Аллагьасул гьудулзабаз лъикілъи гьабула

Нагагь, мун гьесдаса цІакъ вохарав, ва дуца хІурмат гьабулев гьудул дур вугони, дуца хІаракат бахъула гьесда релълъине. «ЛъикІав ва ритІухъав вуго Аллагь» — ян абулеб буго Забуралда (Забур 24:8). Аллагьасул гьудулзабилъун рукІине бокьани, нилъ лъугьине ккола лъикІлъи гьабулеллъун ва ритІухъаллъун. РухІаниял ТІахьазда абун буго: «Аллагьасдаса мисал босе рокьулел лъималаз гІадин ва рокьул нухаз хьваде» (Эфесазде 5:1, 2). Гьале чанго къагІида, кин гьеб гьабизе бегьулеб:

Кумек гьабизе хІадурав вукІа. «Киназего лъикІлъи гьабизин» (Галатиязде 6:10).

ТІад чІун хІалтІе. «ЦІогьорас биччанте тІокІалъ бикъичІого букІине, амма лъикІаб букІинаан, жигар бахъун хІалтІизе, жиндирго квераз пайдаяб иш гьабулаго» (Эфесазде 4:28).

Черх ва тІабигІат бацІцІадавлъун вукІа. «РачІа, нилъго рацІцІад гьаризин киналдасаго, — черх ва рухІ хъуб гьабулелдаса, Аллагьасдаса хІинкъиялдалъун рекІел бацІцІалъи камил гьабулаго» (2 Коринфазде 7:1).

Дурго хъизаналдехун рокьигун ва хІурматгун балагье. «Живго жиндиего гІадин, нужер щивасе жиндирго лъади йокьа, чІужуялъ абуни росасул гъваридго хІурмат гьабизе ккола. Лъимал, нужерго эбел-инсухъ гІенеккулеллъун рукІа» (Эфесазде 5:33; 6:1).

Цогидазде рокьи загьир гьабе. «Рокьигун балагьизин цоцазде, щай гурелъул рокьи Аллагьасдаса бугелъул» (1 Иоанница 4:7).

Дурго пачалихъалъул законал тІурай. «Щибаб рухІ мукІурлъун букІине биччай [хІукуматалъе]... Киназего кьезе кколеб кье: магъало кьезе кколесе — магъало» (Румазде 13:1, 7).