Ikkon Barani do Ibana asa Boi Gabe Sahabat na Setia

DIJAKKIT dua bawa na barani ma sada dolok na curam. Mamboan senjata do nasida na dua. Si Jonatan ma na mardalan di jolo, i ma anak ni si Saul raja ni Israel na parjolo. Di pudina, i ma siboan senjatana. Gabe barani do siboan senjatana i ala mambege hata ni si Jonatan na mandok, “Nang pe godang manang otik hita, dang adong na boi mangabbati Jahowa lao paluahon hita.” Tutu do masa songon na didokkon si Jonatan i. Diurupi Jahowa do nasida na dua lao manaluhon 20 tentara ni Palistim. Jala dang holan i, dilehon Jahowa do tong hamonangan tu bangso Israel lao manaluhon pasukan ni halak Palistim na balga.

Sian cerita on taboto ma, sahalak na barani do si Jonatan. Jala saleleng ni ngoluna, sai dipatudu ibana do habaranion. Halak na setia do tong si Jonatan. Alai asa boi sasahalak toktong setia, ikkon barani do ibana. I do sifat na dipatudu si Jonatan. Memang setia do ibana tu bapakna si Saul. Alai tikki muba si Saul gabe halak na jahat jala dang mangoloi Jahowa, ikkon barani do si Jonatan asa boi toktong setia tu Jahowa sian apala setia tu bapakna.

Marpulu taon dukkon i, tikki marumur hira-hira 50 taon si Jonatan, bersahabat ma ibana tu si Daud, na 30 taon upposo sian ibana. Di tikki i, baru dipamate si Daud do sahalak raksasa ni halak Palistim na margoar si Goliat. Takkas ma, dipuji halak Israel dohot si Saul do si Daud. Alai boha do perasaan ni si Jonatan mangida i? Dang cemburu ibana, gariada dilehon si Jonatan do peralatan porang tu si Daud termasuk ma panahna. Sada hadiah na istimewa do on. Alana, sahalak pemanah na jago do ra si Jonatan. Nang pe dao uttua si Jonatan sian si Daud, alai marsumpa do nasida lao bersahabat salelengna jala ditepati nasida do janji i.

Di mulana, holong do roha ni si Saul tu si Daud. Alai lam leleng, gabe cemburu do si Saul tu ibana. Jala gabe sogo ma rohana mangida si Daud. Lomo do roha ni si Saul asa sogo tong roha ni si Jonatan tu si Daud. Alai toktong do setia si Jonatan tu si Daud, nang pe nungnga diboto ibana si Daud do na dipillit Jahowa lao gabe raja ni Israel na berikutna. Dibela si Jonatan do si Daud tikki didok si Saul naeng dipamate ibana si Daud. Porlu do habaranion di si Jonatan di tikki i. Alana gogo dope si Saul nang pe naung matua. Hea ma di sada tikki, naeng dipamate si Saul do si Jonatan mamakke tombak ala dibela ibana si Daud. Alai dang hona tombak i tu si Jonatan. Nang pe dang hona tombak i tu si Jonatan, alai gabe kecewa hian do ibana tu bapakna. Marsogotna i, lao ma ibana manjuppangi si Daud jala dipaboa ibana ma rencana ni bapakna na naeng pamatehon si Daud. Jala dipangido si Jonatan do muse tu si Daud asa dijaga keluargana, atik boha dipamate ibana.

Ikkon melarikan diri do si Daud ala berupaya si Saul lao pamatehon ibana. Disuru si Saul do akka tentarana lao mangalele si Daud. Alani i, ikkon lao do si Daud marpinda-pinda sian sada inganan tu inganan na asing lao martabuni. Dohot do si Jonatan mangalele si Daud di tikki i? Dang dipaboa di Bibel. Alai pos do rohatta pasti dang dohot ibana. Di sada tikki, diboto si Jonatan ma didia si Daud martabuni. Jadi lao ma ibana manjuppangi donganna i. Aha tujuanna? Didok di Bibel, diurupi si Jonatan ma “asa lam pos roha ni si Daud tu Jahowa”. Didok si Jonatan do muse, “Unang ho mabiar. Dang na lao dapot ni bapakku ho. Ai takkas do diboto bapakku na lao gabe raja ni Israel ho. Jala diboto ibana do na toktong urupanku ho.” Dung i berpisah ma nasida, jala i ma parpudi sahali nasida pajuppang.

Dang leleng dukkon i, dipatudu si Jonatan do na setia ibana tu Jahowa. Didongani si Jonatan do bapakna lao marporang mangalo musu ni Jahowa, i ma halak Palistim. Alai di tikki i, nungnga gabe halak na jahat si Saul jala nungnga ditinggalhon ibana Jahowa. Lao do ibana mangido bantuan tu sahalak datu. Ala dang dipasu-pasu Jahowa be si Saul, gabe talu ma halak Israel di parporangan i. Jala tarlukka parah do si Saul, dung i bunu diri ma ibana. Mate do tong tolu anak ni si Saul di parporangan i, termasuk ma si Jonatan.

Lungun hian do roha ni si Daud mambege naung mate si Jonatan dohot si Saul. Lao patuduhon lungun ni rohana di parmate ni si Jonatan, dibahen si Daud ma sada ende. Dibahen do judul ni ende i “Panah”, ra ala diingot ibana hadiah na hea dilehon sahabatna i piga-piga taon naung salpu. Di ende i didok si Daud do, “Massai lungun do rohakku alani ho Jonatan ale-alekku, ai holong hian do rohakku tu ho.” Torus do diingot si Daud janji na hea dibahen ibana dohot si Jonatan. Dukkon gabe raja si Daud, dilului ibana do atik na adong dope keluarga ni si Jonatan na mangolu. Ujungna diboto si Daud ma adong do hape anak ni si Jonatan na mangolu dope, goarna si Mepiboset jala cacat do patna duassa. Diboan si Daud ma ibana asa tinggal di Jerusalem. Jala mulai sian i, dijaga si Daud do si Mepiboset.

Jaha ma ceritana di:

• 1 Samuel 13:​2, 19-23; 14:​1-15; 16:21; 18:​1-9; 19:​4-6; 20:​1-42; 23:​16-18; 28:​6-8; 31:​1-6

• 2 Samuel 1:​17-27; 9:​1-7

Na lao dibahas:

Boha do cara ni si Jonatan patuduhon habaranion?

Bagas ma Parsiajari

1. 1. Ise do halak Palistim i? (w95 1/2 31-wcgr)

   Alusmuna

2. 2. Dipaboa do taringot “pim” di 1 Samuel 13:​21, surat na di toru. Boasa on patuduhon na akurat do isi ni Bibel? (w05 15/3 29-wcgr) A

   Alusmuna

   

Todd Bolen/BiblePlaces.com

1. 4. Songon dia do si Daud menepati janjina lao manjaga keluarga ni si Jonatan? (it “Si Mepiboset” No. 2 ¶1-wcgr)

   Alusmuna

Pikkirhon ma Aha Parsiajaranna

• Uppetting do di si Jonatan setia tu Jahowa sian apala tu bapakna. Di situasi na songon dia do porlu tapatudu na uppetting do di hita setia tu Jahowa sian tu na asing? C

  Alusmuna

  

• Sian kisah ni si Jonatan dohot si Daud, aha do na boi diparsiajari hamu taringot . . .

  • persahabatan?

    Alusmuna

  • serep ni roha?

    Alusmuna

  • kesetiaan?

    Alusmuna

• Songon dia do muse caramuna maniru habaranion ni si Jonatan?

  Alusmuna

Rimangi ma

• Sian kisah on, aha do na boi huparsiajari taringot Jahowa?

  Alusmuna

• Aha do hubungan ni kisah on tu janji ni Jahowa taringot Paradeiso?

  Alusmuna

• Aha do na lao husukkun annon tu si Jonatan molo nungnga dipahehe ibana?

  Alusmuna

Ida ma Muse on

Aha do na mambahen si Jonatan dohot si Daud gabe bersahabat? Jala songon dia do hita boi maniru nasida saonari?

“Toktong ma Patuduhon Holong” (w21.01 20-25)

Urupi ma gellengmuna marsiajar sian si Jonatan.

“Yonatan” (Kartu tokoh Alkitab di jw.org/id)