Baa Armagédôn y’a bôdlene i Israel?​—Kii Bibel i nkal?

Inoñnaga ni Bibel, Armagédôn a ta bé gwét bi bi ga tihba ngim homa tôbôtôbô ikété nkoñ ’isi, ndi bi yé tjiba Nyambe a ga lona i ngii bibéba bi bôt ni biane gwobisôna bi nkoñ ’isi.

• “Bipôdôl bi bi nlôl ni mimbuu mimbe . . . bi kenek yak bikiñe bi nkoñ ’isi wonsôna, le bi kot gwo inyu gwét bi hilo hikeñi hi Nyambe Nu ngui yosôna. . . . Bini bipôdôl bi bi kot bikiñe i homa a nsébla ni hop Lôk Héber le Armagédôn.”​—Masoola 16:14, 16.

I buk ini le “Armagédôn” i nlôl ni hop u Lôk Héber le Har Meghiddôn, i i nkobla le “Hikôa hi Mégidô.” Mégidô a bé ngim tison i nlômbi Israel. Inyu hala nyen, ngandak bôt i nhoñol le Armagédôn a ga bane i Israel. Ndi, to mbok ba bé sébél le Mégidô, to biloñ bi nkéña Israel, bi nla bé kola inyu “bikiñe bi nkoñ ’isi wonsôna” ni mintôñ nwap mi gwét.

Kaat Masoola i bi tilba “ni njel biyimbne.” (Masoola 1:1) Armagédôn a ta bé ngim homa hana ’isi, a yé ndigi ngéda bikiñe bi nkoñ ’isi wonsôna bi ga kodba inyu kolba Yéhôva.​—Masoola 19:11-16, 19-21.