Жундулгун хурхен кквей ва сихіручилъи — квешаб буго

ШайтІаналъе бокьун буго, дуца жундулгун хурхен гьабизе. Жалго зараралдаса цІунизелъун, гІемерисел гІадамаз хварал умумузе яги рухІазе садакъаби кьола. Гьедин гьез гьабула, щай гурелъул гьел хІинкъула хваразул рухІазул дунялалъул гучалдаса. Гьез тІад рала, жалго жундузул квешлъиялдаса цІунизелъун тІад холел баргъичал ва курхьаби. Гьез гьекъола ва черхалда лъулъала, гьезул хІисабалда, цо кинаб лъалареб къуват кьолел, хурдул жура-гъуран гьарурал дараби. Цо-цо гІадамаз рахчула жидерго рокъоб ялъуни хуриб кина-киналниги жал; гьезул божилъиялда рекъон, гІадамал цІунизе кІолеб къуват буго гьезулъ. Цогидал рортула «жундузул дарабазул» кумекалде, щай гурелъул гьел божула, жидее хІалтІулъ, школалъул экзаменазда яги дандчІваязда гьез битІккей бачІиналда.

ШайтІаналда данде бищун лъикІаб цІуни буго — Иеговал гьудуллъун вукІин. ШайтІаналдаса ва гьелъул жундуздаса цІакъго къуват тІокІал руго Иеговаги гьесул малаикзабиги (Якъубица 2:19; Откровение 12:9). ТІубанго жиндие ракІ мутІигІал гьудулзабазул рахъ кквезелъун, Иегова хІадур вуго жиндирго бугеб къуват бихьизабизе (2 Паралипоменон 16:9).

Аллагьасул Каламалда абулеб буго: «СихІручилъи гьабуге». Иеговаца какулеб буго жундулгун хурхен кквей ва сихІручилъи, щай гурелъул гьеб гьабулелщинал, битІахъе ШайтІан — Илбисалъул кверщаликье ккезе бегьулелъул (3 Мусал 19:26).