‘’n Besonder toegewyde man’

William Kirk Jackson is op 16 September 1901 in Galveston, Texas, gebore. Na ’n lewe van toegewyde diens aan Jehovah God het hy sy aardse lewe op 13 Desember 1981 voltooi.

Van kleins af het William ’n groot belangstelling in Bybelwaarheid getoon. In 1915 het hy hom op die ouderdom van 14 deur Christus Jesus aan Jehovah toegewy. Hy het altyd sy roeping as een van die Here se gesalfdes in eenheid met Christus gekoester. Op 1 Junie 1933 het hy Jehovah voltyds as ’n pionier begin dien. Na spesiale toewysings in Washington, D.C., en in Chicago, Illinois, het broer Jackson op 13 November 1937 ’n permanente lid van die Brooklynse Bethelgesin geword. Van 1941 af het hy saam met regsadviseur Hayden C. Covington gedien en was hy in die hewigste van die geveg wat tot talle belangrike oorwinnings vir Jehovah se Getuies in die Amerikaanse Appèlhof gelei het. Hy is op 15 Oktober 1971 as lid van die Bestuursliggaam van Jehovah se Getuies aangestel, en hy het mettertyd op die Diens- en die Uitgewerskomitee gedien.

Broer Jackson was nederig, baie beskeie en nooit grootdoenerig nie. Duisende mense rondom die aarde het hom slegs as “Bill” geken. Hy was sagmoedig, te alle tye genaakbaar en ’n baie aangename metgesel; hy het mense altyd op hulle gemak gestel. Tydens ’n gedenkdiens wat by die Brooklynse Bethel gehou is, het F. W. Franz gesê: ‘Ons dank Jehovah God dat hy so ’n goeie Getuie verwek het. Hy het sy loopbaan getrou voltooi en is seker van sy beloning. Bill Jackson was ’n besonder toegewyde man.’