17 SI JAEL
“Unggodang do Pasu-Pasu Jaloonna”
SAHALAK pamimpin ni tentara na jago do Panglima Sisera. Alai tega do ibana pasombuhon akka tentarana mate jala melarikan diri do ibana sian Lembah Jisreel. Sukkun-sukkun do roha ni Panglima Sisera boasa boi talu nasida dibahen halak Israel, alana jago do akka tentarana jala adong 900 kareta porang ni nasida. Hape halak Israel, saotik do senjatana jala dang adong kareta porang ni nasida. Saonari dilului Panglima Sisera ma inganan lao martabuni. Lari ma ibana jala masuk tu kemah ni si Heber halak Keni.
Sian jaman ni si Musa, denggan do hubungan ni halak Keni dohot halak Israel. Alana halak Keni do istri ni si Musa. Saonari, tinggal di tano ni halak Israel do halak Keni. Alai berbeda do si Heber sian halak Keni na asing. Berpihak do ibana tu si Jabin, raja ni Kanaan. Tentara ni si Jabin do Panglima Sisera. Alani i ma barani Panglima Sisera martabuni tu kemah ni si Heber. Alai dang diboto ibana na marpihak tu halak Israel do si Jael istri ni si Heber i.
Tikki ro Panglima Sisera tu kemah ni si Heber, holan si Jael do disi. Jadi, ikkon hatop do dibahen si Jael keputusan aha na lao ulahononna. Alana, takkas do diboto ibana halak na kejam do Panglima Sisera on. Memang di tikki i dang diboto si Jael taringot surirang ni Jahowa marhite si Debora. Di surirang i dipaboa, tu tangan ni sahalak borua do Panglima Sisera dipasahat, dang tu tangan ni sahalak bawa. Nang pe songon i, diboto si Jael do aha na dihalomohon Jahowa na ikkon ulahononna. Boasa tadok songon i?
Di pudian ni ari, diurupi Jahowa do si Debora mambahen sada ende dung monang si Barak mangalo Panglima Sisera. Di ende i didok, “Unggodang do pasu-pasu jaloon ni si Jael istri ni si Heber halak Keni i. Unggodang do pasu-pasu jaloonna sian akka borua na tinggal di kemah.” Songon si Rahab, marpihak tu Jahowa do si Jael. Diboto si Jael do musu ni Jahowa do Panglima Sisera i. Jala saonari ma kesempatan di si Jael lao pamatehon Panglima Sisera. Alai boha ma cara ni si Jael mangulahon i?
Diboto si Jael do dang mungkin boi dialo ibana Panglima Sisera. Alana sahalak tentara na berpengalaman jala na gogo do Panglima Sisera. Alani i, disuru ibana ma Panglima Sisera asa masuk tu bagasan kemahna jala istirahat disi. Dung i, disalimuti ibana ma Panglima Sisera. Jala tikki dipangido Panglima Sisera aek lao inumonna, dilehon ibana do susu. Disuru Panglima Sisera ma asa jongjong si Jael di jolo ni kemah i. Jala didok ibana, molo adong na manukkun adong do jolma di bagasan kemah i, ikkon margabus do si Jael. Dung i modom ma Panglima Sisera.
Dipillit Debata do sahalak borua lao mambunu sahalak tentara na kejam
Diboto si Jael, on ma tikki na pas lao pamatehon Panglima Sisera. Dibuat ibana ma tokkok dohot pattik-pattik ni kemah na sian hau na jotjot dipakke ibana. Nanget ma si Jael mardalan mandapotton Panglima Sisera. Dung i, manat ma diarahon ibana pattik-pattik i tu ulu ni Panglima Sisera. Alana molo sala cara ni si Jael manokkok pattik-pattik i, boi do gabe dungo Panglima Sisera jala si Jael na dipamate ibana. Alai pas do cara ni si Jael manokkok. Gabe tombus ma pattik-pattik i sian ulu ni Panglima Sisera sahat tu tano, laos mate ma ibana.
Dang leleng dukkon i, ro ma si Barak mangalului Panglima Sisera. Alani i, kaluar ma si Jael mandapotton si Barak. Didok si Jael ma tu si Barak, “Masuk ma hamu amang, asa hupatudu halak na niluluanmuna i.” Masuk ma si Barak tu bagasan kemah i, jala diida ibana ma saut do surirang na dipaboa si Debora na mandok, “Tu sahalak borua do dipasahat Jahowa Panglima Sisera.”
Piga-piga kritikus mandok, panipu jala borua na licik do si Jael i. Alai di adopan ni Jahowa, halak na barani do si Jael. Sian dia taboto? Di ende hamonangan na diendehon si Barak dohot si Debora, dipuji nasida do si Jael. Dukkon i dang adong be dipaboa di Bibel taringot si Jael. Nang pe kisah ni si Jael on terjadi lobi sian 3.200 taon naung salpu, alai godang do parsiajaran na tadapot sian i. Memang dang dohot be naposo ni Debata saonari marporang mamakke senjata. Alai ikkon marporang do hita lao mangalo pengaruh ni Sibolis dohot pengaruh ni akka halak na jahat na adong di portibi on. Alani i ma, porlu do di hita habaranion songon na dipatudu si Jael.
Jaha ma ceritana di:
Na lao dibahas:
Boha do cara ni si Jael patuduhon habaranion?
Bagas ma Parsiajari
1. Boasa parporangan manaluhon Panglima Sisera dipatudos tu porang Armagedon? Jala aha do na boi taparsiajari sian i? (w19.09 8-9 ¶3-6)
2. Berpihak tu halak Kanaan do si Heber, suami ni si Jael. Aha do hubungan ni si Heber tu halak Israel? (it “Si Heber” No. 2-wcgr)
3. Peristiwa taringot halak Israel na monang mangalo Panglima Sisera dohot si Jabin, toktong dope patoguhon naposo ni Debata marratus taon dukkon i. Sian dia taboto? (w08 15/10 14-15 ¶12-15-wcgr)
4. Aha do na boi taparsiajari sian pujian na dilehon si Debora tu si Jael? (w15 1/8 15 ¶2-wcgr) A
GambarA
Gambar A
Pikkirhon ma Aha Parsiajaranna
Tikki sadihari do sahalak istri na suamina dang manomba Jahowa porlu patuduhon habaranion songon si Jael?
Dang sahalak panurirang si Jael songon si Debora jala dang sahalak tentara songon si Barak. Alai diulahon ibana do aha na boi tarbahenna. Aha do na boi tatiru sian si Jael tikki didok rohatta dang godang na boi taulahon tu Jahowa? B
Gambar B
Songon dia do muse caramuna maniru habaranion ni si Jael?
Rimangi ma
Sian kisah on, aha do na boi huparsiajari taringot Jahowa?
Aha do hubungan ni kisah on tu janji ni Jahowa taringot Paradeiso?
Aha do na lao husukkun annon tu si Jael molo nungnga dipahehe ibana?
Ida ma Muse on
Di video on, ida ma songon dia teladan ni si Jael boi mangurupi sahalak donganta borua na poso gabe barani marbarita.
Unang Mabiar, Tiru ma asa Barani!—Unang Songon Halak Meros, Alai Tiru ma si Jael (1:40)
Asing ni si Jael, godang do donganta borua na dipaboa di Bibel na gabe teladan di hita. Di artikel on, adong dipaboa piga-piga sian nasida.
“Aha do Parsiajaran na Tadapot sian Akka Borua na Disurat di Bibel?” (ijwbq artikel 161)