Versterk jou vertroue in Jehovah se reddingskrag

Lees Numeri 13:25–14:4 om te sien hoe die Israeliete ’n gebrek aan vertroue in Jehovah gehad het.

Ontleed die konteks. Hoekom moes die Israeliete vertroue gehad het in Jehovah se vermoë om hulle te red terwyl hulle Egipte verlaat het? (Ps. 78:​12-16, 43-53). Wat het daartoe gelei dat hulle vertroue in Jehovah verloor het? (Deut. 1:​26-28). Watter soort vertroue in Jehovah het Josua en Kaleb gehad? – Num. 14:​6-9.

Soek dieper. Wat kon die Israeliete gedoen het om hulle vertroue in Jehovah te versterk? (Ps. 9:10; 22:4; 78:11). Wat is die verband tussen vertroue in Jehovah en respek vir hom? – Num. 14:11.

Identifiseer die lesse. Vra jou af:

• ‘Watter situasies kan my volle vertroue in Jehovah toets?’

• ‘Hoe kan ek my vertroue in Jehovah nou en in die toekoms versterk?’

• ‘Waarvan kan ek seker wees soos die groot verdrukking nader kom?’ – Luk. 21:​25-28.