Аллагьасул гьудулзаби. Щал гьел?

ГІиса МасихІ — ТІадегІанав Аллагьасул вас ва гьесул бищунго гІагарав, хирияв гьудул ккола. Ракьалда гьавизегІан цеве, ГІиса вукІана къуват цІикІкІарав рухІияв рижилъун; гьес гІумру гьабулеб букІана зобалазда (Иоанница 17:5). Цинги гьев ракьалде вачІана, Аллагьасул хІакъалъулъ хІакъикъат гІадамазда малълъизе (Иоанница 18:37). Гьединго гьес жиндирго инсанияб гІумру кьуна, Аллагьасе мукІурал гІадамал мунагьаздаса ва хвалдаса хвасарлъизе гІоло (Румазде 6:23). Гьанже ГІиса вуго — Аллагьасул ПарччахІлъиялъул — зодоса хІукуматалъул ПарччахІ. Гьеб хІукуматалъ ракь Алжаналде буссинабизе буго (Откровение 19:16).

Малаикзабиги ккола Аллагьасул гьудулзаби. Малаикзабаз, гІадамаз гІадин ракьалда гІумру гьабулароан. Аллагьас гьел рижизарун рукІана зобалазда ракь бижилалдего (ГІаюб 38:4—7). Чанго миллион малаик вуго (Даниял 7:10). Гьел, зобалазда ругел Аллагьасул гьудулзабазе бокьун буго, Иеговал хІакъалъулъ хІакъикъат гІадамазда лъазе (Откровение 14:6, 7).

Аллагьасул гьудулзаби ракьалдаги руго; гьес гьезда абула жиндир нугІзалилан. НугІас судалда бицуна лъил бугониги яги сундул бугониги жинда лъалебщинаб. Иеговал НугІзаз цогидазда бицуна, щиб жидеда лъалеб Иеговал хІакъалъулъ ва гьесул бугеб къасдалъул (Ишаял 43:10). Малаикзабазего гІадин, Иеговал НугІзазеги бокьун буго, дуе кумек гьабизе Иеговал хІакъалъулъ хІакъикъат лъазе. Гьезие бокьун буго, мунги Аллагьасул гьудуллъун вукІине.