Ibebene Okpọkọ 10

Jioba ire ogwu ubọọn̄ obebene ichit. Ikirọrọ inu geelek iweekbe me mgbọ geelek iweekbe. Kubọk inu njeen̄, Jioba inyan̄a Jerimaya isibi me udọn̄ mkpa. Inyan̄a Sedarak, Mesak, mè Abedinego isibi me emen orioon̄ ukan̄, mè inyan̄a si Danien isibi me emen udọn̄ egbe àtat. Jioba ibem Esita inyi ikọt isa ọmọ inyan̄a otutuuk ebi ido Ijeren. Jioba ikpotele ibe inu ikpak ikpọkpọk ikibọkọ irek ire mgbọ geelek. Nriran ofolek ikpele ogugo mè ikpele uti okup me Baibul okibieen̄ inye ibe ke Jioba mosa ama ubọọn̄ kan̄ isan̄a otutuuk mkpikpak sọnja mgbọ mè ibene ikikpulu inyọn̄ ijọn̄ yi.