Аллагьасул гьудулзабаз Алжаналда гіумру гьабизе буго

Алжан релълъараб букІинаро гьанже нилъеца гІумру гьабулеб дуниялалда. Аллагьасе киданиги бокьун букІинчІо, ракь балагьаз, пашманлъабаз, унтабаз ва къварилъабаз цІезе. КватІичІого Аллагьас ракь Алжаналде буссинабизе буго. Кинаб букІине бугеб гьеб Алжан? Балагьизин, щиб бицунеб бугеб РухІаниял ТІахьаз:

ЛъикІал гІадамал. Алжан букІине буго Аллагьасул гьудулзабазул рукълъун. Гьез цоцазе гІицІго лъикІлъи гьабизе буго. ГІадамаз гІумру гьабизе буго Аллагьасул ритІухъал малълъиязда рекъон (Притчи 2:21).

Кванил гьарзалъи. Алжаналда ракъи букІине гьечІо. РухІаниял ТІахьаз абулеб буго: «Ракьалда чадил [кванил] гьарзалъи букІина» (Забур 71:16).

Берцинал минаби ва рекІее бокьулеб хІалтІи. Алжаналъул ракьалда щибаб хъизаналъул жиндирго рукъ букІина. Щибав чи жиндие рохел кьолеб хІалтІуде вуссун вукІина (Ишаял 65:21—23).

Рекъел тІолго дуниялалда. ТІокІалъ гІадамал цоцалъ рагъизе гьечІо ва рагъда хвезе гьечІо. Аллагьасул Каламалъ абулеб буго: «[Аллагьас] рагъал къотІизаруна» (Забур 45:9, 10).

ЛъикІаб сахлъи. РухІаниял ТІахьаз рагІи кьолеб буго: «[Алжаналда] гІумру гьабулев цонигияс абиларо: “дун унтун вуго”» (Ишаял 33:24). РукІине гьечІо рекъал, беццал, гІинкъал ва мацІ ккурал (Ишаял 35:5, 6).

ТІагІина унти, пашманлъи ва хвел. Аллагьасул Каламалъ абулеб буго: «БукІине гьечІо тІокІалъ хвел, я къварилъи, я угьди, я унти тІокІалъ букІине гьечІо. Цебе букІараб ана» (Откровение 21:4).

Квешал гІадамал рукІине гьечІо. Иеговаца рагІи кьолеб буго: «Закон хвезабулел ракьалдаса тІагІинаризе руго ва ламартазул аслу къинабизе буго» (Притчи 2:22).

ГІадамазда гьоркьоб рокьи ва адаб-хІурмат букІина. БукІинаро тІокІалъ тІекълъи, зулму-гІазаб, хъантІи ва рокьукълъи. ГІадамазда гьоркьоб букІина цолъи; гьез гІумру гьабизе буго Аллагьасул ритІухъал малълъиязда рекъон (Ишаял 26:9).