Mɔɔ Ɩkɛma Wʋ Anyɩ Kele Mmɩlɩ Mɔ Nninyeni Nu Yɛ Sɩ Nɩ—Mɩnla Yɛ Bayɩbʋlʋ Yɩ Kã a?

Wɔ anwʋhyɩlɩlɛ mmɩlɩ eyi nu nɩ, kɛ debela mɔɔ ikezi wɔ yɛ ɛbɩlawɔlɛ nu nɩ yɛ yɛlɛ zʋlɔ tumi a. Naasʋ̃ sɛ yɛ anyɩ kele paa a, igyĩ ye subanɩ zʋ na kɛ yɛ bʋwabɩlɛ zʋ a. Bayɩbʋlʋ yɩ kã kɛɛ, “bɛzabɛ mɔɔ bɔwɔ anyɩnlɩlelɛ nɩ, bɛ anyɩ de eɣile bela” ɩávalɩ nwʋ kɛɛ beyiyiaa ndwokɔzɩzɩbɛ ndwokɔ nɩ. (Ɛɣɛlɛwulɛ 15:15, Good News Translation) Mɩnla yɛ yɛkɔhʋla kɛyɛ na ama yɛ anyɩnlɩlelɛ ɩayɛ kezi a? Ma yehilá Bayɩbʋlʋ nu fʋlɔdulɛ azʋlɔtʋ be mɔɔ ɩkɔhʋla ɩkɔwʋwa.

Kyina adwɩnɩndwɩnɩ munwa

Bayɩbʋlʋ yɩ kã kɛɛ: “Adwɩnɩndwɩnɩ ma enii yɩ ahʋnlɩnɩ bubu, naasʋ̃ ndwokɔ mɔɔ ɩyɛ fɛ ma inyia anyɩnlɩlelɛ.”—Ɛɣɛlɛwulɛ 12:25.

• Bayɩbʋlʋ yɩ kɔhʋla kɔwʋwa wʋ ma wʋ adwɩnɩndwɩnɩ zʋ kɛdɩ. Sɛ ɛpɛ kɛɛ ɔnwʋ nwʋmɔ ndwokɔ sʋ̃maa a, kɩnga odwokɔ mɔɔ ise “Nea Bible Ka Fa Adwinnwen Ho.”

Di ankʋnamɩyɛlɛ zʋ

Bayɩbʋlʋ yɩ kã kɛɛ: “Ɔhɔnwʋ baaba da ɔlɔlɛ ali mmɩlɩ munwatĩĩ, na ɩdɩ eliyema mɔɔ bɔwʋlɩ yɩ bɛmanlɩ anwʋhyɩlɩyɛ mmɩlɩ.”—Ɛɣɛlɛwulɛ 17:17.

• Bayɩbʋlʋ nu fʋlɔdulɛ kɔhʋla kɔwʋwa wʋ ma ekenyia ɔhɔnwʋmmɔ baaba, ama wʋádɩlɩ nɣanlɩ kɛɛ ɛyɛ ankʋnamɩ. Kɩnga odwokɔ mɔɔ ise “Fa Ɔhɔnwʋvalɛ Di Ankʋnamɩyɛlɛ Zʋ—Mɔɔ Bayɩbʋlʋ Yɩ Kã.”

Nyia ɔlɔlɛ ma Nyamɩnlɩ nɩɩ wʋ ɔhɔnwʋ enii

Bayɩbʋlʋ yɩ kã kɛɛ: ‘Fa wʋ ahʋnlɩnɩ munwatĩĩ, wʋ ɛkɛla munwatĩĩ nɩɩ wʋ adwɩnɩ munwatĩĩ dɔ [Gyehova] wʋ Nyamɩnlɩ nɩ. Dɔ wʋ ɔhɔnwʋ kɛɛ wʋzawʋ wʋ nwʋ.’a—Matiyu 22:37-39.

• Mpayɩwɔlɛ kɔhʋla kɔwʋwa yɛ ma ɔlɔlɛ mɔɔ yɛwɔ yɛma Nyamɩnlɩ nɩ kɛyɛ kezi paa. Sɛ ɛpɛ kɛɛ ɔnwʋ sʋ̃maa falɩ eyi nwʋ a, kɩnga odwokɔ mɔɔ ise “Onyankopɔn Tie Yɛn Mpaebɔ Anaa?”

• Sɛ yɛ nɩɩ mmenii mvʋlɔ di kɛmɔ Gyisɛsɩ hanlɩ nɩ a, ɩkɛma yɛkɛla ɔlɔlɛ ali yekehile bɛ. Sɛ ɛpɛ kɛɛ ɔnwʋ sʋ̃maa falɩ eyi nwʋ a, kɩnga odwokɔ mɔɔ ise “Sɛn Na Yesu Kaa Sɛ Yɛne Nnipa Ntena?”

Asʋ̃ ɛkɛbɛ yɩ kɛɛ ɔkɔnwʋ ahʋanɩ mvʋlɔ mɔɔ Bayɩbʋlʋ yɩ kɔhʋla kɔwʋwa wʋ ma ekenyia anyɩnlɩlelɛ wɔ anwʋhyɩlɩlɛ mmɩlɩ eyi nu a? Mɛyɩ nɩ yɛlɛ anyɩnlɩlelɛ yɛtʋʋ salɛ yɛkɔvʋlɔ wʋ kɛɛ twé yɛ Bayɩbʋlʋ dɩyɛzumalɛ nhyɩhyɛlɩyɛ mɔɔ bɛáduwa hwɩɩ nɩ kila.