Аллагьасул тушманзаби. Щал гьел?

Бищун кІудияб Аллагьасул тушман — ШайтІан Илбис буго. Гьеб буго Иеговада данде чІараб рухІияб рижи. Гьанжеги ШайтІан Аллагьасда данде къеркьолеб буго, ва гьелъ гІадамазе гІемер къварилъи гьабулеб буго. ШайтІан ццидалаб буго. Гьеб гьерсихъанги чІвадарухъанги буго (Иоанница 8:44).

Цогидал рухІиял рижиялги ШайтІаналда цадахъ лъугьун, Аллагьасда данде чІун руго. РухІаниял ТІахьаз гьезда жундулилан абула. ШайтІанго гІадин, жундулги гІадамазул тушманзаби ккола. Гьезие бокьула гІадамазе гІакъуба кьезе (Матфейица 9:32, 33; 12:22). Иеговаца думалъго тІагІинаризе руго ШайтІанги гьелъул жундулги. ГІадамазе къварилъи гьабизе, гьезие дагьаб заман хутІун буго (Откровение 12:12).

Аллагьасул гьудуллъун вукІине дуе бокьун батани, дуца ШайтІаналъе бокьараб жо гьабизе бегьуларо. ШайтІаналъе ва гьелъул жундузе цІакъ рокьукъав вуго Иегова. Гьел руго Аллагьасул тушманзаби. Гьезул мурад буго, мунги Аллагьасул тушманлъун лъугьин. Дуца тІаса бищизе ккола: щив рази гьавизе дуе бокьун бугеб — ШайтІанищ яги Иеговайищ? Дуе абадиялъ гІумру гьабизе бокьун батани, дуца таваккал тІамизе ккола Аллагьасул амру тІубазе. ШайтІаналъул руго, гІадамал гуккизе кІолел, гІемер сихІирлъаби ва къагІидаби. ГІемерисел гІадамал гьелъ къосинарун руго (Откровение 12:9).