Thomas Jackson/Stone via Getty Mfonyini
BƆHƆ́ ƆZƲLƆ BƆWƖƐNƖ!
Mɔɔ Ɩkɛma Ekenyia Anyɩnlɩlazʋ Wɔ 2024 Ɔlʋbɔ Yi Nu—Mɩnla Yɛ Bayɩbʋlʋ Yɩ Kã a?
Mmenii sʋ̃maa sunzu kɛɛ ɔhawʋ azʋlɔtʋ mɔɔ ɩkɛɣa wɔ 2024 ɔlʋbɔ yi nu nɩ, belényia yi munwa awudo wɔ dɩka bela. Naasʋ̃ anyɩnlɩlazʋ be wɔ kɛnɩ. Ɛhɩnla dɩka yɛ yekenyia ɔzɔ anyɩnlɩlazʋ yɩ a?
Yekenyia yɩ wɔ Bayɩbʋlʋ yɩ nu
Bayɩbʋlʋ yɩ bɔ anʋhʋba kɛɛ, Nyamɩnlɩ kɛyɩ ɔhawʋ azʋlɔtʋ mɔɔ ɩma yɛtɩ nɣanlɩ kɛɛ yéni anyɩnlɩlazʋ bela nɩ wɔ kɛ. Ɩlɛ́kyɛ, Nyamɩnlɩ ‘ɩkɛbɩba yɛ anyɩ tʋ mmʋnlɩ munwala, na owulo íni kɛnɩ biyekʋ̃, na aɣɛlɛbɔ nɩɩ ozunɛ nɩɩ ɛyɛkɛ íni ɛkɛnɩ ebiyekʋ̃.’—Yikile 21:4.
Sɛ ɛpɛ kɛɛ osuma sʋ̃maa falɩ anʋhʋba azʋlɔtʋ mɔɔ Bayɩbʋlʋ yɩ ɩwɔ ɩvalɩ eɣile be nwʋ nɩ nwʋ a, kɩnga odwokɔ mɔɔ ise “A Real Hope for a Better Tomorrow.”
Kezimɔ Bayɩbʋlʋ yɩ kɔhʋla kɔwʋwa wʋ nnɛ
Bayɩbʋlʋ yɩ ma yenyia eɣile be nwʋ anyɩnlɩlazʋ mɔɔ ɩkɔhʋla ɩkɔwʋwa wʋ ma ekenyia nninyeni nwʋ adwɩnɩba. (Wulomimaa 15:13) Fʋlɔdulɛ azʋlɔtʋ mɔɔ ɩwɔ Bayɩbʋlʋ yi nu nɩ sʋ̃ kɔwʋwa wʋ ma ekegyina ndwokɔzɩzɩbɛ be dɩkɛɛ ehyinyia, nsisi, nɩɩ adimakɛlɛ yi munwa.
Kila kezimɔ anyɩnlɩlazʋ mɔɔ Bayɩbʋlʋ yɩ fa ma nɩ wʋwalɩ benyia be ma inyianlɩ azʋ̃nudwolɩyɛ nɩɩ anyɩnlɩlelɛ ɩávalɩ nwʋ kɛɛ nɩ ɩdɩ ehyinyianii nɩ. Kila vidiyo mɔɔ ise Juan Pablo Zermeño: Gyehova Ma Minyia Ɛbɩlawɔlɛ Mɔɔ Idi Munli.
Kila kezimɔ Bayɩbʋlʋ yɩ kɔhʋla kɔwʋwa wʋ mmɩlɩ mɔ wʋ adwɩnɩ ibuwaa wʋ ɔfɔ wɔ debe nwʋ, edii aɣɛlɛbɔ, adwɩnɩndwɩnɩ hyɛ wʋ zʋ nɩɩ mmɩlɩ mɔ wʋ dɔvʋlɔ be iwu nɩ. Kɩnga odwokɔ mɔɔ ise “Awerɛkyekyesɛm Bi Wɔ Bible Mu a Ebetumi Aboa Me Anaa?”
Kila kezimɔ baalɛ be mɔɔ yɩ nwʋ wʋkwa wɔ sogyia egyima yi nu mɔɔ yɩzayɩ ɩhanlɩ yɩ nwʋ odwokɔ kɛɛ, “nɩ mi ti nu yɛ sɩ na mɩádwɩnɩ mmenii nwʋ” nɩ nyianlɩ anyɩnlɩlazʋ iluwa mɔɔ izumanlɩ wɔ Bayɩbʋlʋ yi nu nɩ. Kila vidiyo mɔɔ ise I Put Down My Rifle.
Ɛ nɩɩ wʋ abusunwa bɛma bɛ anyɩ ile wɔ 2024 ɔlʋbɔ yi nu. Kila kezimɔ Bayɩbʋlʋ yɩ kɔhʋla kɔwʋwa wʋ nɩ nwʋ ndwokɔ sʋ̃maa. Sa ɔkʋla ɛma Gyehova Dasɩvʋlɔmaa bɛ nɩɩ wʋ bɔ numɔ suma Bayɩbʋlʋ yɩ mɔɔ olótuwa hwɩɩ. Kila kezimɔ Nyamɩnlɩ kɔhʋla kɛma ekenyia “azʋ̃nudwolɩyɛ adwɩnɩ” sikalɛ yɩ, yɛɛ “eɣile be nɩɩ anyɩnlɩlazʋ.”—Gyɛlɩmaya 29:11.