takkas dipaboa sude di Bibel taringot kehancuran ni Jerusalem taon 70 M. Alai na taboto, ditangihon halak Kristen na setia do sipasingot sian si Paulus. Barani do nasida, hatop do nasida ‘lari tu akka dolok’, songon na diparettahon Jesus.—Luk. 21:20, 21.

12. (a) Aha do janji na boi mangurupi hamu asa barani lao menghadapi akka hasusaan? (b) Di jamanta saonari, songon dia do akka bawa dohot borua boi patuduhon habaranion, jala aha do na boi tatiru sian nasida? (Ida ma kotak “Tiru ma Habaranion ni Nasida.”)

Your answers

¹² Boi do muse dilehon Jahowa habaranion tu hamu asa boi menghadapi akka hasusaan, saonari manang di ari na naeng ro. (Hes. 38:1, 2, 10-12; Mat. 24:21) Taingot ma, marjanji do Jahowa lao manjaga hita sian Sibolis dohot sian akka parjahat. (Hes. 38:19-23; 2 Tes. 3:3) Dang na lao tinggalhononna akka halak na makkaholongi Ibana jala na marhaposan tu Ibana. Songon na hea didok Jahowa tu si Josua, “Ikkon barani do ho jala togu”, tu hamu pe didok Jahowa do songon i. (Jos. 1:7, 9, 18) Ingot ma muse na didok Jesus tu akka siihutton ibana, “Unang ma mabiar hamu!” Marjanji do Jesus lao mangalehon tondi parbadia ni Jahowa, jala boi do tahaporseai janjina i. Tondi parbadia i ma na lao mangurupi hamu asa toktong barani jala setia tu Jahowa. (Joh. 14:26; 15:26, 27; 16:33) Pos ma rohamuna, boi do hamu gabe barani!

Akka gambar: Akka donganta na toktong barani menghadapi tantangan. 1. Sahalak donganta borua remaja tersenyum huhut maniop bukku sikkolana dohot brosur “Benarkah Kehidupan Diciptakan?” di ruang kelas. 2. Natua-tua na makkaol boruna di kamp pengungsian. Mekkel do nasida na tolu. 3. Sahalak donganta bawa na poso na tersenyum sian sel penjara. — Dang soal situasi aha na tahadapi, marjanji do Jahowa mangalehon tondi parbadiana lao mangurupi hita asa barani jala boi menghadapi akka tantangan

Tiru ma Habaranion ni Nasida

Si Martin dohot si Gertrud Poetzinger

Menikah ma si Martin dohot si Gertrud jala rap merintis ma nasida na dua. Alai tolu satonga bulan dukkon i, ditakkup ma nasida na dua jala dipenjarahon. Si Martin ditakkup di taon 1936 jala dipenjarahon di penjara na adong di Dachau. Dang leleng dukkon i, si Gertrud pe ditakkup do jala dipenjarahon di penjara na berbeda. Dang hea be nasida pajuppang saleleng sia taon. Dang diboto si Martin atik na mangolu dope si Gertrud manang na daong, si Gertrud pe songon i do. Alai bertekad do nasida asa tetap setia tu Jahowa. Di sada tikki i, dipapinda ma si Martin sian Dachau tu Mauthausen. Massai kejam do penganiayaan na dihilala ibana disi. Molo si Gertrud, dibahen do sahalakna di sada sel penjara saleleng tolu satonga taon. Dukkon i, dipenjarahon ma ibana muse saleleng opat taon di Ravensbrück. Dung sae porang, diboto si Gertrud ma na mangolu dope hape si Martin. Alai dipenjarahon dope si Martin rap dohot 100 halak donganta di Mauthausen. Alani i, makkatai ma si Gertrud tu sahalak komandan ni tentara asa dipalua nasida sude. Olo do komandan tentara paluahon si Martin dohot akka donganta i. Ujungna, pajuppang ma muse si Martin dohot si Gertrud! Melayani sepenuh waktu do muse nasida na dua. Dukkon i, diundang do nasida asa melayani di Betel Brooklyn di New York. Jala gabe anggota ni Punguan na Mangaradoti Organisasi Saksi Jahowa do si Martin. Jotjot do didok si Martin tu akka dongan sahaporseaonna, “Habaranion ma sada sifat na paling penting na ikkon adong di akka naposo ni Jahowa!” Las do roha ni nasida na dua ala melayani Jahowa, jala setia sahat tu ujung ni ngoluna.

“Habaranion ma sada sifat na paling penting na ikkon adong di akka naposo ni Jahowa!”—M. Poetzinger

Si Valentina Garnovskaya

Di Belarus do si Valentina tinggal. Jala di taon 1945 ma parjolo sahali ro Saksi Jahowa marbarita na uli tu ibana. Hira-hira 20 taon ma umurna tikki i. Dipatorang donganta bawa i ma tu ibana taringot Bibel dohot Jahowa. Jala sanga do ibana dikunjungi muse sappe dua hali. Alai dukkon i, dang pajuppang be si Valentina dohot donganta i, jala maol do lao menghubungi donganta i ala diorai do Saksi Jahowa beribadat di Belarus. Nang pe songon i, barani do si Valentina paboahon tu akka halak aha naung diparsiajari ibana. Gabe ditakkup ma ibana jala dipenjarahon saleleng ualu taon. Di taon 1953, dipalua ma si Valentina sian penjara jala pittor marbarita na uli do muse ibana. Gabe dipenjarahon ma ibana muse saleleng sappulu taon. Tikki dipenjara i, pajuppang ma si Valentina dohot piga-piga donganta borua. Adong do ditabunihon akka donganta borua i sada Bibel. Adong ma sahalak sian nasida na patuduhon Bibel i tu si Valentina, jala i ma parjolo sahali diida ibana muse Bibel dukkon pajuppang dohot Saksi Jahowa. Dung bebas ibana sian penjara di taon 1967, tardidi ma ibana gabe Saksi Jahowa. Semangat do si Valentina marbarita na uli. Alai ditakkup ma ibana muse di taon 1969, jala dipenjarahon saleleng tolu taon. Nang pe songon i, tetap do barani ibana paboahon tu akka halak taringot Jahowa dohot barita na uli. Di taon 2001, marujung ngolu ma si Valentina. Saleleng ni ngoluna, adong 44 halak naung diurupi ibana mananda hasittongan. Tikki mangolu dope, didok ibana do, “Dang hea adong jabukku. Sude barangku siat do holan di sada koper. Alai las situtu do rohakku jala puas do huhilala ala melayani Jahowa.”

“Dang hea adong jabukku. Sude barangku siat do holan di sada koper. Alai las situtu do rohakku jala puas do huhilala ala melayani Jahowa.”—V. Garnovskaya

Si Alfredo Fernández

Hira-hira 19 taon ma umur ni donganta si Alfredo tikki disuru ibana gabe sahalak tentara ni Argentina. Alai diboto ibana do na so lomo roha ni Jahowa mangida porang dohot politik. Jadi, dibahen ibana ma keputusan dang olo mendukung porang. Dang olo ibana gabe tentara, bahkan mamakke seragam tentara i pe dang olo ibana. Gabe dipenjarahon ma ibana alani i. Saleleng dipenjara, dianiaya akka penjaga penjara do ibana jala diancam naeng dibunu. Alai nang pe songon i, tetap do ibana manjaha Bibel dohot mambahen catatan taringot akka naung diparsiajari. Tikki naeng diadili ibana di persidangan, didok hakim ma boi do ibana bebas asal ma olo ibana mamakke seragam tentara tikki ro tu pengadilan. Alai dang olo si Alfredo. Gabe dipenjarahon ma ibana muse. Ala disiksa ibana tikki dipenjara, gabe marsahit na parah ma ibana. Didok dokter na di penjara i ma, satokkin nai mate nama si Alfredo. Tikki diboto si Alfredo taringot i, dibahen ibana ma surat tu keluargana. Didok ibana di suratna i, “Keluargakku na huhaholongi, dang hurippu lao hubahen surat sisongon on tu hamu. Alai alani situasikku saonari, porlu do hudok hata on tu hamu.” Mandok mauliate do ibana tu keluargana ala toktong do didukung nasida ibana saleleng di penjara. Didok ibana ma muse, “Mandok mauliate do au tu Jahowa, Debata parholong i, ala dilehon Ibana tu au keluarga na burju songon hamu. . . . Boi do hubayakkon lungun ni rohamuna tikki manjaha surat on. Alai unang ma paloas lungun ni roha mambahen hamu gabe gale. Toktong ma hamu barani. Paloas ma Jahowa na patoguhon hamu marhite Bibel. . . . Ingot ma, dang salelengna au mate. Tikki diingot hamu au jala diingot hamu na setia do au tu Jahowa, berharap do au hamu pe toktong setia.” Dung tolu taon dipenjarahon, mate ma si Alfredo di taon 1982 tikki marumur 21 taon. Setia do ibana tu Jahowa sahat tu ujung ni ngoluna.

“Unang ma paloas lungun ni roha mambahen hamu gabe gale. Toktong ma hamu barani.”—A. Fernández

Si Karen Oehm

Mulai sian na poso nungnga melayani Jahowa si Karen. Halak na semangat do ibana jala ramah. Las do rohana gabe perintis. Dung menikah dohot si Rainer, rap melayani do nasida di Betel na di Amerika Serikat. Alai tikki marumur hira-hira 55 taon si Karen, diboto ibana ma na parah sahitna, jala boi do sahitna i mambahen ibana mate. Goar ni sahitna i, i ma Amyotrophic Lateral Sclerosis (ALS). Molo marsahit ALS sasahalak, gabe dang berfungsi be akka sarafna. Akibatna gabe dang boi ibana makkatai manang bergerak, jala ujungna mate. Dung diboto si Karen taringot sahitna i, marsitutu ma ibana asa denggan mamakke tikkina jala toktong marpikkiran positif. Dipakke ibana ma godang tikkina lao marsiajar Bibel dohot marbarita na uli. Jala berupaya do ibana menyesuaihon diri tu situasina i. Dung lam maol ibana makkatai, marsiajar ma ibana mamakke komputer na boi mangurupi ibana paboahon aha na lao sidokkononna. Boi do dieja si Karen akka hata na adong di layar ni komputer i holan marhite menggerakkon matana. Nang pe maol hian di ibana mamakke cara sisongon i, alai boi do ibana mambahen komentar di parpunguan jala marbarita na uli mamakke surat. Sahalak donganta borua na gabe perawat ni si Karen mandok, “Dang hea didokkon si Karen, ‘Boasa ma ikkon ro tu au sahit sisongon on?’ Dua minggu sebelum mate ibana, sanga do dibahen ibana surat tu sahalak borua na huurupi marsiajar Bibel. Di ujung ni suratna i didok ibana do, ‘Molo gale ho jala lungun roham, rade do au mambege arsak ni rohami tikki sadihari pe.’” Perawat na asing muse mandok, “Sebenarna wajar do molo gabe marsak ibana alani sahitna i. Alai dang hea ibana mandele. Alana pos situtu do rohana tu janji ni Jahowa taringot haheheon. Diboto ibana do na lao dipahehe Jahowa ibana, jala bahenonna ibana sehat jala sempurna.” Tikki parjolo sahali diboto si Karen taringot sahitna i, didok kembaranna do, “Boasa dang mabiar ho?” Dialusi si Karen ma, “Dilehon Jahowa do tu hita akka na tahaporluhon asa boi margogo.” Tutu do i, dilehon Jahowa do habaranion tu si Karen sahat tu ujung ni ngoluna. Dung mate si Karen, dilehon suamina ma akka surat na sanga dibahen si Karen tu keluarga dohot akka dongan sahaporseaon lao mandok mauliate jala patoguhon nasida.

“Dilehon Jahowa do tu hita akka na tahaporluhon asa boi margogo.”—K. Oehm

13. Aha do na boi mangurupi hamu asa toktong barani?

Your answer

¹³ Tabayakkon ma gok hadameon di portibi on. Pasti las do rohatta tikki dipahehe Jahowa sude halak na diingot Ibana. Di tikki i, boi ma hita pajuppang tu akka bawa dohot borua na dibahas di bukku on, suang songon i akka halak na asing na patuduhon habaranion. Tikki mangolu nasida di portibi na dikuasai Sibolis on, ra dihadapi nasida do sitaonon na massai borat. Bahkan dipamate do nasida ala tetap setia tu Jahowa. Alai tikki dipahehe annon nasida di Paradeiso, menurut hamu menyesal do nasida ala nungnga marpihak tu Jahowa? Pasti daong! Boha molo hamu? Bayakkon ma ngolumuna di tano na imbaru. Godang do ulaon na mambahen las rohamuna. Boi ma hamu kerja sama dohot akka halak naung dipahehe lao mambahen portibi on gabe Paradeiso na uli. Tikki di Paradeiso annon, menurut hamu menyesal do hamu ala nungnga marpihak tu Jahowa? Pasti daong! Jadi, bertekad ma asa toktong hamu barani sahat tu ujungna. Pasti marlas ni roha ma hamu saleleng ni lelengna!

Akka donganta bawa, borua, dohot dakdanak na marlas ni roha di Paradeiso. Adong na mangalehon jerapah mangan dohot na mangida kucing liar. Adong muse na mambahen pizza, makkata-hatai, dohot mamakke alat musik.