Bertekad do Ibana Dang Mambahen Haccit Roha ni Jahowa

GABE tawanan do si Daniel di Babel. Ditakkup halak Babel do keluarga ni si Daniel dohot dongan sabangsona sian Juda jala diboan tu Babel. Hira-hira opat bulan ma pardalanan ni nasida asa sahat tusi. Dung i, diboan pejabat ni raja ma si Daniel dohot akka doli-doli ni halak Juda asa tinggal di istana na adong di Kota Babel. On berarti dang boi be nasida rappak dohot keluargana. Di istana i, gabe akrab ma si Daniel dohot si Hanania, si Misael, dohot si Azaria. Dilatik ma nasida asa boi gabe songon halak Babel.

Dang leleng dung sahat akka doli-doli i di istana, disuru raja ma pejabatna si Aspenas asa digatti goar ni nasida. Godang do goar ni halak Heber na dibahen lao pasangappon Jahowa, Debata na sittong. Contohna si Daniel, arti ni goarna i ma, “Debata do Hakim di Au”. Hape molo di Babel, godangan goar ni akka halak dibahen lao pasangappon akka dewa ni nasida. Jadi digatti ma goar ni si Daniel gabe goar ni halak Babel, i ma si Beltesasar. Goar on gabe songon tangiang do tu dewa Bel asa dilindungi dewa i ngolu ni raja. Lomo do roha ni raja asa sarupa cara marpikkir dohot pangalaho ni akka doli-doli i songon halak Babel. Disuru raja do akka pejabatna mangajari nasida manurat jala makkatai di bahasa ni halak Kasdim, asa boi nasida melayani ibana di istana. Alai dang holan i na dipangido raja sian nasida.

Disuru raja ma si Aspenas lao mengawasi pelatihan i. Lomo do roha ni raja asa dilehon tu akka doli-doli i sipanganon dohot siinumon ni raja. Ra adong do piga-piga sian nasida na bangga ala dibahen songon i. Alai diboto si Daniel do, boi do on gabe jorat di ibana dohot tolu donganna. Boasa?

Diboto si Daniel do Patik ni Jahowa na mandok, dang boi nasida mangallang jagal na dicampur dohot mudar. Songon i do tong tu akka sipanganon na asing na diallang halak Babel. Ikkon manat do tong si Daniel, alana piga-piga sipanganon di Babel dibahen gabe bagian sian ibadat tu akka dewa. Jala molo diinum ibana godang anggur, gabe dang boi ibana denggan marpikkir. Disadari si Daniel ma, dilehon halak Babel pe akka sipanganon dohot anggur i, ala lomo roha ni nasida asa unang dioloi akka doli-doli i Jahowa.a

Pasti torus do ditangiakkon si Daniel taringot on jala disukkun pandapot ni akka donganna. Jala “nungnga dibahen si Daniel keputusan di bagasan rohana” lao mambahen las roha ni Jahowa. Jadi dijuppangi ibana ma si Aspenas. Manat jala marbisuk do ibana tikki makkatai tu si Aspenas. Dipangido si Daniel do tu si Aspenas atik na boi do ibana dohot tolu donganna dang mangallang sipanganon dohot siinumon ni raja i. Diurupi Jahowa do si Daniel, dibahen Jahowa do asa burju si Aspenas tu ibana. Alai khawatir do si Aspenas so tung gabe marsahit annon si Daniel dohot tolu donganna i. Molo sappe marsahit nasida, gabe dihukum raja ma annon ibana. Ditangihon si Daniel do na didok si Aspenas i, jala diattusi do perasaanna. Dipikkirhon ibana do muse aha na boi diulahon nasida. Alai dukkon i, barani do si Daniel manjuppangi panjaga na mengawasi nasida. Didok ibana ma tu panjaga i, “Coba ma jo uji hami saleleng sappulu ari. Holan sayur ma lean allangonnami jala holan aek ma lean inumonnami. Dung i ida ma ise na sehat idaon, hami do manang akka na mangallang sipanganon ni raja na tabo i.” Dioloi panjaga i do pangidoan ni nasida.

Dung salpu sappulu ari, tutu do ussehat si Daniel dohot tolu donganna i sian akka doli-doli na asing. Mulai sian i, gabe sayur dohot aek ma na dilehon tu nasida. Takkas ma, dipasu-pasu Jahowa do haporseaon dohot habaranion ni si Daniel dohot tolu donganna i. Pasti dang tarhalupahon ni nasida pengalaman on.

Songon na lao dibahas di pasal na mangihut, ikkon dipatudu akka dongan ni si Daniel do habaranion lao mangoloi Jahowa di situasi na massai maol. Molo si Daniel, torus do dipatudu ibana habaranion sahat tu na mate tikki marumur hira-hira 100 taon. Contohna, hea ma sada tikki dibahen Jahowa marnipi Raja Nebukadnesar. Barani do si Daniel paboahon arti ni nipi i, nang pe barita na so denggan do na dipaboa ibana na lao masa tu raja i dohot harajaonna. Martaon-taon dukkon i, tikki mamaretta si Belsasar, ikkon dipaboa si Daniel do muse arti ni surat na di dinding, i ma na lao dipamate do si Belsasar. Jala tikki nungnga matua hian si Daniel, didabuhon do ibana tu lubang na marisi akka singa na male. Di sude situasi i, dipatudu si Daniel do habaranion na luar biasa, sarupa songon na dipatudu ibana tikki poso dope. Alani i ma didok sada suru-suruan, halak na “massai dihaholongi Debata” do si Daniel!

Jaha ma ceritana di:

• Daniel 1:​1-21; 5:12; 10:11

Na lao dibahas:

Boha do cara ni si Daniel patuduhon habaranion?

Bagas ma Parsiajari

1. 1. Na maralo do hatorangan na disurat di Daniel 1:1 tu na disurat di Jeremia 25:1? (dp 18-19 ¶14-15-wcgr)

   Your answer

2. 2. Didok di Daniel 1:​2, adong “inganan panimpanan ni arta” di jabu ni debata ni si Nebukadnesar. Aha do na didok sada catatan sejarah taringot on? (it “Inganan Panippanan ni Arta” ¶3-wcgr) A

   Your answer

   

   © The Trustees of the British Museum. Licensed under CC BY-NC-SA 4.0. Source. Modifications: Box added.

3. 3. Aha do na diulahon akka “datu” di harajaon ni Babel? (Dan. 1:20; it “Ilmu Gaib Dohot Ilmu Sihir” ¶2-6-wcgr) B

   Your answer

   

4. 4. Akka sayur aha do hira-hira na diallang si Daniel dohot tolu donganna? (Dan. 1:12; dp 40 ¶25-wcgr)

   Your answer

Pikkirhon ma Aha Parsiajaranna

• Songon dia do akka na poso boi maniru si Daniel asa toktong setia tu Jahowa, nang pe dang rap nasida dohot keluargana?

  Your answer

• “Nungnga dibahen si Daniel keputusan di bagasan rohana” lao mangoloi Jahowa. Aha do manfaatna ala diulahon ibana songon i? (Dan. 1:8) Boha do caratta maniru ibana? C

  Your answer

  

• Songon dia do muse caramuna maniru habaranion ni si Daniel?

  Your answer

Rimangi ma

• Sian kisah on, aha do na boi huparsiajari taringot Jahowa?

  Your answer

• Aha do hubungan ni kisah on tu janji ni Jahowa taringot Paradeiso?

  Your answer

• Aha do na lao husukkun annon tu si Daniel molo nungnga dipahehe ibana?

  Your answer

Ida ma Muse on

Tonton ma video taringot akka na masa di ngolu ni si Daniel.

Daniel: Marhaporseaon Saleleng Ngoluna—Bagian 1—Cuplikan (13:07)

Songon dia do akka na poso boi maniru si Daniel na toktong setia jala barani?

“Marsiajar ma sian si Daniel” (w23.08 2-7)