’N WYSE SPREUK

“Die dwaas laat sy drif op die daad bekend word, maar die skrandere verberg skande.”—Spr. 12:16.

Hoe reageer jy wanneer iemand jou ten onregte kritiseer of lelike dinge van jou sê? Soos Spreuke 12:16 toon, is dit ’n baie algemene reaksie onder onvolmaakte mense om hulle humeur te verloor. Baie mense laat dadelik, “op die daad”, hulle drif bekend word en gee ’n toornige antwoord. Maar wat van “die skrandere”? Met die uitdrukking “die skrandere” verwys Spreuke nie hier na ’n listige persoon, soos iemand wat wraak beplan nie. Die gunstige aspek van skranderheid word eerder beklemtoon. ln Spreuke word dit verbind met kennis en wysheid, met ’n versigtige persoon wat ’n saak deurdink voordat hy sommer net emosioneel reageer (Spr. 13:16; 14:8; 22:3). Ondanks onregverdige kritiek of ’n kleingeestige belediging wat hom oënskynlik smaad aandoen, bedwing die skrandere sy tong. Hy bly in beheer en laat nie toe dat die ander persoon of die situasie hom beheer nie. En sulke versigtigheid strek hom beslis tot voordeel, daar hy die gevegte vermy wat dikwels die lot is van die persoon wat oorhaastig reageer wanneer sy gevoelens seergemaak word.