Bibel yo i mpot le kii inyu gwét bi yé nyoo Israel ni biloñ bi yé ha ipañ?

Ngandak bôt i mbadba mambadga i ngéda ba ntehe Amérika, Israel ni Iran ba njo gwét. Baa i gwét bi bi nke i tôla nkoñ ’isi wonsô? Baa baane ba nkoñ ’isi ba nla mélés gwét ngélé yada inyu yosô?

I bet ba mbéna añ Bibel, tétén kaat masoola, ba nla kahal hoñol le gwét bi njuba nyoo Israel bi yé bibôdle bi Armagédôn.

Ndi baa la nyen Bibel i nkal?

Baa baane ba nkoñ ’isi ba nla téé i gwét bi yé Israel?

Bibel i nkal le: “Ni bôdôl bañ baane ñem, to man mut nu a nla bé tohol.”​—Tjémbi 146:3.

D’a tehe too baane ba ga la téé i gwét bi. Ndi Bibel yo i bi mal pot le ñane nye ki nye, to ane yo ki yo, to ntôñ wo ki wo u nla bé boñ le gwét bi ba ha bañ. Ndik Nyambe nyen a nla “mélés gwét i nkoñ ’isi wonsôna.”​—Tjémbi 46:9.

• U nla nigil jam lipe, munu Nkum Ntat nunu le: “La fin des guerres—Comment?”

Baa Bibel i bi pot le gwét bi ba ga nyoo i Israel?

Bibel i nkal le: “N’a nok mbimba i gwét ni manwin ma gwét. . . . Loñ y’a telep ikolba loñ, yak ane i kolba ane.”​—Matéô 24:6, 7.

Gwét bi yé i Israel ni biloñ bi yé ha ipañ, bi yé ndik jam lipe li li ñéba le ‘nkoñ ’isi unu u yé toi i mamélél, le di yé toi i “dilo di nsôk.” (Matéô 24:3; 2 Timôtéô 3:1) Gwét bi njuba nano bi ñéba le Ndék ngéda Djob a mélés gwét homa nyensôna le fet. Ha ndik gwét gwotama bé, ndik yak mana mandutu mape momasô.

• U nla nigil jam lipe hana homa nunu le:“Quel est le signe des “derniers jours” , ou “Temps de la fin”?”

Armagédôn a mbôdle i loñ Israel?

Bibel i nkal le: “Bi bi kot bikiñe i homa a nsébla ni hop Lôk Héber le Armagédôn.”​—Masoola 16:16.

Armagédôn a ta bé gwét biane bi nkoñ ’isi bi njo i Israel ni biloñ bi yé ha ipañ. A yé gwét bi ga juba i nkoñ ’isi wonsô, Djob nyen a ga jôs baane.

• U nla nigil jam lipe hana homa nunu le: “Qu’est-ce que la bataille d’Armaguédon?”

Hee di nla kuhul mahôla i ngéda ndutu i nai?

Bibel i nkal le: “Ni tôñ bañ inyu jam jo ki jo, ndi inyu mam momasôna, ni njel masoohe, ni minyemhe lôñni mayéga, boña le Nyambe a yi mayagal manan.”​—Filipi 4:6.

Yéhôvaa Nyambe a yé kal bés le di soohe nye. A ntôñ bés, jon a ñemble masoohe més, a yé ki bebee i hôla bés i ngéda ndutu i nai. (1 Pétrô 5:7) Jam jada a mboñ inyu hôla bés jo lini le, a ntoñle bés inyuki gwét bi yé nnayak, lelaa a ga téé gwo a mélés ki mandutu més momasôna le fet.​—Masoola 21:3, 4.

• Inyu tehe lelaa Nyambe a nhôla bés, jôp hana homa nunu: “La Bible peut-elle m’apporter du réconfort ? .”