Boi do Hamu Gabe Lam Barani!

1-3. Aha do na mambahen Jesus barani mandok, “Dungo ma hamu, lao ma hita”?

“DUNGO ma hamu, lao ma hita.” On ma hata na hea didokkon sahalak jolma na paling barani na hea mangolu di tano on. Boasa tadok songon i? Dapotta ma alusna molo taboto ise na mandok hata i jala boasa didok ibana songon i.—Mat. 26:46.

² Jesus Kristus do na mandok i, jala tu akka siseanna na setia do didok ibana i. Memang nga hea didok ibana hata na sarupa sebelumna. (Joh. 14:31) Alai sahali on berbeda do situasina. Nga borngin tikki i jala di Taman Getsemane do Jesus na adong di luar ni Kota Jerusalem. Diboto Jesus do na lao ro ma akka bawa na marsenjata mandapotton ibana. Takkas do diboto Jesus aha tujuan ni nasida. Lao dihadapi Jesus ma tantangan na ubborat na hea dihadapi sahalak jolma. Jala diboto Jesus do muse, holan sahalak ni ibana do menghadapi i.

³ Sasittongna, boi do dipangido Jesus asa disuru Jahowa akka suru-suruan na gogo lao melindungi ibana. Alai dang diulahon ibana i. Dang berupaya Jesus melarikan diri sian situasi i. (Mat. 26:53) Tikki nga lam jonok akka bawa na marsenjata i, didok ibana ma tu akka siseanna, “Dungo ma hamu, lao ma hita.” Diboto Jesus do na naeng ditakkup akka bawa i ibana, digattung di hau partinaonan, jala mate. Alai boasa olo ibana mangulahon i? Ala holong do rohana tu Bapakna dohot tu akka siihutton ibana.

4-5. Songon dia do carana asa boi tatiru habaranion ni Jesus? Jala boasa ikkon barani hita?

⁴ Pasti setuju do hita, Jesus ma jolma na paling barani na hea mangolu di tano on. Siihutton Jesus do hamu? Molo ido, berarti hamu pe halak na barani do. Ikkon barani do halak Kristen. Tarlumobi di jamanta saonari, ikkon lam barani do hita. Alana mangolu di tikki na gok hasusaan do hita jala godang tantangan na ikkon tahadapi.

⁵ Songon dia do carana asa boi tatiru habaranion ni Jesus? Piga-piga halak mandok, halak na barani i dang mabiar tu manang aha pe. Tikki adong bahaya dihadapi ibana do i, nang pe sebenarna boi do i dihindari. Jala didok rohana, dang adong manang ise pe na boi manaluhon ibana. (Ps. 11:5) Alai dang songon i habaranion na dipatudu Jesus! Songon Jesus, halak na barani i ma halak na toktong mangulahon lomo ni roha ni Debata, nang pe maol situasina manang mabiar.

Boi do Hita Barani Songon Jesus!

6. Molo maol tahilala patuduhon habaranion, boasa hata ni Jesus tu akka apostelna boi paposson rohatta?

⁶ Hea do sukkun-sukkun rohamuna, ‘Boi do au barani songon Jesus tikki menghadapi tantangan?’ Molo hea, ingot ma, diboto Jesus do kesanggupanta. Ditiru Jesus do Bapakna. Jadi, dang dipangido Jesus hita mangulahon na so tolap taulahon. (Ps. 103:14; Joh. 14:9) Contohna, di borngin tikki di Taman Getsemane, didok Jesus do tu akka apostelna asa toktong dungo. Alai tarpodom do nasida sude. Nang pe songon i, lambok do didok Jesus tu nasida, “Huboto do, anggo roha i naeng do nian mangulahon na sittong, alai gale do daging i.” (Mat. 26:41) Diboto Jesus do dang sempurna akka apostelna i. Hita pe, diboto Jesus do dang sempurna.

7-8. Songon dia do Jesus patuduhon na pos situtu do rohana tu akka siihutton ibana?

⁷ Asing ni i, pos situtu do roha ni Jesus tu akka siihutton ibana. Didok ibana do, “Unang ma mabiar hamu! Ai nungnga hutaluhon portibi on.” (Joh. 16:33) Pasti gabe dipatogu do roha ni akka siihutton ibana dung mambege hata ni Jesus i. Sian hatana i dipatudu Jesus do na pos rohana boi do nasida gabe barani songon ibana. Jala tutu do gabe barani nasida. Jotjot do didok Jesus “unang ma mabiar hamu” dohot “pos ma roham”. Contohna, didok ibana do tu sahalak bawa na lumpu, “Pos ma roham.” Dung i didok ibana do tu bawa i naung disesa dosana. (Mat. 9:2) Hea do tong didok ibana tu sahalak borua na marsahit pendarahan, “Pos ma roham.” Dukkon i, dipamalum ibana ma sahit ni borua i. (Mat. 9:22) Tikki mabiar akka siseanna alani badai, didok Jesus do, “Unang pola mabiar hamu. Pos ma rohamuna!” (Mat. 14:27) Jala dung malua Apostel Paulus sian akka musu na naeng pamatehon ibana, didok Jesus do sian surgo, “Unang ho mabiar!”—Ul. 23:​9-11.

⁸ Saonari pe, dipapos Jesus do rohatta asa unang mabiar. Pos situtu do roha ni Jesus na boi do hita barani. Jala nungnga dilehon Jahowa tu hita akka na tahaporluhon asa toktong barani.

Bibel Boi Mangurupi Hita asa Barani

9. Songon dia do Bibel mangurupi hita asa lam barani?

⁹ Di Bibel, dipaboa Jahowa do teladan ni akka bawa dohot borua na boi mangurupi hita asa lam barani. Marragam do umur dohot situasi na masa di ngolu ni nasida. Misalna, tikki tajaha kisah ni Panurirang Elia, gabe taboto ma ‘dos do pakkilalaan ni nasida tu pakkilalaanta’. (Jak. 5:17) Jolma na so sempurna do nasida songon hita. Adong be do kelemahan ni nasida jala hea do nasida mabiar. Marragam do tantangan na dihadapi nasida, bahkan adong do na menghadapi situasi na berbahaya. Alai songon Jesus, dipatudu nasida do habaranion jala marhasil menghadapi sudena i. Gabe dipatogu do rohatta tikki manjaha kisah ni nasida.

10-11. Aha do manfaatna molo diparsiajari hamu bukku on? Jala songon dia carana mamakke bukku on? (Ida kotak “Cara Mamakke Bukku on Tikki Pelajaran Pribadi Dohot Tikki Ibadat Keluarga”.)

¹⁰ Bukku on marisi 54 pasal, jala dibahen lao mangurupi hamu asa barani. Ida ma annon songon dia cara ni Jahowa mangurupi akka jolma na so sempurna songon hamu asa boi barani. Alani i, manat ma jaha akka kisahna. Dukkon i, bagas ma parsiajari taringot akka tokoh na dipaboa asa boi lam ditanda hamu nasida.

¹¹ Sai anggiat ma akka teladan ni nasida boi mangurupi hamu asa barani jala boi martahan saleleng “ari parpudi” on. (2 Tim. 3:1) Ganup ari taingot ma janji ni Jahowa lao manjaga hita. Didok ibana do, “Dang tadikkonokku ho jala dang pasombuokku ho.” Molo taingot janji i, gabe “pos ma rohatta mandok, ‘Jahowa do na mangurupi au, dang mabiar au.’”—Heb. 13:​5, 6.