Аллагьасул гьудулзаби квешлъи гьабиялдаса рикікіад чіола

ШайтІаналъ къосинарула гІадамал квешлъи гьабизе. Аллагьасул гьудуллъун вукІине бокьарасе, рихине ккола Иеговае рокьукъабщинаб (Забур 96:10). Масала, Аллагьасул гьудулзаби цІунун чІола гьал хадусел ишаздаса:

Жинсияб низамалда хурхарал мунагьал. «Зиначилъи гьабуге» (2 Мусал 20:14). Ригьин гьабизегІан зина гьаби — мекъаб буго (1 Коринфазде 6:18).

Гьекъолди. «Гьекъолдухъабазе... Аллагьасул ПарччахІлъи ирсалъе щвеларо» (1 Коринфазде 6:10).

ЧІвай-хъвей, лъимер биххизаби. «ЧІваге» (2 Мусал 20:13).

ЦІогьоди. «Бикъуге» (2 Мусал 20:15).

Гьереси. Иеговае рокьукъаб буго «гьересияб мацІ» (Притчи 6:17).

Зулму-хІал ва гьалаглъараб ццин. «[Иеговае] рокьукъал руго нахъегІанал ва зулму-хІал бокьулел» (Забур 10:5). «Чорхол ишазде [гьоркьобе уна]... ццин гьалаглъи» (Галатазде 5:19, 20).

Шавкъ бачІинабулел хІаял. «Дица хъвалеб буго нужехъе, нужеца... тІокІалъ хъантІаравгун хурхен гьабуге» (1 Коринфазде 5:11).

БатІияб рассаялдехун ялъуни миллаталдехун рокьукълъи. «ЧІчІей гьечІого рокьа нужерго тушманзаби ва нужее рахІат толарел гьари-дугІабазулъ рехсей» (Матфейица 5:43, 44).

Аллагьас нилъеда абулебщинаб, нилъее пайдаяб буго. Квешал ишал гьаричІого тезе кидаго гуро бигьа букІунеб. Иеговал ва гьесул НугІзазул кумекалдалъун дуда кІвезе буго, Аллагь пашман гьавулел ишаздаса инкар гьабизе (Ишаял 48:17; Филиппиязде 4:13; Ягьудиязде 10:24, 25).