Surat sian Punguan na Mangaradoti Organisasi

Tu akka dongan na dihaholongi hami:

Songon na diboto hamu, adong do dipaboa di Bibel taringot akka donganta na setia na menghadapi masalah songon na tahadapi. Sarupa do ‘pakkilalaatta tu pakkilalaan ni nasida’. (Jakobus 5:17) Adong do sian nasida na marsak alani sitaonon, na haccit rohana dibahen anggota keluarga manang dongan sahaporseaon, jala na sai torus merasa bersalah alani dosa na hea diulahon nasida.

Ra, akka tantangan i do na mambahen nasida gabe mandao sian Jahowa. Alai, tutu do naung ditinggalhon nasida Jahowa? Daong. Alana godang do sian nasida songon panurat psalmen na martangiang, “Nungnga lilu au dos songon biru-biru na mago. Lului ma naposomon, ai dang hea hulupahon parettam.” (Psalmen 119:176) Songon i do tong perasaanmuna?

Dang hea dilupahon Jahowa akka naposona na mandao sian Ibana. Gariada, dilului Jahowa do nasida. Jotjot do dipakke Jahowa akka dongan sahaporseaon lao mangurupi nasida. Misalna, pikkirhon ma na masa tu si Job. Godang do hasusaan na dihadapi ibana, termasuk ma i masalah di parhepengon, mate halak na dihaholongi, jala marsahit na parah. Hea do tong haccit rohana dibahen akka halak na seharusna mendukung ibana. Nang pe di mulana sala do cara marpikkir ni si Job, alai dang hea ditinggalhon ibana Jahowa. (Job 1:22; 2:10) Songon dia do cara ni Jahowa mangurupi si Job padenggatton cara marpikkirna?

Sada carana i ma marhite dongan sahaporseaon ni si Job na margoar si Elihu. Dipaboa si Job do sude na di rohana tu si Elihu. Alai sebelum didok si Elihu hatana, denggan do ditangihon ibana si Job. Aha do na didok si Elihu tu si Job? Gabe dikritik ibana do si Job, manang didok hata na mambahen si Job gabe merasa bersalah manang maila? Gabe dianggap si Elihu do ibana na unjago sian si Job? Daong. Marhite tondi parbadia, didok si Elihu do tu si Job, “Sarupa do hita di jolo ni Debata na sittong. Ai rap sian tano liat do hita dibahen.” Didok ibana do muse, “Unang ma mabiar ho tu au, jala unang ma pola marsak ho alani hatakkon.” (Job 33:6, 7) Dang gabe ditambai si Elihu sitaonon ni si Job. Gariada, lambok do si Elihu pasahatton nasehat jala didok ibana do akka hata na patoguhon. On ma na dihaporluhon si Job.

Songon i ma caranami paradehon brosur on tu hamu. Parjolo, denggan do dipikkirhon hami perasaan dohot situasi na dihadapi akka halak na hea dang aktif. (Poda 18:13) Dung i martangiang ma hami, jala dipareso hami ma akka ayat ni Bibel lao mamboto songon dia Jahowa mangurupi akka naposona najolo na hea menghadapi situasi na sarupa. Dung i, dikaitton hami ma akka kisah na disurat di Bibel i tu pengalaman ni akka donganta di tikkitta saonari. Las do rohanami manjujui hamu asa manjaha brosur on. Pos ma rohamuna, massai holong do rohanami tu hamu.

Punguan na Mangaradoti Organisasi ni Saksi Jahowa